بھارتی کرکٹ بورڈ کی قیادت تبدیل، ایشیا کپ فائنل سے متعلق اہم فیصلہ بھی کرلیا
اشاعت کی تاریخ: 28th, September 2025 GMT
بھارتی کرکٹ بورڈ (بی سی سی آئی) کی قیادت میں بڑی تبدیلی آگئی ہے۔ سابق فرسٹ کلاس کرکٹر متھن منہاس کو بورڈ کا نیا صدر منتخب کرلیا گیا ہے۔ انہوں نے راجر بنی کی جگہ ذمہ داریاں سنبھالی ہیں، جو اگست میں عہدے سے مستعفی ہوگئے تھے۔
بی سی سی آئی کی سالانہ جنرل میٹنگ میں متھن منہاس کی بطور صدر تعیناتی کی منظوری دی گئی جبکہ راجیو شکلا اور دیواجیت سیکیا بالترتیب نائب صدر اور سیکریٹری کے عہدوں پر دوبارہ منتخب ہوئے۔ اس موقع پر جے دیو شاہ کو اپیکس کونسل کا رکن بنایا گیا اور آئی پی ایل گورننگ کونسل کے چیئرمین ارون دھومل بھی اپنے عہدے پر برقرار رہے۔
45 سالہ متھن منہاس دہلی کے لیے ڈومیسٹک کرکٹ کھیلنے کے بعد جموں و کشمیر کی نمائندگی بھی کر چکے ہیں اور کوچنگ کے شعبے میں بھی خدمات انجام دی ہیں۔ اپنے انتخاب پر انہوں نے کہا کہ دنیا کے سب سے بڑے کرکٹ بورڈ کا صدر بننا اعزاز کے ساتھ ساتھ ایک بڑی ذمہ داری بھی ہے، اور میں پوری لگن اور جذبے کے ساتھ اپنی خدمات انجام دوں گا۔
The 94th Annual General Meeting of the Board of Control for Cricket in India BCCI has just concluded in Mumbai.
Take a look at all the key decisions made ????https://t.co/sHt2sCbcaI
— BCCI (@BCCI) September 28, 2025
مزید پڑھیں: بھارتی کرکٹ بورڈ کا نیا صدر کون ہوگا؟ ممکنہ امیدوار کا نام سامنے آگیا
بھارتی میڈیا کے مطابق بی سی سی آئی کے کسی بھی عہدیدار نے دبئی میں ہونے والے پاک بھارت ایشیا کپ فائنل میں شرکت نہ کرنے کا فیصلہ کیا ہے۔
ذرائع کے مطابق بی سی سی آئی حکام نے اس سے قبل بھی گروپ اسٹیج اور سپر4 مرحلے میں پاکستان کے خلاف میچوں سے خود کو الگ رکھا تھا۔ رپورٹ کے مطابق حکام پاکستان کرکٹ بورڈ (پی سی بی) کے چیئرمین اور ایشین کرکٹ کونسل کے سربراہ محسن نقوی کے ساتھ براہِ راست ملاقات یا تعلق نہیں چاہتے، اسی لیے وہ دبئی میں تاریخ ساز فائنل کے دوران بھی موجود نہیں ہوں گے۔
یہ پہلا موقع ہے کہ ایشیا کپ کے فائنل میں پاکستان اور بھارت آمنے سامنے ہوں گے، اور دبئی اسٹیڈیم کے تمام ٹکٹس پہلے ہی فروخت ہو چکے ہیں۔ بی سی سی آئی کے اس فیصلے نے نہ صرف شائقین کرکٹ کو حیران کیا ہے بلکہ دونوں ممالک کے تعلقات کے تناظر میں اسے ایک سفارتی پیغام بھی قرار دیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشیا کپ بھارتی کرکٹ بورڈ بی سی سی آئی فرسٹ کلاس کرکٹر متھن منہاسذریعہ: WE News
کلیدی لفظ: ایشیا کپ بھارتی کرکٹ بورڈ بھارتی کرکٹ بورڈ متھن منہاس ایشیا کپ
پڑھیں:
آسٹریلوی حکومت نے افغان طالبان پر پابندیوں سے متعلق نیا فریم ورک تیار کرلیا
آسٹریلوی حکومت نے افغان طالبان پر پابندیوں سے متعلق نیا فریم ورک تیار کرلیا WhatsAppFacebookTwitter 0 18 November, 2025 سب نیوز
آسٹریلوی حکومت نے افغان طالبان حکومت پر نئی پابندیوں سے متعلق تجاویز پیش کی ہیں۔
میڈیا رپورٹس کے مطابق آسٹریلوی وزارت خارجہ اور تجارت نے اپنی خود مختار سینکشنز ریگولیشنز 2011 میں ترمیم کا مسودہ تیار کیا جو افغانستان پالیسیوں سے متعلق ہے۔
ان تجاویز میں شامل ہے کہ طالبان سے منسلک اشخاص یا اداروں کو پابندی کے دائرے میں لانے کے نئے معیار بنائے جائیں اور افغانستان کو اسلحہ یا اسلحے سے متعلق خدمات فراہم کرنے پر مکمل پابندی لگائی جائے۔
مزید یہ کہ صرف اسلحہ فروخت ہی نہیں بلکہ اسلحے کی مینٹیننس، کسٹم ورکس یا تربیتی خدمات دینا بھی ممنوع قرار دیا جائے۔
طالبان حکومت سے متعلق یہ اقدام اس بات کی واضح علامت ہے کہ آسٹریلیا طالبان حکومت کو پوری طرح جائز حکومت کے طور پر تسلیم نہیں کرتا اور ان پر سیاسی دباؤ بڑھانا چاہتا ہے۔
علاوہ ازیں ان پابندیوں کے نفاذ سے طالبان کو غیر قانونی ذرائع سے اسلحہ حاصل کرنے میں مشکلات پیش آ سکتی ہیں جو ان کی فوجی اور سکیورٹی صلاحیتوں پر اثر ڈال سکتا ہے۔
واضح رہے کہ طالبان پہلے ہی بین الاقوامی سطح پر بڑے پیمانے پر سفارتی علیحدگی کا سامنا کر رہے ہیں اور ایسے اقدامات ان کی مالی اور عملی صلاحیتوں کو مزید محدود کر سکتے ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرامریکی صدر کا سعودی عرب کو ایف 35 لڑاکا طیارے فروخت کرنے کا اعلان امریکی صدر کا سعودی عرب کو ایف 35 لڑاکا طیارے فروخت کرنے کا اعلان سلامتی کونسل نے ٹرمپ کے غزہ پلان کی قرارداد بھاری اکثریت سے منظور کر لی حماس نے سلامتی کونسل میں ٹرمپ کےغزہ منصوبے کی حمایت میں قراردادکو مسترد کردیا سزائے موت کا حکم، بنگلادیش کا بھارت سے فوری طور پر شیخ حسینہ واجد کی حوالگی کا مطالبہ ہر چیز کا حساب لیا جائیگا، عدالتی فیصلے پر شیخ حسینہ واجد کا دھمکی آمیز ردعمل بنگلہ دیش کی عدالت نے معزول وزیراعظم شیخ حسینہ واجد کو سزائے موت سنا دیCopyright © 2025, All Rights Reserved
رابطہ کریں ہماری ٹیم
کیڈٹ کالج وانا پر حملہ ناکام، آپریشن کمانڈر کرنل محمد طاہر نے تفصیلات بیان کر دیں