کراچی، قائد آباد میں مزاحمت پر نوجوان جاں بحق، شہریوں کے تشدد سے ڈاکو بھی مارا گیا
اشاعت کی تاریخ: 5th, March 2025 GMT
قائدآباد مرغی خانہ اسٹاپ کے قریب دو ملزمان نے بابر نامی شہری کو لوٹنے کی کوشش کی، جس پر اس نے مزاحمت کی تو ملزمان نے فائرنگ کر دی۔ اسلام ٹائمز۔ شہر قائد کے علاقے قائدآباد میں ڈکیتی کے دوران مزاحمت پر نوجوان جاں بحق ہوگیا، جبکہ مشتعل افراد کے تشدد سے ڈاکو بھی مارا گیا۔ سہراب گوٹھ میں بھی مزاحمت پر ایک شخص جان سے گیا۔ قائدآباد مرغی خانہ اسٹاپ کے قریب دو ملزمان نے بابر نامی شہری کو لوٹنے کی کوشش کی، جس پر اس نے مزاحمت کی تو ملزمان نے فائرنگ کر دی۔ اس دوران ایک ملزم فرار ہوگیا، جبکہ دوسرے کو موقع پر موجود افراد نے پکڑ کر تشدد کا نشانہ بنا ڈالا۔ شہری اور ڈاکو دونوں کو شدید زخمی حالت میں جناح اسپتال لے جایا جا رہا تھا کہ اس دوران شہری بابر دم توڑ گیا، جبکہ زخمی ڈاکو کو ورثاء اور پولیس اہلکار اسپتال سے واپس تھانے لے جانے لگے کہ راستے میں وہ بھی ہلاک ہوگیا۔ پولیس حکام کے مطابق بابر اسی علاقے کا ہی رہائشی تھا، جبکہ وہ بطور اسٹیٹ ایجنٹ کام کرتا تھا، جبکہ علاقے میں اس کا سوئمنگ پول بھی تھا۔ واقعے کے بعد علاقہ مکینوں نے قائد آباد پر احتجاج بھی کیا جو کچھ دیر بعد ختم کر دیا گیا۔
.ذریعہ: Islam Times
پڑھیں:
کراچی میں پولیس مقابلہ، دو ملزمان زخمی حالت میں گرفتار، ایک فرار
پولیس حکام کا کہنا ہے کہ گرفتار ملزمان کے قبضے سے دو پستول، ایک موٹر سائیکل، موبائل فونز اور نقد رقم برآمد کی گئی ہے۔ اسلام ٹائمز۔ شہر قائد کے علاقے منگھوپیر کے علاقے میں اجتماع گاہ کے قریب پولیس اور مشتبہ افراد کے درمیان مبینہ مقابلے میں دو ملزمان زخمی حالت میں گرفتار کر لیے گئے، جبکہ ایک ملزم فائرنگ کرتے ہوئے فرار ہوگیا، گرفتار ملزمان کی شناخت ذیشان اور عامر کے نام سے ہوئی ہے۔ ایس ایس پی ویسٹ طارق الٰہی مستوئی کے مطابق پولیس سرچ آپریشن کے بعد واپس لوٹ رہی تھی کہ اس دوران ملزمان سے آمنا سامنا ہو گیا۔ ملزمان نے پولیس پارٹی کو دیکھتے ہی اندھا دھند فائرنگ شروع کر دی، جس کے نتیجے میں گولیاں پولیس موبائل کو بھی لگیں۔
پولیس کی جوابی کارروائی میں دو ملزمان زخمی ہو گئے، جنہیں عباسی شہید اسپتال منتقل کر دیا گیا ہے۔ پولیس حکام کا کہنا ہے کہ گرفتار ملزمان کے قبضے سے دو پستول، ایک موٹر سائیکل، موبائل فونز اور نقد رقم برآمد کی گئی ہے۔ ایس ایس پی ویسٹ کے مطابق ملزم کی فائرنگ سے اس کے اپنے دو ساتھی زخمی ہوئے، جبکہ تیسرا ملزم فرار ہوگیا، جس کی تلاش جاری ہے۔
جماعت اسلامی پنجاب کا ’’ادارے بچاؤ، نجکاری مکاؤ تحریک‘‘ چلانے کا فیصلہ