کراچی: تلی ہوئی و میٹھی اشیاء کا استعمال بڑھنے سے معدے کی بیماریوں میں اضافہ
اشاعت کی تاریخ: 7th, March 2025 GMT
کراچی میں تلی ہوئی اشیاء اور میٹھے کے زیادہ استعمال سے معدے کی بیماریوں میں اضافہ ہونے لگا۔
جناح اسپتال کے ایمرجنسی انچارج ڈاکٹر عرفان کے مطابق اسپتال میں ہیضے، تیزابیت اور معدے کے امراض کے روز 70 سے زائد کیسز رپورٹ ہو رہے ہیں جبکہ سول اسپتال میں 60 سے 70 کیسز روزانہ سامنے آ رہے ہیں۔
ڈاکٹر کا کہنا ہے کہ عام دنوں میں جناح اسپتال میں ہیضے اور تیزابیت کے یومیہ 30 کیسز رپورٹ ہوتے ہیں، ہیضے اور تیزابیت کا شکار لوگوں کی بڑی تعداد ہائی بلڈ پریشر کے مریضوں کی ہے۔
طبی ماہرین نے سحری اور افطاری میں دہی کا استعمال لازمی اور چائے کا استعمال کم کرنے کا مشورہ دیا ہے۔
طبی ماہرین کا کہنا ہے کہ سحری اور افطاری کے بعد چہل قدمی کریں اور فوری سونے سے گریز کریں، کھانے میں اعتدال رکھیں، مسالے دار اور تلی ہوئی غذا کے بجائے دلیہ، پھل، سلاد کا استعمال کریں۔
ڈاکٹرز نے پانی، لیموں اور تازہ جوس کو ترجیح دینے کی ہدایت بھی کی ہے۔
.ذریعہ: Daily Mumtaz
کلیدی لفظ: کا استعمال
پڑھیں:
کراچی میں سمندری ہواؤں کی رفتار بڑھنے سے موسم میں تبدیلی متوقع
کراچی:شہر قائد میں سمندری ہواؤں کی رفتار بڑھنے کے نتیجے میں موسم میں تبدیلی کی توقع ہے۔
محکمہ موسمیات کی جانب سے جاری پیشگوئی کے مطابق آئندہ 24 گھنٹوں کے دوران کراچی میں موسم گرم اور مرطوب رہنے کا امکان ہے جب کہ آسمان جزوی ابر آلود بھی رہ سکتا ہے۔
سمندری ہوائیں بحال ہو کر 20 سے 45 کلومیٹر فی گھنٹہ کی رفتار سے چلنے کی توقع ہے، جو موسم کی مجموعی صورتحال کو متاثر کرے گا۔
ہوا میں نمی کا تناسب 55 سے 75 فیصد کے درمیان رہنے کا امکان ہے جس کے باعث درجہ حرارت کو 4 سے 6 ڈگری سینٹی گریڈ زیادہ محسوس کیا جائے گا۔
محکمہ موسمیات نے بتایا کہ آج شہر میں زیادہ سے زیادہ درجہ حرارت 35 سے 37 ڈگری سینٹی گریڈ تک پہنچنے کا امکان ہے جبکہ کم سے کم درجہ حرارت 28.5 ڈگری سینٹی گریڈ ریکارڈ کیا گیا ہے۔
گزشتہ روز بھی کراچی میں زیادہ سے زیادہ درجہ حرارت 35.3 ڈگری سینٹی گریڈ ریکارڈ کیا گیا تھا، جو موجودہ موسم کی شدت کو ظاہر کرتا ہے۔
محکمہ موسمیات نے شہریوں کو ہدایت کی ہے کہ وہ نمی اور گرمی کے باعث اپنی صحت کا خاص خیال رکھیں اور پانی کی مقدار بڑھائیں تاکہ گرمی سے پیدا ہونے والے خطرات سے محفوظ رہا جا سکے۔
بنارس کی تاریخی اور مسلم اکثریتی بازار کے انہدام پر کورٹ سے راحت