جعفر ایکسپریس حملے پر پی ٹی آئی اور بھارتی میڈیا ملتی جلتی زبان بولتے رہے: خواجہ آصف
اشاعت کی تاریخ: 13th, March 2025 GMT
وفاقی وزیرِ دفاع خواجہ آصف نے کہا ہے کہ بلوچستان میں دورانِ آپریشن پی ٹی آئی اور بھارتی میڈیا ملتی جلتی زبان بولتے رہے۔
ایک بیان میں وزیرِ دفاع نے کہا ہے کہ بہادر محافظوں نے بڑے سانحے سے ملک کو بچا لیا اور 33 دہشت گردوں کو جہنم واصل کر کے جعفر ایکسپریس کے تمام یرغمالیوں کو رہا کروا لیا۔
انہوں نے کہا کہ دورانِ آپریشن پی ٹی آئی اور بھارتی میڈیا ملتی جلتی زبان بولتے رہے، افغانستان سے بھی سوشل میڈیا پر ایسی ہی زبان بولی جاتی رہی، ہم پر لازم ہے کہ سیاسی مفادات سے بالا تر ہو کر قومی وحدت کا مظاہرہ کریں۔
یاد رہے کہ منگل کو بولان میں دہشت گردوں نے پشاور جانے والی جعفر ایکسپریس پر حملہ کیا تھا اور مسافروں کو یرغمال بنا لیا تھا جن میں عورتیں اور بچے بھی شامل تھے۔
بعد ازاں فورسز نے کلیئرنس آپریشن میں 190 مسافروں کو بازیاب کروایا تھا۔
پاک فوج کے شعبۂ تعلقاتِ عامہ (آئی ایس پی آر) کے ڈائریکٹر جنرل (ڈی جی) لیفٹیننٹ جنرل احمد شریف نے اس حوالے سے پریس بریفنگ میں بتایا ہے کہ جعفر ایکسپریس کے یرغمالی مسافر بازیاب ہو گئے اور تمام 33 دہشت گرد ہلاک کر دیے گئے جبکہ کارروائی کے دوران ایف سی کے 4 جوان شہید ہوئے ہیں۔
انہوں نے یہ بھی بتایا کہ دہشت گردوں نے ٹرین کے 21 مسافروں کو سیکیورٹی فورسز کے آپریشن سے قبل شہید کیا۔
Post Views: 1.ذریعہ: Daily Mumtaz
کلیدی لفظ: جعفر ایکسپریس
پڑھیں:
بلوچستان کے ضلع شیرانی میں سیکیورٹی فورسز کا آپریشن، 7 دہشتگرد ہلاک
data-id="863a0a8" data-element_type="widget" data-widget_type="theme-post-content.default">
کوئٹہ: سیکیورٹی فورسز نے بلوچستان کے ضلع شیرانی میں انٹیلی جنس بیسڈ آپریشن کرتے ہوئے بھارتی حمایت یافتہ فتنہ الخوارج کے 7 دہشت گردوں کو ہلاک کر دیا۔
پاک فوج کے شعبہ تعلقات عامہ (آئی ایس پی آر) کے مطابق دہشت گردوں کی موجودگی کی اطلاع پر فورسز نے آپریشن کیا، جس دوران دونوں جانب سے شدید فائرنگ کا تبادلہ ہوا۔ کارروائی میں دہشت گردوں کے ٹھکانے کو مؤثر انداز میں نشانہ بنایا گیا اور اسلحہ، گولہ بارود اور دھماکا خیز مواد برآمد کر لیا گیا۔
آئی ایس پی آر کا کہنا ہے کہ ہلاک ہونے والے دہشت گرد علاقے میں مختلف تخریبی کارروائیوں میں ملوث تھے، جبکہ مزید دہشت گردوں کی تلاش کے لیے علاقے میں کلیئرنس آپریشن جاری ہے۔
وزیراعظم میاں محمد شہباز شریف نے بلوچستان کے ضلع شیرانی میں سیکیورٹی فورسز کی کامیاب کارروائی پر جوانوں کو زبردست خراجِ تحسین پیش کرتے ہوئے کہا کہ نہتے اور معصوم شہریوں کی جان و مال کو نشانہ بنانے والے دہشت گردوں کو فیصلہ کن شکست دی گئی ہے۔
انہوں نے واضح کیا کہ پاکستان کی ریاست اور عوام دہشت گردی کے عفریت کو جڑ سے اکھاڑ پھینکنے کے لیے پرعزم ہیں اور ملک کی سالمیت کو نقصان پہنچانے کی ہر کوشش ناکام بنا دی جائے گی۔
شہباز شریف نے اس عزم کا اعادہ کیا کہ حکومت اور سیکیورٹی فورسز باہمی تعاون اور عوام کی حمایت سے دہشت گردی کے مکمل خاتمے تک اپنی جدوجہد جاری رکھیں گے۔ انہوں نے کہا کہ دشمن کے تمام منصوبے ناکام ہوں گے اور پاکستان امن و استحکام کی راہ پر گامزن رہے گا۔
دوسری جانب وفاقی وزیرداخلہ محسن نقوی نے آپریشن میں سیکیورٹی فورسز کی کامیابی پر خراجِ تحسین پیش کرتے ہوئے کہا کہ فورسز نے بروقت کارروائی کے ذریعے دہشت گردوں کے مذموم عزائم ناکام بنا دیے۔
انہوں نے مزید کہا کہ بلوچستان میں قیامِ امن کے لیے سیکیورٹی فورسز کی قربانیوں اور کامیابیوں کو قدر کی نگاہ سے دیکھا جاتا ہے، اور پوری قوم دہشت گردی کے خلاف جنگ میں اپنے جوانوں کے ساتھ شانہ بشانہ کھڑی ہے۔
واضح رہے کہ چند روز قبل بھی سیکیورٹی فورسز نے کوئٹہ کے مضافاتی علاقے غزہ بند میں آپریشن کے دوران 10 دہشت گردوں کو ہلاک کیا تھا، جس کے بعد صوبے میں سیکیورٹی مزید سخت کر دی گئی ہے۔
ویب ڈیسک
دانیال عدنان
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری