گرفتار سینیٹرز جن کی کسٹڈی میں ہیں وہ پیش کریں، رانا ثنا اللہ
اشاعت کی تاریخ: 8th, March 2025 GMT
وزیراعظم کے مشیر برائے سیاسی امور رانا ثنا اللہ نے کہا ہے کہ گرفتار سینیٹرز جن کی کسٹڈی میں ہیں ان کی ذمہ داری ہے کہ وہ انہیں پیش کریں۔ قانون کا تقاضا ہے کہ پروڈکشن آرڈر جاری ہونے کے بعد سینیٹرز کو ایوان میں پیش کیا جانا چاہیے۔
نجی ٹی وی کے ٹاک شو میں رانا ثنا اللہ نے کہا کہ گرفتار سینیٹرز کو ایوان میں پیش کرنا وزیراعلیٰ پنجاب مریم نواز کا کام نہیں کہ وہ انہیں گاڑی میں بٹھائیں اور پارلیمنٹ میں پیش کریں۔ یہ متعلقہ اداروں کا کام ہے کہ وہ اسپیکر یا چیئرمین سینیٹ کے احکامات پر عمل کریں۔
مزید پڑھیں: میرے پروڈکشن آرڈر جاری کیے جائیں‘، اعجاز چوہدری کا جیل سے خط’
پی ٹی آئی سینیٹر اعجاز چوہدری اور عون عباس بپی کے پروڈکشن آرڈر جاریچیئرمین سینیٹ یوسف رضا گیلانی نے سینیٹر اعجاز چوہدری اور سینیٹر عون عباس بپی کے موجودہ سیشن کے لیے پروڈکشن آرڈر جاری کیے گئے ہیں۔
اس حوالے سے لکھے گئے خط کے مطابق چیئرمین سینیٹ ضروری سمجھتے ہیں کہ سینیٹر اعجاز چوہدری اور سینیٹر عون عباس کی سینیٹ کے 346 ویں اجلاس میں شرکت کو یقینی بنایا جائے۔
چیئرمین سینیٹ نے سینیٹ کے قواعد و ضوابط 2012 کے رول 84 کے تحت حاصل اختیارات کا استعمال کرتے ہوئے پروڈکشن آرڈر جاری کیے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پروڈکشن آرڈر چیئرمین سینیٹ رانا ثنا اللہ سینیٹر اعجاز چوہدری سینیٹر عون عباس بپی.ذریعہ: WE News
کلیدی لفظ: پروڈکشن آرڈر چیئرمین سینیٹ رانا ثنا اللہ سینیٹر اعجاز چوہدری سینیٹر عون عباس بپی سینیٹر اعجاز چوہدری چیئرمین سینیٹ رانا ثنا اللہ پروڈکشن آرڈر
پڑھیں:
عدالتوں سے حکم امتناع ایوان بالا کی کارروائی میں مداخلت ہے، سینیٹ اجلاس میں بحث
اسلام آباد:سینیٹ اجلاس میں ارکان نے کہا کہ عدالتوں سے قائمہ کمیٹی کی سماعتوں کے خلاف حکم امتناع ایوان بالا کی کارروائی میں مداخلت کے مترادف ہے۔
پینل آف چیئرمین عرفان صدیقی کی صدارت میں سینیٹ کا اجلاس ہوا، جس میں اظہار خیال کرتے ہوئے سینیٹر سیف اللہ ابڑو نے کہا کہ فیڈرل گورنمنٹ ایمپلائز ہاؤسنگ اتھارٹی (ایف جی ای ایچ اے) غلطی کرتا آ رہا ہے، ان کے خلاف ایکشن لینا چاہیے۔ اگر بینک اسٹیٹمنٹ نکالیں تو بہت سارے معاملات میں بڑے بڑے وزرا بھی شامل ہیں۔
وفاقی وزیر ہاؤسنگ اینڈ ورکس ریاض حسین پیرزادہ نے جواب دیا کہ اتنے سال سے ایف جی ای ایچ اے کے پروجیکٹس تاخیر کا شکار ہیں۔ پریذائیڈنگ افسر شہادت اعوان نے معاملہ متعلقہ قائمہ کمیٹی کو بھجوا دیا ہے۔
اس موقع پر سینیٹر سلیم مانڈوی والا نے سینیٹ میں اظہار خیال کرتے ہوئے کہا کہ سینیٹ کی قائمہ کمیٹی کی سماعتوں کیخلاف اسلام آباد ہائیکورٹس سے اسٹے آرڈرز آرہے ہیں۔ یہ سینیٹ کی کارروائی میں مداخلت کے مترادف ہے۔
انہوں نے کہا کہ ایوان نے کبھی عدالتوں کی کارروائیوں میں مداخلت نہیں کی حالانکہ قانون منع نہیں کرتا۔ اٹارنی جنرل کو بلایا جائے اور انہیں ابھی ہدایت کی جائے۔ ایسے معاملات میں اسٹے دیا جارہا ہے جن کے حوالے سے کوئی کیس زیرالتوا نہیں ہے۔
وزیر پارلیمانی امور طارق فضل چوہدری نے کہا کہ معاملے پر اٹارنی جنرل کو بلانا چاہیے۔ معاملہ وزیر قانون کے سامنے رکھیں گے۔
سینیٹر ضمیر گھمرو نے کہا کہ قانون کے مطابق عدالت پارلیمنٹ کی کارروائی میں کوئی مداخلت نہیں کرسکتی۔ یہ اختیارات کی تقسیم کے خلاف ہے۔
