آرٹ بطور تھراپی، ماہرین کیا کہتے ہیں؟
اشاعت کی تاریخ: 15th, March 2025 GMT
سوئس ڈاکٹرز دماغی طبی حالتوں اور دائمی بیماریوں کے مریضوں کے لیے تجاویز کی حد کو بڑھا رہے ہیں جس میں پارکس، آرٹ گیلریوں اور عجائب گھروں کا دورہ کرنا شامل ہے۔
مغربی سوئٹزرلینڈ کے شہر نیوچیٹیل نے ڈاکٹروں کے ساتھ مل کر دماغی طبی مسائل سے دوچار افراد کی مدد اور ان میں جسمانی سرگرمیوں کو فروغ دینے کے لیے اس پروگرام کا آغاز کیا ہے۔
پروگرام میں حصہ لینے والی نیوچیٹیل کی ایک ڈاکٹر پیٹریشیا لیہمن نے کہا کہ جن لوگوں کو بعض اوقات اپنی دماغی صحت سے متعلقہ مسائل کا سامنا کرنا پڑتا ہے، ان کے لیے یہ دورے پریشانیوں، تکلیفوں اور بیماریوں کو بھولنے اور نئے تجربات کے خوشگوار لمحات گزارنے کا موقع فراہم کرتے ہیں۔
انہوں نے مزید کہا کہ مجھے یقین ہے کہ جب ہم لوگوں کے جذبات کا خیال رکھتے ہیں تو ہم کسی نہ کسی طرح ان کی شفا یابی میں کردار ادا کرتے ہیں۔
مزید برآں پروگرام کے تحت شہریوں کو پانچ سو طبی نسخے بھی دیے جائیں گے جو انہیں چار مقامات کے مفت وزٹ فراہم کرے گا جن میں تین میوزیم اور شہر کے بوٹینیکل گارڈن شامل ہیں۔
ذریعہ: Express News
پڑھیں:
لیونل میسی 2026 کے فیفا ورلڈ کپ میں بطور کپتان شرکت کریں گے، ارجنٹینا فٹبال ایسوسی ایشن کی تصدیق
عالمی شہرت یافتہ فٹبال اسٹار لیونل میسی 2026 میں ہونے والے فیفا ورلڈ کپ میں ارجنٹینا کی قیادت کریں گے۔ یہ اعلان ارجنٹائن فٹبال ایسوسی ایشن (AFA) کے ایک سینئر عہدیدار نے دبئی میں ایک تقریب کے دوران کیا، جس میں میسی کی قومی ٹیم میں واپسی کو بھی باضابطہ تسلیم کیا گیا۔
میسی کی قومی ٹیم میں واپسی38 سالہ لیونل میسی نے 7 ماہ کے وقفے کے بعد حالیہ انٹرنیشنل میچز میں ارجنٹینا کی نمائندگی کی، جہاں وہ چلی کے خلاف بطور متبادل کھلاڑی میدان میں آئے اور کولمبیا کے خلاف میچ میں ابتدائی کھلاڑی کے طور پر شریک ہوئے۔ اگرچہ میسی مارچ میں انجری کے باعث غیر حاضر رہے، مگر ٹیم نے ان کے بغیر ہی ورلڈ کپ 2026 کے لیے کوالیفائی کر لیا۔
یہ بھی پڑھیں اسٹار فٹبالر میسی کی اہلیہ جذبات کی رو میں کیا کربیٹھیں؟
باقی میچز اور تیاریارجنٹینا کو کوالیفائنگ مرحلے کے دوران اب 2 مزید میچز کھیلنے ہیں:
9 ستمبر: وینزویلا کے خلاف، بیونس آئرس میں
14 ستمبر: ایکواڈور کے خلاف، ایکواڈور میں
کلب سطح پر شاندار کارکردگیدوسری جانب، میسی نے امریکا میں اپنے کلب انٹر میامی کے لیے شاندار فارم برقرار رکھتے ہوئے نیویارک ریڈ بُلز کے خلاف 5-1 فتح میں 2 گول اور 2 اسسٹ فراہم کیے۔ یہ ان کی 7 میچز میں چھٹی بارس تھی، جس نے انہیں ایک بار پھر شائقین کا مرکز بنا دیا ہے۔
AFA کے اعلیٰ عہدیدار کی تصدیقدبئی میں اے ایف اے اور لولو فنانشل ہولڈنگز کے درمیان شراکت داری کے اعلان کے دوران، اے ایف اے کے چیف مارکیٹنگ اور کمرشل آفیسر لیاندرو پیٹرسن نے تصدیق کی ’میسی جسمانی طور پر مکمل فٹ ہیں۔ ان کا حالیہ سیزن شاندار رہا ہے، اور ہمیں یقین ہے کہ وہ 2026 کے ورلڈ کپ میں نمایاں کردار ادا کریں گے۔ ارجنٹینا فتح کا نہ صرف مضبوط امیدوار بنے گا، بلکہ میسی اس ٹورنامنٹ کے ستاروں میں شامل ہوں گے۔‘
کوچ لیونل اسکالونی کی قیادت کو سراہا گیاپیٹرسن نے قومی کوچ لیونل اسکالونی کے کردار کو بھی سراہا اور کہا ’اسکالونی محض کوچ نہیں بلکہ ارجنٹائن کے اقدار کے سفیر ہیں۔ ان کی اور میسی کی موجودگی نے ارجنٹینا کو دنیا بھر میں ایک مثبت تشخص دیا ہے۔‘
شراکت داری اور عالمی رسائیدبئی میں منعقدہ تقریب میں لولو ایکسچینج اور لولو منی کو اے ایف اے کے ریجنل فِن ٹیک پارٹنرز کے طور پر متعارف کرایا گیا، جو مشرق وسطیٰ، بھارت، اور جنوب مشرقی ایشیا میں شائقین سے جُڑنے میں مدد دیں گے۔ لولو فنانشل ہولڈنگز کے بانی عدیب احمد نے کہا
یہ بھی پڑھیں کرسٹیانو رونالڈو بمقابلہ لیونل میسی: کس کی مارکیٹ ویلیو زیادہ؟
’ارجنٹینا کی ٹیم صرف ایک فٹبال ٹیم نہیں بلکہ اُمید، استقامت اور خوشی کی علامت ہے۔ ہم 10 ممالک میں 347 مقامات پر شائقین کے لیے ایک بڑی مہم کا آغاز کریں گے۔‘
ارجنٹینا کی مشرق وسطیٰ میں سرگرمیاںہیڈ کوچ اسکالونی نے اشارہ دیا کہ وہ آئندہ سرما میں دوبارہ مشرق وسطیٰ کا دورہ کریں گے تاکہ ٹیم کی سرگرمیاں جاری رکھی جا سکیں۔ انہوں نے کہا کہ کھیل ہمارے دل و دماغ میں رچ بس گیا ہے۔ یہ شراکت داری صرف آغاز ہے۔ ہم طویل المدتی شراکت کے خواہاں ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ارجنٹینا فیفا فٹبال کپ 2026 لیونل میسی
کپاس کا مسلسل زوال معیشت کے لیے خطرہ بن گیا ہے