کراچی: ڈیفنس میں چینی شہریوں کو کرائے پر گھر دینا مکان مالک کو مہنگا پڑگیا
اشاعت کی تاریخ: 5th, March 2025 GMT
کراچی:
ڈیفنس میں چینی شہریوں کو کرائے پر گھر دینا مکان مالک کو مہنگا پڑگیا، سندھ ہائیکورٹ نے ایس ایس پی سیکیورٹی ون کو طلب کرلیا۔
ہائیکورٹ میں چینی شہری کو گھر کرائے پر دینے سے متعلق پولیس کا مکان مالک سے سیکیورٹی کے نام پر جگہ اور وسائل مانگنے کیخلاف درخواست کی سماعت ہوئی۔
درخواستگزار کے وکیل راج علی واحد کنور ایڈوکیٹ نے موقف دیا کہ پولیس اہلکار چینی شہریوں کی سیکیورٹی کے نام پر ہراساں کررہی ہے۔ پولیس افسران کہتے ہیں چینی شہریوں کی سیکیورٹی کے لئے اہلکاروں کے لئے گھر میں جگہ بنائی جائے۔ اہلکاروں کا روز کا خرچہ بھی مکان مالک کو اٹھانے کا کہا جارہا ہے، درخواست گزار کا گھر حساس مقام کی فہرست میں شامل نہیں ہے۔
درخواست گزار کے گھر کے اندر پولیس اہلکاروں کو ٹھہرانے کا مطالبہ غیر آئینی قرار دیا جائے۔ کرائے داروں کی سیکیورٹی کے لئے مکان مالک کے بنیادی حقوق ختم نہیں کیے جاسکتے۔
عدالت نے وکیل درخواستگزار سے مکالمہ میں کہا کہ اگر آپ کو سیکیورٹی نہیں چاہیے تو آپ اپنی ذمہ داری پہ سیکیورٹی کی فراہمی ختم کر دیں۔ وکیل نے موقف دیا کہ ہم نے سیکیورٹی سے انکار نہیں کیا ہے لیکن پولیس اہلکاروں کو گھر کے اندر رہائش نہیں دی جاسکتی۔
پولیس اہلکار رہائش گاہ کے باہر ٹینٹ لگا کر رہ سکتے ہیں۔ پولیس اہلکاروں کے گھر میں داخلے سے رہائشیوں کی پرائیویسی متاثر ہوگی۔ عدالت نے آئندہ سماعت پر ایس ایس پی سیکیورٹی ون کو طلب کرتے ہوئے حکم امتناع میں 8 اپریل تک توسیع کردی۔
.ذریعہ: Express News
کلیدی لفظ: چینی شہریوں سیکیورٹی کے مکان مالک
پڑھیں:
غیرقانونی مقیم غیرملکیوں کے خلاف آپریشن تیز، راولپنڈی میں 216 افغان شہری گرفتار
ملک میں موجودہ غیرقانونی غیرملکیوں کے خلاف کارروائیوں کا سلسلہ جاری ہے۔ حکومت پنجاب کے خصوصی احکامات کی روشنی میں گزشتہ 5 روز کے دوران صرف راولپنڈی میں 216 غیرقانونی مقیم افغان شہریوں کو حراست میں لے کر ہولڈنگ سینٹر منتقل کردیا گیا۔
راولپنڈی پولیس کے مطابق غیرقانونی افغان باشندوں کو مکان کرائے پر دینے پر سخت کارروائی کی جارہی ہے، اور 18 مالک مکان بھی گرفتار ہو چکے ہیں۔
حکومت پنجاب کے خصوصی احکامات کی روشنی میں گزشتہ پانچ روز کے دوران غیر قانونی مقیم افغانیوں اور دیگر غیر ملکیوں کےخلاف کریک ڈاؤن،
63 مقدمات درج،افغان باشندوں کو مکان کرایہ پر دینےوالے 18 مالک مکان گرفتار ،
216 غیرقانونی مقیم افغانیوں کو تحویل میں لیکر ہولڈنگ سنٹر منتقل کردیاگیا،
— Rawalpindi Police (@RwpPolice) November 2, 2025
پولیس نے بتایا کہ شہری غیر قانونی مقیم غیر ملکی افراد کو اپنی پراپرٹی ہرگز کرایہ پر نہ دیں، نہ ہی فروخت کریں، قانون کی خلاف ورزی پر کارروائی عمل میں لائی جائےگی۔
پولیس نے کہا ہے کہ شہری اپنی گاڑی، رکشہ یا دیگر اشیا بھی غیر قانونی مقیم غیر ملکیوں کو نہ دیں، نہ ہی کاروباری معاملات یا لین دین کریں۔
پولیس نے شہریوں سے یہ بھی اپیل کی ہے کہ کوئی شہری کسی غیر قانونی مقیم غیر ملکی کو ملازمت پر نہ رکھے، قانونی طور پر مقیم غیر ملکی متعلقہ تھانہ میں اپنی رجسٹریشن کو یقینی بنائیں۔
راولپنڈی پولیس نے تمام شہریوں سے درخواست کی ہے کہ اپنے ارد گرد نظر رکھیں، غیر قانونی مقیم غیر ملکی افراد کی اطلاع پولیس کو فراہم کریں، اطلاع دینے والے کا نام صیغہ راز میں رکھا جائےگا۔
واضح رہے کہ ملک میں موجود غیرقانونی غیرملکیوں کے خلاف آپریشن کا سلسلہ جاری ہے، اور اب تک لاکھوں غیرقانونی افغان شہریوں کو واپس بھیجا جا چکا ہے۔
مزید پڑھیں: غلط بیانی قابل قبول نہیں، پاکستان نے استنبول مذاکرات سے متعلق افغان طالبان کا بیان مسترد کردیا
پاکستان اور افغانستان کے درمیان ہونے والی حالیہ کشیدگی کے بعد غیرقانونی مقیم غیرملکیوں کے انخلا کے عمل میں تیزی آئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews افغان شہری افغان مہاجرین انخلا راولپنڈی تیز غیرقانونی مقیم کریک ڈاؤن تیز گرفتاریاں مالک مکان وی نیوز
ڈی جی این سی سی آئی اے وقار الدین سید کو عہدے سے ہٹا دیا گیا