پی آئی اے پرواز کا پہیہ غائب‘ طیارے کو ایک ٹائر پر لینڈنگ کرنا پڑی
اشاعت کی تاریخ: 13th, March 2025 GMT
لاہور ( اُردو پوائنٹ اخبارتازہ ترین۔ 13 مارچ 2025ء ) لاہور میں قومی ائیر لائن پی آئی اے کی پرواز کا لینڈنگ کے وقت ایک پہیہ غائب ہونے کے انکشاف پر پائلٹ نے طیارے کو ایک ٹائر پر لینڈنگ کرادی۔ جیو نیوز کے مطابق ذرائع نے بتایا کہ پی آئی اے کی پرواز پی کے 306 کل رات 8 بجے کراچی سے لاہور روانہ ہوئی، روانگی کے بعد کراچی ائیر پورٹ پر طیارے کے کچھ پرزے ملے، تاہم طیارے کے غائب پہیے کا ابھی تک پتا نہیں چلا جو فلائٹ سیفٹی کی سنگین غلطی ہے، طیارے کے اگلے پہیوں میں دو ٹائر ہوتے ہیں لیکن لاہور میں لینڈنگ کے وقت ایک ٹائر غائب تھا جس پر قومی ائیر لائن کی پرواز پی کے 306 کو لاہور میں ایک پہیے پر ہی لینڈنگ کرنا پڑی، جہاز نے لاہور میں بحفاظت اور ہموار لینڈنگ کی کیوں کہ جہاز میں ایسی صورتحال کیلئے گنجائش موجود ہوتی ہے۔
(جاری ہے)
اس معاملے پر ترجمان قومی ائیر لائن نے کہا کہ گزشتہ رات کراچی سے روانہ ہونے والی پرواز پی کے 306 پر لاہور لینڈنگ کے وقت ایک پہیہ کم تھا، انتظامیہ اور سیفٹی انویسٹی گیشن بورڈ نے معاملے کی تحقیقات شروع کر دی ہیں، حتمی رپورٹ آنے پر اصل وجہ سامنے آئے گی تاہم ابتدائی مشاہدے کے مطابق کراچی رن وے پر ممکنہ طور پر کسی بیرونی چیز کے ٹکرانے کے باعث پہیہ خراب ہوا۔ علاوہ ازیں پی آئی اے کی کراچی سے اسلام آباد جانے والی پرواز کے طیارے میں بھی تکنیکی خرابی پیدا ہوئی، پی آئی اے کا طیارے میں تکنیکی مسائل کے باعث روانگی سے قبل دو مرتبہ رن وے سے واپس لوٹ آیا، طیارے میں فلائٹ کنٹرول سٹیٹس پیغام کی خرابی سامنے آئی، اس پر پائلٹ نے احتیاطی تدابیر کے تحت طیارے کو واپس موڑ لیا، تکنیکی خرابی کے باعث پرواز تاخیر کا شکار ہو گئی۔ .ذریعہ: UrduPoint
کلیدی لفظ: تلاش کیجئے لاہور میں پی آئی اے
پڑھیں:
دہلی ایئرپورٹ پر ایئر انڈیا کے طیارے میں آگ بھڑک اٹھی
ایئر انڈیا کی ہانگ کانگ سے دہلی آنے والی پرواز دہلی کے اندرا گاندھی انٹرنیشنل ایئرپورٹ پر لینڈنگ کے بعد ایک حادثے کا شکار ہوگئی، تاہم مسافروں کو بحفظات نکال لیا گیا۔
میڈیا رپورٹس کے مطابق لینڈنگ کے فوراً بعد طیارے میں آگ بھڑک اٹھی، تاہم اس حادثے میں تمام مسافر اور عملہ محفوظ رہا۔
یہ بھی پڑھیں: ایئر انڈیا حادثے میں نیا موڑ: طیارے کے تباہی کی ایک اور وجہ سامنے آگئی
ایئر انڈیا کی جانب سے جاری کردہ بیان میں کہا گیا ہے کہ طیارہ لینڈنگ کے بعد جب گیٹ پر کھڑا تھا، تو ’اے پی یو‘ میں آگ لگ گئی، تاہم یہ خودکار نظام کے تحت فوراً بند ہوگیا، جس سے آگ کو مزید پھیلنے سے روک دیا گیا۔
بیان میں مزید کہا گیا ہے کہ آگ لگنے کے وقت مسافروں کے اترنے کا عمل جاری تھا، اور تمام افراد کو بحفاظت طیارے سے باہر نکال لیا گیا۔ طیارے کو معمولی نقصان پہنچا ہے، جس کے بعد اسے تحقیقات کے لیے گراؤنڈ کر دیا گیا ہے۔ سول ایوی ایشن کے ریگولیٹر کو بھی اس واقعے سے آگاہ کر دیا گیا ہے۔
دہلی انٹرنیشنل ایئرپورٹ لمیٹڈ نے واقعے کی تصدیق کرتے ہوئے بتایا ہے کہ طیارے میں لگی آگ پر قابو پا لیا گیا ہے اور تحقیقات کا عمل جاری ہے۔
ایئر انڈیا ان دنوں مسلسل تکنیکی مسائل کی زد میں ہے۔ پیر کو بھی کمپنی کی 2 پروازیں حادثاتی خبروں میں رہیں۔ ایک کولکتہ جانے والی پرواز کو دہلی ایئرپورٹ پر ٹیک آف سے قبل تکنیکی خرابی کے باعث روک دیا گیا، جبکہ دوسری پرواز کوچی سے ممبئی آتے ہوئے خراب موسم کے باعث رن وے سے پھسل گئی۔
یہ بھی پڑھیں: ایئر انڈیا طیارہ حادثہ، پائلٹس کی آخری گفتگو منظر عام پر، فیول کٹ آف پر سوالات اٹھ گئے
ممبئی ایئرپورٹ پر اس واقعے کے بعد ایک رن وے پر پروازوں کو عارضی طور پر معطل کرنا پڑا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آگ بھڑک اٹھی ایئر انڈیا دہلی ایئرپورٹ طیارہ مسافروں کو نکال لیا گیا وی نیوز
کاروباری دنیا میں مفت کچھ نہیں