کنگ سلمان ریلیف سینٹر کا رمضان کے دوران پاکستان میں فوڈ باسکٹ پروجیکٹ کا آغاز
اشاعت کی تاریخ: 5th, March 2025 GMT
کنگ سلمان ریلیف سینٹر نے نیشنل ڈیزاسٹر مینجمنٹ اتھارٹی کے تعاون سے فوڈ باسکٹ پروجیکٹ پاکستان 2025 کے تحت رمضان المبارک کے دوران پاکستان کے 33 اضلاع میں ضرورت مند کمیونٹیز کے لیے بڑے پیمانے پر 30 ہزار فوڈ پیکجز کی تقسیم کا آغاز کردیا ہے۔
یہ بھی پڑھیں:شاہ سلمان ریلیف سینٹر کا پاکستان میں 5 ہزار اسکول تعمیر کرنے کا اعلان
ہر 95 کلوگرام وزنی فوڈ پیکج میں 80 کلوگرام آٹا، 5 لیٹر کوکنگ آئل، 5 کلوگرام چینی اور 5 کلوگرام دال چنا شامل ہے، اس اقدام کا مقصد 2 لاکھ 10 ہزار مستحق افراد کو بنیادی خوراک فراہم کرنا ہے تاکہ وہ رمضان کے بابرکت مہینے میں غذائی تحفظ حاصل کرسکیں۔
یہ تقسیم صوبائی ڈیزاسٹر مینجمنٹ اتھارٹیز، گلگت بلتستان ڈیزاسٹر مینجمنٹ اتھارٹی ، اسٹیٹ ڈیزاسٹر مینجمنٹ اتھارٹی، مقامی ضلعی انتظامیہ اور کنگ سلمان ریلیف کے عملدرآمدی پارٹنرز، حیات فاؤنڈیشن اور پیس اینڈ ڈویلپمنٹ آرگنائزیشن کے تعاون سے شفاف طریقے سے کی جارہی ہے۔
مزید پڑھیں:کنگ سلمان ریلیف سینٹر کی جانب سے متاثرہ علاقوں میں 50 ہزار شیلٹرز، ونٹر کٹس کی تقسیم مکمل
خوراک کی عدم دستیابی کے سنگین مسئلے کو حل کرتے ہوئے، کنگ سلمان ریلیف ضرورت مند طبقات کو مدد فراہم کرنے کے اپنے غیر متزلزل عزم کو ثابت کر رہا ہے، یہ اقدام کنگ سلمان ریلیف کی عالمی انسانی امدادی کوششوں کے عزم کو اجاگر کرتا ہے، جس کا مقصد کمزور طبقات میں استحکام، خود انحصاری، اور خوشحالی کو فروغ دینا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان رمضان فوڈ باسکٹ پروجیکٹ کنگ سلمان ریلیف سینٹر.ذریعہ: WE News
کلیدی لفظ: پاکستان کنگ سلمان ریلیف سینٹر کنگ سلمان ریلیف سینٹر ڈیزاسٹر مینجمنٹ
پڑھیں:
نوکری سے نکالنے پر ملازم نے بریانی سینٹر کے مالک پر فائرنگ کردی
کراچی:شرافی گوٹھ میں نوکری سے نکالنے پر فائرنگ کرکے بریانی سینٹر کے مالک کو زخمی کردیا۔
ایس ایچ او شرافی گوٹھ نے بتایا کہ لانڈھی دلدار ہوٹل لانڈھی کے قریب فائرنگ سے ایک شخص زخمی ہوگیا، زخمی کی شناخت 31 سالہ یاسر ولد خواجہ محمد سے ہوئی جسے طبی امداد کیلئے جناح اسپتال منتقل کیا گیا۔
ایس ایچ او شرافی گوٹھ قمر عباس نے بتایا کہ زخمی یاسر بریانی سینٹر کا مالک ہے، اس نے کئی روز قبل اپنے ملازم کو نوکری سے نکال دیا تھا۔
زخمی نے الزام عائد کیا ہے کہ اس کے سابقہ ملازم نے فائرنگ کرکے زخمی کیا ہے۔ واقعہ کے بعد ملزم فرار ہوگیا، پولیس اس واقعہ کی مزید تفتیش کررہی ہے۔
ہم طالبان کو دوبارہ غاروں میں دھکیلنے کی صلاحیت رکھتے ہیں: وزیر دفاع خواجہ آصف