فیس بک اور انسٹا گرام کو ہمیشہ کیلئے بدل دینے والی بڑی تبدیلی
اشاعت کی تاریخ: 14th, March 2025 GMT
میٹا کی جانب سے فیس بک، انسٹا گرام اور تھریڈز میں ایک بہت بڑی تبدیلی کی جا رہی ہے جو ان سوشل میڈیا پلیٹ فارمز کو نمایاں حد تک بدل کر رکھ دے گی۔
میٹا کی جانب سے فیس بک، انسٹا گرام اور تھریڈز میں 18 مارچ سے کمیونٹی نوٹس ماڈل کی آزمائش شروع کرنے کا اعلان کیا ہے۔یہ آزمائش سب سے پہلے امریکا میں کی جائے گی اور اس طرح انسانی فیکٹ چیکنگ سسٹم کو ختم کر دیا جائے گا۔اس تبدیلی کا سب سے پہلے اعلان میٹا کے چیف ایگزیکٹو مارک زکربرگ نے 7 جنوری کو کیا تھا۔
اس موقع پر انہوں نے کہا تھا کہ فیس بک، تھریڈز اور انسٹا گرام پر پوسٹس، ویڈیوز اور دیگر مواد کی جانچ پڑتال کرنے کا نظام تبدیل کیا جا رہا ہے۔انہوں نے کہا کہ فیس بک اور انسٹا گرام میں فیکٹ چیکرز سسٹم ختم کیا جا رہا ہے اور اس کی جگہ صارفین پر مبنی کمیونٹی نوٹس کو دی جائے گی۔
یعنی مواد کی جانچ پڑتال کے لیے ایکس (ٹوئٹر) سے ملتے جلتے سسٹم کو فیس بک اور انسٹا گرام کا حصہ بنایا جائے گا۔میٹا کی جانب سے جاری نئے بیان میں بتایا گیا کہ صارفین کی جانب سے اضافی تناظر فراہم کرنے سے پوسٹس کے بارے میں زیادہ وضاحت کرنے میں مدد ملے گی اور غلطیوں کو درست کیا جاسکے گا۔
میٹا کی جانب سے کمیونٹی نوٹس کے لیے ایکس کے اوپن سورس الگورتھم پر مبنی ریٹنگ سسٹم کو استعمال کیا جائے گا۔بیان کے مطابق اس سے ہمیں وہ سسٹم تیار کرنے میں مدد ملے گی جو ایکس نے تیار کیا اور وقت گزرنے کے ساتھ اسے ہمارے پلیٹ فارمز کے لیے مزید بہتر بنایا جائے گا۔بیان میں بتایا گیا کہ ایکس کے الگورتھم کو فیس بک، انسٹا گرام اور تھریڈز کے کمیونٹی نوٹس سسٹم کے لیے تبدیل کیا جائے گا۔
بیان میں کہا گیا کہ ہمیں توقع نہیں کہ یہ عمل مثالی ہوگا مگر ہم وقت کے ساتھ اسے بہتر بناتے رہیں گے۔اب تک فیس بک، انسٹا گرام اور تھریڈز کے لیے کمیونٹی نوٹس سسٹم کے حوالے سے 2 لاکھ کے قریب افراد نے سائن اپ کیا ہے۔یہ سسٹم ہر فرد کی ریٹنگ ہسٹری کو مدنظر رکھے گا اور یہ بھی دیکھے جائے گا کہ ان میں سے کتنے ایک دوسرے سے عدم اتفاق کرتے ہیں۔
خیال رہے کہ میٹا نے 2016 میں فیکٹ چیکنگ پروگرام متعارف کرایا تھا تاکہ تھرڈ پارٹی چیکنگ سسٹم پر انحصار ختم کیا جاسکے۔جنوری میں فیس بک پر ایک ویڈیو پوسٹ میں مارک زکربرگ نے کہا تھا کہ ‘فیکٹ چیکرز سسٹم سیاسی تعصب پر مبنی تھا اور اس نے اعتماد پیدا کرنے کی بجائے اسے تباہ کیا’۔انہوں نے کہا کہ پرانا سسٹم لوگوں کو آزادی سے اپنی رائے استعمال کرنے نہیں دیتا تھا اور انہیں متعدد آئیڈیاز کو ترک کرنا پڑا۔تاہم انہوں نے نئی پالیسی کے حوالے سے ایک اعتراف کرتے ہوئے کہا کہ اس کے نتیجے میں میٹا کے پلیٹ فارمز میں زیادہ نقصان دہ مواد پھیل سکتا ہے۔یہ تبدیلی اس وقت کی گئی جب ڈونلڈ ٹرمپ دوسری بار امریکا کے صدر بن چکے ہیں۔
ماضی میں ڈونلڈ ٹرمپ اور ان کی پارٹی کے دیگر اراکین کی جانب سے اکثر مارک زکربرگ اور میٹا پر تنقید کی جاتی تھی کہ سوشل میڈیا پلیٹ فارمز پر دائیں بازو کے خیالات کو سنسر کے ذریعے دبایا جاتا ہے۔مارک زکربرگ نے اپنی ویڈیو میں بتایا کہ مواد کی جانچ پڑتال کے لیے کام کرنے والے میٹا کے پیچیدہ سسٹمز اکثر غلطی سے عام مواد کو بھی پلیٹ فارم سے ہٹا دیتے ہیں۔
انہوں نے کہا کہ ہم اس مقام پر پہنچ گئے ہیں جہاں یہ سسٹمز بہت زیادہ غلطیوں اور سنسرشپ کا باعث بن رہے ہیں۔مگر ان کا کہنا تھا کہ نئے سسٹم کے بعد ہمارے لیے خراب مواد کو پکڑنا زیادہ مشکل ہوگا مگر اس سے معصوم افراد کی پوسٹس اور اکاؤنٹس کو تحفظ ملے گا جن کو ہم حادثاتی طور پر ڈیلیٹ کر دیتے ہیں۔18 مارچ سے امریکا میں انگلش، اسپینش، چینی، ویتنامی، فرنچ اور پرتگیز زبانوں کی پوسٹس کے لیے نئے سسٹم کی آزمائش کی جائے گی اور بتدریج مزید زبانوں کا اضافہ کیا جائے گا۔
.ذریعہ: Daily Ausaf
کلیدی لفظ: میٹا کی جانب سے اور انسٹا گرام کمیونٹی نوٹس انہوں نے کہا پلیٹ فارمز جائے گا اور ان کے لیے فیس بک
پڑھیں:
اسرائیل کے انسانیت کیخلاف جرائم کو روکنے کیلئے عرب ٹاسک فورس تشکیل دی جائے، وزیراعظم کا عرب اتحاد ہنگامی اجلاس سے خطاب
اسرائیل کے انسانیت کیخلاف جرائم کو روکنے کیلئے عرب ٹاسک فورس تشکیل دی جائے، وزیراعظم کا عرب اتحاد ہنگامی اجلاس سے خطاب WhatsAppFacebookTwitter 0 15 September, 2025 سب نیوز
دوحہ(سب نیوز) وزیراعظم شہباز شریف نے کہا ہے کہ اسرائیل نے ثالث ہونے کے باوجود قطر پر حملہ کر کے خومختاری کی خلاف ورزی کی اور امن کی کوششوں کو سبوتاژ کیا۔
قطر کے دارالحکومت دوحہ میں منعقدہ عرب اتحاد ہنگامی اجلاس سے خطاب کرتے ہوئے وزیراعظم نے کہا کہ اسرائیل نے قطر کی خودمختاری کی خلاف ورزی کی، پاکستان دوحہ پر حملے کی کھلی مذمت کرتا ہے۔انہوں نے کہا کہ یہ حملہ مشرق وسطی میں امن کی کوششوں کو سبوتاژ کرنے کیلئے کیا گیا، ہم قطر کے حکام اور اپنے قطری بہن بھائیوں، کے ساتھ مکمل اظہار یکجہتی کرتے ہیں۔ جنگ کے دوران امن کی بات کرنے اور ثالث کا کردار ادا کرنے کے باوجود بھی اسرائیل نے حملہ کیا۔وزیراعظم کا کہنا تھا کہ غزہ میں خون کی ندیاں بہہ کرہی ہیں۔ وزیراعظم نے اس موقع پر دس سالہ فلسطینی بچے کاذکر کیا جس نے خوراک کیلیے کئی کلومیٹر پیدل سفر کیا اور پھر اسے اسرائیلی فوج نے شہید کردیا تھا۔
شہباز شریف نے کہا کہ اسرائیل غزہ میں نسل کشی کررہا ہے، اس بربریت کو اب فوری طور پر رکنا چاہیے، اسرائیل کو انسانیت کیخلاف جنگی جرائم پر احتساب کے کٹہرے میں لانا چاہیے، بربریت کو روکنے کیلیے عرب ٹاسک فورس تشکیل دی جائے اور اسرائیل کے خلاف فوری طور پر اقدامات کیے جائیں۔وزیراعظم نے کہا کہ غزہ میں فوری طور پر جنگ بندی کروائی جائے، فلسطینیوں کی رہائی اور مغیوں کی بازیابی کیلیے کاوشیں کی جائیں۔انہوں نے واضح کیا کہ غزہ کا معاملہ دو ریاستی حل سے ہی ممکن ہے، فلسطین ایک علیحدہ ریاست ہو جس کا دارالحکومت القدس ہو اور ہم اسے تسلیم کرتے ہیں۔وزیراعظم کا کہنا تھا کہ اسرائیلی جارحیت کو سب مسترد اور اس کی مذمت کرتے ہیں، اگر ہم نے اتحاد نہیں کیا تو اسرائیل انسانیت کیخلاف اسی طرح اقدامات کرتا رہے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرکھیل میں سیاست کو گھسیٹنا اصل روح کے منافی ہے، محسن نقوی کا بھارتی رویے پر سخت ردعمل کھیل میں سیاست کو گھسیٹنا اصل روح کے منافی ہے، محسن نقوی کا بھارتی رویے پر سخت ردعمل توشہ خانہ ٹو کیس کی ساڑھے 6گھنٹے طویل سماعت، دو وعدہ معاف گواہان پر جرح مکمل وزیرِاعظم کی سعودی ولی عہد شہزادہ محمد بن سلمان سے ملاقات ، اسرائیل کی جارحیت کے بعد پیدا ہونے والی صورتحال پر تبادلہ خیال چیئرمین سی ڈی اے سے قازقستان کے سفیر یرژان کیستافین کی ملاقات، شہری تعاون، ثقافتی تبادلے اور ماحول دوست منصوبوں پر تفصیلی گفتگو وزیراعظم، مسلح افواج کے سربراہان اور دیگر کو کیا تحائف ملے، توشہ خانہ کا 6 ماہ کا ریکارڈ جاری نیپال کی نئی عبوری وزیراعظم کا کرپشن ختم کرنے اور مظاہرین کے مطالبات پورے کرنے کا اعلانCopyright © 2025, All Rights Reserved
رابطہ کریں ہماری ٹیم
اسرائیل نے غزہ سٹی میں بھی زمینی فوج اُتار دی