سینیٹر سیف اللہ ابڑو نے کہا کہ اٹارنی جنرل کو آج ہی بلائیں اور ان سے جواب لیں۔ اٹارنی جنرل حکومتی سینیٹرز کو جواب دیں۔ وفاقی وزیر قانون کو بھی بلائیں اور ان سے پوچھیں یہ کیا ہورہا ہے۔
سینیٹر کامران مرتضیٰ نے اس موقع پر کہا کہ اس معاملے پر ایوان کی جانب سے اظہار ناپسندیدگی کیا جانا چاہیے۔ اٹارنی جنرل کو بلاکر اظہار ناپسندیدگی ہونا چاہیے۔ بلوچستان میں اب وکیل بھی اٹھائے جانے لگے ہیں۔ وکلا ہوں یا پارلیمنٹیرینز ان کو اٹھایا نہیں جاناچاہیے۔ اگر ان کیخلاف کوئی مقدمہ ہے تو عدالتوں میں پیش کریں۔
حلف برداری
سینیٹ اجلاس میں نو منتخب رکن روبینہ ناز نے حلف اٹھایا، جن سے عرفان صدیقی نے حلف لیا۔ روبینہ ناز خیبر پختونخوا سے ایوان بالا کی رکن منتخب ہوئی ہیں۔
اسی طرح سینیٹر حافظ عبدالکریم سے پریزائیڈنگ افسر شہادت اعوان نے حلف لیا۔ نومنتخب سینیٹر کا تعلق مسلم لیگ ن سے ہے۔
یاد رہے کہ 11 میں سے 10 نو منتخب اراکین نے ایوان بالا کی رکنیت کا حلف اٹھا لیا ہے۔
وقفہ سوالات
سینیٹ اجلاس میں وقفہ سوالات کے دوران سید مسرور احسن نے کہا کہ اسلام آباد ہائی کورٹ نے 2022 میں حکم جاری کیا تھا، اس کے باوجود جی 14/1 سیکٹر کے الاٹیوں کو 8 ماہ میں پلاٹوں کا قبضہ نہیں دیا گیا۔ 3 برس گزر گئے اور پلاٹوں کا قبضہ نہیں ملا۔
وفاقی وزیر ہاؤسنگ اینڈ ورکس ریاض پیرزادہ نے کہا کہ ہمارا سسٹم ہی ایسا ہے کہ پبلک اکاؤنٹس کمیٹی میں بھی اس کا حساب لیا جاتا ہے جو قبروں میں سو چکا ہوتا ہے۔ عدالت کا فیصلہ ہم تک کچھ عرصہ پہلے آیا۔
ہمایوں مہمند نے کہا کہ ہمارے یہاں نالے سے نالی بنا دیا جاتا ہے،جس سے حادثات رونما ہوتے ہیں۔ ڈی ایچ اے فائیو اور سیدپور میں افسوسناک واقعات اسی لیے ہوئے ہیں۔
ریاض پیرزادہ نے جواب دیا کہ یہ صورت حال سوالیہ نشان ہے۔ہم سیاسی لوگ ہیں۔ ہمارے یہاں کوئی منصوبہ بندی نہیں کی جاتی ہے۔ پسند ناپسند کی بنیاد پر منصوبے تاخیر کا شکار کردیے جاتے ہیں۔ جس منصوبے میں منسٹر یا دیگر کا حصہ نہیں ہوتا تو اسے تاخیر کا شکار کردیا جاتا ہے۔ یہاں کوئی کسی کو پوچھنے والا نہیں ۔ ایک منصوبے میں ہزاروں مکانات تعمیر کردیے اور وہاں پانی دستیاب نہیں ہے۔ ذمہ داروں کو شوکاز نوٹس بھی جاری نہیں کیے گئے۔ پلاٹوں کی الاٹمنٹ کے حوالے سے جلد پیش رفت کی جائے گی ۔
اسرائیلی قرارداد کی مذمت
دوران اجلاس سینیٹر پلوشہ خان اور سینیٹر قراۃ العین مری کی جانب سے اسرائیلی پارلیمنٹ میں مغربی کنارے پر قبضے کی قرارداد کی مذمت کی گئی۔ اسرائیلی پارلیمنٹ کی قرارداد کیخلاف قرارداد ایوان میں پیش کی گئی، جس میں کہا گیا کہ پاکستان کے عوام اور پاکستان کا بچہ بچہ اسرائیل کے مذموم عزائم کی سخت الفاظ میں مذمت کرتے ہیں۔
قرارداد کے متن میں کہا گیا کہ ایوان فلسطین کے لوگوں کی مکمل طور پر حمایت کرتا ہے۔ بعد ازاں سینیٹ نے یہ قرارداد متفقہ طور پر منظور کرلی۔
ٹیرف ریفارم پالیسی پر اظہار خیال
دوران سماعت سینیٹر ذیشان خانزادہ نے اظہار خیال کرتے ہوئے کہا کہ حکومت نے ٹیرف ریفارم پالیسی کے نام سے پلان بنایا ہے۔ پالیسی کے تحت جو فیصلہ ہوئے اس میں کسٹمز ڈیوٹی کا خاتمہ نہیں کیا گیا۔ اگر پلان پر عملدرآمد نہیں ہورہا تو پھر پلان حکومت لاتی ہی کیوں ہے؟۔ اس سے جو ایکسپورٹ میں فائدہ ہونا تھا وہ بس اب خواب ہی رہ گیا ہے۔ قانون کی بالادستی پر نہیں بات کرنے دی جاتی،فنانس، کامرس اور ٹریڈ پر تو بات کرسکتے ہیں۔
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست