ہانیہ عامر نے بھاری معاوضہ طلب کیا تو یہ ان کا حق ہے، عدنان فیصل
اشاعت کی تاریخ: 15th, March 2025 GMT
مشہور پوڈکاسٹر عدنان فیصل نے اعتراف کیا کہ ہانیہ عامر نے ان کے پروگرام میں شرکت کے 20 لاکھ روپے مانگے تھے۔
عدنا فیصل نے نجی ٹی وی کی خصوصی رمضان ٹرانسمیشن ”باران رحمت“ پوڈکاسٹ میں شرکت کی۔ جب ان سے لائیوکالز کے دوران ایک کالرنے ہانیہ عامر کے معاوضے کے حوالے سے سوال کیا کہ اس خبر میں کتنی صداقت ہے۔
انہوں نے اس کی تصدیق کرتے ہوئے جواب دیا کہ ہانیہ عامر ہماری بڑی سلیبریٹی ہیں اور اگر انہوں نے پوڈکاسٹ میں شرکت کا معاوضہ طلب کیا تو یہ ان کا حق ہے۔ تاہم، انہوں نے یہ بھی وضاحت کی کہ چونکہ وہ آج تک کسی کو بھی پیسے نہیں دیتے، اس لیے ہانیہ عامر کو بھی معاوضہ دینے سے انکار کر دیا گیا۔
عدنان فیصل نے تسلیم کیا کہ ہانیہ عامر ایک ایسی فنکارہ ہیں جو بیس لاکھ نہیں بلکہ پچاس لاکھ تک کا معاوضہ مانگ سکتی ہیں۔
انہوں نے مزید کہا کہ ان کے پوڈکاسٹ میں بلاول بھٹو سمیت کئی مشہور شخصیات نے شرکت کی ہے، مگر کسی کو بھی معاوضہ نہیں دیا گیا، کیونکہ ان کی پالیسی یہ ہے کہ اگر پیسے دیے جائیں تو سب کو دیے جائیں گے، نہ کہ کسی ایک کو۔
عدنان فیصل کا کہنا تھا کہ یہ فنکاروں کی محبت ہے جو بلا معاوضہ ان کے پوڈکاسٹ میں آتے ہیں اور وہ چاہتے ہیں کہ مزید اچھے آرٹسٹس بھی ان کے پوڈکاسٹ میں شریک ہوں، حالانکہ ابھی تک ایسا نہیں ہو سکا، مگر ممکن ہے کہ مستقبل میں وہ شامل ہوں۔
Post Views: 1.ذریعہ: Daily Mumtaz
کلیدی لفظ: پوڈکاسٹ میں عدنان فیصل ہانیہ عامر انہوں نے
پڑھیں:
کراچی: مہران ٹاؤن میں گتہ فیکٹری کے گودام میں آتشزدگی، بھاری مالیت کا سامان جل کر خاکستر ہوگیا
کراچی:کورنگی مہران ٹاؤن لائسنس برانچ جلال چوک کے قریب گتہ فیکٹری کے گودام میں آگ بھڑک اٹھی جس کی اطلاع پر کے ایم سی فائر بریگیڈ اور ریسکیو 1122 کا عملہ موقع پر پہنچ گیا اور آگ پر قابو پانے کی کوششیں شروع کر دیں۔
اس حوالے سے فائر بریگیڈ حکام کے مطابق آگ لگنے کی اطلاع ساڑھے آٹھ بجے کے قریب ملی تھی جبکہ فائر بریگیڈ کا عملہ 5 گاڑیوں کے ہمراہ موقع پر پہنچ گیا اور ڈیڑھ گھنٹے سے زائد کی جدوجہد کے بعد آگ پر قابو پا کر کولنگ کا عمل شروع کر دیا۔
آگ گتہ فیکٹری کے گوادم کی دوسری اور تیسری منزل پر لگی تھی تاہم خوش قسمتی سے کوئی جانی نقصان نہیں ہوا تاہم آتشزدگی کے باعث بھاری مالیت کا گتہ اور دیگر سامان جل کر خاکستر ہوگیا۔
فوری طور پر آگ لگنے کی وجہ اور نقصان کی مالیت کا اندازہ نہیں لگایا جا سکا ، آگ پر مکمل قابو پانے کے بعد ہی مزید تفصیلات حاصل کی جائے گی۔
بنگلہ دیش نے 1971 کے واقعات پر پاکستان سے معافی کا مطالبہ کردیا