وزیراعلیٰ مراد علی شاہ کا بنوں کینٹ پر حملے کو ناکام بنانے پرسکیورٹی فورسز کو خراجِ تحسین
اشاعت کی تاریخ: 5th, March 2025 GMT
ویب ڈیسک : سندھ کے وزیراعلیٰ مراد علی شاہ نے کہا ہے کہ سکیورٹی فورسز کے دہشتگردی کے خاتمے کے عزم کو خراج تحسین پیش کرتا ہوں۔
وزیراعلیٰ سندھ مرادعلی شاہ نے خوارج کو جہنم واصل کرنے اور بنوں کینٹ پر حملے کو ناکام بنانے پرسکیورٹی فورسز کو مبارکباد دی، کہا کہ سکیورٹی فورسز کے دہشتگردی کے خاتمے کے عزم کو خراج تحسین پیش کرتا ہوں۔ انہوں نے کہا کہ انسان دشمن عناصر کسی رحم کے حقدار نہیں۔
مریم نواز کی ہاؤسنگ سکیموں کی بحالی کیلئے فنڈز جاری کرنے کی ہدایت
مراد علی شاہ نے مزید کہا کہ پوری قوم کی دعائیں فورسز کے ساتھ ہیں۔
.ذریعہ: City 42
پڑھیں:
بنوں میں دہشت گردوں کا سیکیورٹی فورسز پر کواڈ کاپٹر سے حملہ
بنوں(نیوز ڈیسک) خیبرپختونخوا کے ضلع بنوں میں دہشت گردوں نے سیکیورٹی فورسز پر کواڈ کاپٹر سے حملہ کیا ہے۔
بنوں کے علاقے نالہ ٹوچی پل کے قریب سیکورٹی فورسز پر دہشت گردوں نے کواڈ کاپٹر سے حملہ کیا جبکہ تھانہ ہوید کی حدود میں بارودی مواد سے رابطہ پل کو اڑادیا۔
پولیس کے مطابق جانی خیل بنوں رابطہ پل پر دہشت گردوں نے بارودی مواد نصب کیا تھا،جو زوردار دھماکے سے پھٹ گیا، دھماکے سے رابطہ پل کو شدید نقصان پہنچا۔
پولیس حکام نے جوابی کارروائی میں دو دہشت گردوں کو ہلاک کرنے کا دعوٰی کیا ہے۔
ایف سی کی گاڑی پر فائرنگ
دوسری جانب بنوں میں ایف سی کی گاڑی پر دہشتگردوں کی فائرنگ سے ڈرائیور شہید جبکہ ایف سی اہلکار زخمی ہوگیا، دہشتگردوں کی تلاش اور سرچ آپریشن جاری ہے۔
پولیس اسٹیشن بسیہ خیل پر حملہ ناکام
پولیس اسٹیشن بسیہ خیل پر رات گئے دہشت گردوں کا حملہ ناکام بنادیا گیا، حملہ مختلف سمتوں سے کیا گیا جس میں بھاری ہتھیار استعمال کئے گئے، پولیس کی بھرپور اور مؤثر جوابی کارروائی پر حملہ آور پسپا ہوگئے۔
ڈی پی او بنوں سلیم عباس کلاچی کا کہنا ہے کہ پولیس اوردہشتگردوں کے مابین ایک گھنٹہ تک فائرنگ کا تبادلہ جاری رہا، دہشتگرد رات کی تاریکی میں فرار ہوگئے، پولیس نے تلاش شروع کردی۔ حملہ میں کوئی جانی نقصان نہیں ہوا۔
نجی بینک کے ملازمین گاڑی سمیت اغواء
نامعلوم افراد نے شمالی وزیرستان کے ضلع میرعلی کے علاقے ہرمز سے نجی بینک کے منیجر، سٹاف ممبر اور کوچ کے ڈرائیور کو گاڑی سمیت اغواء کرلیا۔ مغویان ڈیوٹی کے بعد میران شاہ سے بنوں جا رہے تھے۔ واقعے کے بعد میران شاہ کے تمام بینک احتجاجاً بند کردیے گئے۔
Post Views: 17
عدالت نے مسلم مخالف فلم اودے پور فائلز کی مکمل اسکریننگ کا حکم کیوں دیا؟