اویس لغاری سے کرغزستان کے سفیر کی ملاقات، توانائی کے شعبے میں تعاون پر تبادلہ خیال
اشاعت کی تاریخ: 4th, March 2025 GMT
اسلام آباد:
کرغزستان کے سفیر محترم آواز بیک اتاخانوف نے وفاقی وزیر برائے توانائی، سردار اویس احمد خان لغاری سے ملاقات کی س میں دوطرفہ تعلقات کو مزید مضبوط بنانے اور خاص طور پر توانائی کے شعبے میں تعاون پر تبادلہ خیال کیا گیا۔
ملاقات میں توانائی سمیت مختلف شعبوں میں باہمی اشتراک کو فروغ دینے کے عزم کا اعادہ کیا گیا۔
وفاقی وزیر سردار اویس احمد خان لغاری نے پاکستان اور کرغزستان کے درمیان مثالی برادرانہ تعلقات کا ذکر کرتے ہوئے مختلف شعبوں میں مزید تعاون کو فروغ دینے کی خواہش کا اظہار کیا۔ انہوں نے کہا کہ پاکستانی طلبہ کی بڑی تعداد کرغزستان کی جامعات میں اعلیٰ تعلیم حاصل کر رہی ہے، جو کہ اچھے تعلیمی نظام کا ثبوت ہے۔
وفاقی وزیر نے کرغزستان کے سفیر کو توانائی کے شعبے میں کارکردگی اور پائیداری کو بہتر بنانے کے لیے حکومت پاکستان کی جانب سے کی جانے والی اصلاحات کے بارے میں بتایا۔
انہوں نے کرغز سرمایہ کاروں کو پاکستان کے توانائی کے شعبے میں سرمایہ کاری کے مواقع تلاش کرنے اور مختلف منصوبوں میں شرکت کی دعوت دی۔ انہوں نے قابل تجدید توانائی میں مشترکہ منصوبوں کی اہمیت پر بھی زور دیا۔
کرغزستان کے سفیر نے پاکستان میں توانائی کے شعبے میں اصلاحات کی کوششوں کو سراہا اور اپنے ملک کی جانب سے باہمی دلچسپی کے شعبوں میں تعاون کے عزم کا اظہار کیا۔
انہوں نے اس بات پر زور دیا کہ توانائی کے بنیادی ڈھانچے اور علاقائی توانائی کے روابط کو مضبوط کرنے سے معاشی ترقی اور استحکام کو فروغ ملے گا۔
دونوں رہنماؤں نے باہمی تعاون کو مزید گہرا کرنے کے عزم کا اعادہ کیا اور اس بات پر اتفاق کیا کہ مستقبل میں ایسے منصوبوں پر تبادلہ خیال جاری رکھا جائے گا جو پاکستان اور کرغزستان کے اقتصادی اور اسٹریٹجک تعلقات کو مزید مستحکم کریں گے۔
.ذریعہ: Express News
کلیدی لفظ: توانائی کے شعبے میں کرغزستان کے سفیر انہوں نے
پڑھیں:
چیئرمین سینیٹ سید یوسف رضا گیلانی سے ایتھوپیا کے سفیر جمال بکر عبداللہ کی ملاقات
چیئرمین سینیٹ سید یوسف رضا گیلانی سے ایتھوپیا کے سفیر جمال بکر عبداللہ کی ملاقات WhatsAppFacebookTwitter 0 25 July, 2025 سب نیوز
اسلام آباد(سب نیوز)چیئرمین سینیٹ سید یوسف رضا گیلانی سے ایتھوپیا کے سفیر جمال بکر عبداللہ نے ان کی رہائش گاہ پر ملاقات کی۔ ملاقات کے دوران دوطرفہ تعلقات، اقتصادی و تجارتی تعاون، دفاعی اشتراک سمیت باہمی دلچسپی کے امور پر تفصیلی تبادلہ خیال کیا گیا ۔چیئرمین سینیٹ نے کراچی اور ادیس ابابا کے درمیان براہ راست پروازوں کے آغاز کا خیرمقدم کیا اور پاکستان و ایتھوپیا کے درمیان فضائی شعبے میں تعاون کے وسیع امکانات کو سراہا۔
