9 مئی اور جعفر ایکسپریس حملہ، دونوں میں بیرونی شرپسند عناصر ملوث تھے، اسپیکر پنجاب اسمبلی
اشاعت کی تاریخ: 12th, March 2025 GMT
اسپیکر پنجاب اسمبلی ملک احمد خان نے کہا ہے کہ دہشتگردی کرنے والے مٹھی بھر لوگ ہیں جنہیں ختم کرنے کی صلاحیت ہماری سیکیورٹی فورسز کے پاس موجود ہے۔
پنجاب اسمبلی کے باہر میڈیا سے گفتگو ان کا کہنا تھا کہ ان خاندانوں کیساتھ اس مشکل وقت میں اظہار افسوس اور دلی ہمدردی کرتا ہوں۔
انہوں نے کہا کہ ہمارے قانون نافذ کرنے والے ادارے اور سیکیورٹی فورسز ان معاملات کو اچھے طریقے سے ڈیل کر رہی ہیں، جب کوئی شخض مسلح ہو کر بات کرے تو اس سے سیاسی بات نہیں ہوسکتی، مسلح لوگوں کیساتھ طاقت سے ہی بات ہوسکتی ہے۔
یہ بھی پڑھیے: عمران خان 3 سال فوج کے خلاف رہے، اب مدد مانگ رہے ہیں، ملک احمد خان
اسپیکر پنجاب اسمبلی کا کہنا تھا کہ جب تک آپ انتشار کو ختم نہ کریں ڈائیلاگ نہیں ہوسکتے، سیاسی گرہوں میں بھی انتشار آ جاتا ہے۔ جب سیاسی گرہوں میں انتشار آجاتا ہے تو وہ سیاست سے بہت دور چلے جاتے ہیں۔
ملک احمد خان نے کہا کہ 9 مئی کے واقعے میں بیرونی شرپسند عناصر ملوث تھے اور کل جعفر ایکسپریس کے واقعے میں بھی بیرونی شرپسند عناصر ملوث تھے۔
انہوں نے کہا کہ منصوبہ بندی کے تحت کون اپنی افواج پر ایسے حملے کرتا ہے، کیا ان کی 2018 کی حکومت افواج پاکستان کی مرون منت نہیں تھی؟
یہ بھی پڑھیے: 15 سال بعد پنجاب کے عوام پانی کی بوند بوند کو ترسیں گے، اسپیکر ملک احمد خان نے خبردار کردیا
انہوں نے پاکستان تحریک انصاف (پی ٹی آئی) پر تنقید کرتے ہوئے کہا کہ کندہوں پہ چھڑ کے آپ حکومت میں آئے 30 افراد کی پارٹی کو 130 افراد کی پارٹی بنایا گیا، صوبہ پنجاب محاذ بنایا گیا اور جنرل فیض نے اہم کردار ادا کیا جو ڈھکی چھپی بات نہیں
انہوں نے پانی اور نہروں کے تنازعے پر بات کرتے ہوئے کہا کہ پانی کی تقسیم کا معاملہ حساس معمالہ ہے، پارلیمانی حثیت کے لوگ ایک دوسرے کے مدعا کو سمجھیں، سندھ کے لوگ پنجاب کے ایشو کو سمجھیں اور پنجاب کے لوگ سندھ کے ایشو کو سمجھیں۔
اسپیکر پنجاب اسلمبلی کا کہنا تھا کسی کے حقوق بھی صلب نہیں ہونے چاہیے اور قومی اسمبلی میں سب کی نمائندگی ہے وہاں بیٹھ کر مسائل کو حل کر سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
malik ahmad khan پنجاب اسمبلی ملک احمد خان.ذریعہ: WE News
کلیدی لفظ: پنجاب اسمبلی ملک احمد خان پنجاب اسمبلی اسپیکر پنجاب ملک احمد خان انہوں نے کہا کہ نے کہا
پڑھیں:
پنجاب اسمبلی میں شوگر مافیا تنقید کی زد میں کیوں؟
پنجاب اسمبلی میں شوگر انڈسٹری ایک بار پھر شدید تنقید کی زد میں آ گئی۔ ضلع فیصل آباد سے مسلم لیگ (ن) کے رکن صوبائی اسمبلی راؤ کاشف نے ایوان میں شوگر ملز مالکان کے رویے پر سخت احتجاج کیا اور کہا کہ فیصل آباد شوگر بیلٹ کا مرکز ہے، وہاں کسانوں کی صورتحال نہایت تشویشناک ہے۔
راؤ کاشف نے ایوان کو بتایا کہ شوگر ملز مالکان زمینداروں کو ادائیگیاں نہیں کر رہے، حالانکہ چینی کی قیمت میں مسلسل اضافہ ہوا ہے۔ انہوں نے سوال اٹھایا کہ شوگر ملز مالکان تو قیمت بڑھنے کے باوجود بات ماننے کو تیار نہیں، کسان کہاں جائیں؟
مزید پڑھیں: مزید چینی درآمد کرنے کے لیے ٹینڈر جاری، پاکستانی کتنی چینی استعمال کرتے ہیں؟
رکن اسمبلی نے حالیہ سیلابی تباہ کاریوں کا حوالہ دیتے ہوئے کہا کہ کسانوں کی فصلیں پانی میں بہہ گئیں، ان کے پاس کوئی ذریعہ معاش نہیں بچا، لیکن شوگر ملز اب بھی ادائیگیوں سے انکاری ہیں۔
انہوں نے الزام لگایا کہ ڈپٹی کمشنر اور مقامی انتظامیہ شوگر ملز مالکان کے سامنے بے بس ہو چکی ہے اور مطالبہ کیا کہ شوگر کین کمشنر کو فوری طور پر اسمبلی میں طلب کیا جائے۔
مزید پڑھیں: لاہور میں چینی کا شدید بحران، سعد رفیق کا شوگر مافیا کیخلاف کارروائی کا مطالبہ
ایک رپورٹ کے مطابق 25-2024 کے کرشنگ سیزن میں شوگر ملز مالکان نے چینی کی برآمد اور مقامی مارکیٹ پالیسیوں کے ذریعے قریباً 300 ارب روپے منافع کمایا، مگر کسانوں کو بروقت ادائیگیاں نہیں کی گئیں۔
اسپیکر پنجاب اسمبلی ملک احمد خان نے بھی صورتحال پر شدید برہمی کا اظہار کیا۔ انہوں نے سوال اٹھایا کہ شوگر ملز مالکان کسانوں کو ادائیگیاں کیوں نہیں کر رہے؟ نیا کرشنگ سیزن شروع ہونے والا ہے اور پرانے واجبات ابھی تک ادا کیوں نہیں کیے گئے؟ اسپیکر نے شوگر کین کمشنر سے اس معاملے پر فوری جواب طلب کرلیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپیکر پنجاب اسمبلی پنجاب اسمبلی رکن صوبائی اسمبلی راؤ کاشف شوگر مافیا فیصل آباد مسلم لیگ ن ملک احمد خان
دریائے چناب میں ملتان کے مقام پر سیلابی صورتحال برقرار، شہرکو بچانے کیلئے شیرشاہ بند کو توڑنے کا فیصلہ