سید یوسف رضا گیلانی نے کہا کہ پاکستان ایتھوپیا کے ساتھ اپنے تعلقات کو قدر کی نگاہ سے دیکھتا ہے اور اقتصادی روابط کو مزید مستحکم کرنے کے لیے پرعزم ہے۔ انہوں نے کہا کہ دونوں ممالک عالمی سطح پر کلائمیٹ چینج جیسے اہم مسائل پر مل کر کام کر رہے ہیں اور بین الاقوامی فورمز پر بہترین تعاون قائم ہے۔ چیئرمین سینیٹ نے اپنے ایتھوپیائی پارلیمانی ہم منصب کو پاکستان کے دورے کی دعوت بھی دی۔انہوں نے دوطرفہ تجارت اور سرمایہ کاری میں اضافے کی ضرورت پر زور دیتے ہوئے ایتھوپیا کو پاکستانی چاول برآمد کرنے کی تجویز دی اور کہا کہ پاکستان دنیا کے بہترین اقسام کے چاول پیدا کرنے والے ممالک میں شامل ہے۔سید یوسف رضا گیلانی نے معیشت، تجارت اور زراعت کے شعبوں میں پاکستان کی ایتھوپیا کے ساتھ تعاون کے عزم کا اعادہ کیا اور کہا کہ پارلیمانی وفود کے تبادلوں سے باہمی تعلقات مزید مستحکم ہوں گے۔
انہوں نے کہا کہ پاکستان ایتھوپیا کے ساتھ کثیرالجہتی تعاون کو مزید وسعت دینے کا خواہاں ہے۔چیئرمین سینیٹ نے کہا کہ رواں سال نومبر میں پاکستان میں انٹرپارلیمنٹری اسپیکرز کانفرنس منعقد ہو رہی ہے اور امید ظاہر کی کہ ایتھوپیا کی پارلیمانی قیادت اس میں شرکت کرے گی۔ انہوں نے کہا کہ عوامی روابط کو فروغ دینے اور اقوام کو قریب لانے کے لیے پارلیمانی فرینڈشپ گروپس اس حوالے سے اہم کردار ادا کر سکتے ہیں۔سفیر جمال بکر عبداللہ نے چیئرمین سینیٹ کی خیالات سے مکمل اتفاق کیا اور پاکستان کے ساتھ تجارتی و دوطرفہ تعاون کو مزید فروغ دینے کے ایتھوپیا کے عزم کا اعادہ کیا۔ انہوں نے بتایا کہ اسلام آباد اور لاہور کے لیے بھی فضائی رابطوں کی توسیع زیر غور ہے۔ انہوں نے عالمی فورمز پر باہمی حمایت کی اہمیت اور ماحولیاتی تبدیلی سے متعلق مشترکہ تعاون پر بھی زور دیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپاکستان کا سوشل میڈیا کمپنیوں سے ڈیٹا شیئرنگ اور دہشت گردوں کے سوشل میڈیا اکاونٹس ڈیلیٹ کرنے کا مطالبہ پاکستان کا سوشل میڈیا کمپنیوں سے ڈیٹا شیئرنگ اور دہشت گردوں کے سوشل میڈیا اکاونٹس ڈیلیٹ کرنے کا مطالبہ پاکستان اور چین کی افواج کے درمیان تعلق باہمی تعلقات کا اہم ستون ہیں، چینی فوجی کمیشن چین ہر قسم کی دہشت گردی پر کاری ضرب لگانے میں پاکستان کی حمایت جاری رکھے گا،چینی وزیر خارجہ پاکستان جرنلسٹ فورم جدہ کی جانب سے شکیل محمد خان مرحوم کے لیے تعزیتی ریفرنس قبل از گرفتاری ضمانت مسترد ہونے کے بعد فوری گرفتاری ضروری قرار حماد اظہر کا سرینڈر کرنے کا فیصلہ، ضمانت نہ ملنے کی صورت میں جیل جانے کا امکانCopyright © 2025, All Rights Reserved
رابطہ کریں ہمارے بارے ہماری ٹیم
اسحاق ڈار کی آسٹریلیا کی وزیرِ خارجہ سے ملاقات, اعلیٰ سطحی سیاسی روابط بڑھانے پر اتفاق