پہلا ٹی ٹوئنٹی: پاکستان نے جنوبی افریقا کے خلاف ٹاس جیت کر فیلڈنگ کا فیصلہ کیا
اشاعت کی تاریخ: 28th, October 2025 GMT
راولپنڈی میں شیڈول ٹی ٹوئنٹی سیریز کے پہلے میچ میں پاکستان نے ٹاس جیت کر پہلے فیلڈنگ کرنے کا فیصلہ کیا ہے۔
قومی ٹیم کے کپتان سلمان آغا نے کہا کہ “پنڈی میں یہ پیش گوئی کرنا مشکل ہے کہ مخالف ٹیم کو کس اسکور پر روکا جا سکتا ہے۔انہوں نے مزید کہا کہ ٹیم میں شامل اسٹار کھلاڑی بابر اعظم اور نسیم شاہ ماضی میں میچ جیتنے والے کھلاڑی ثابت ہو چکے ہیں اور آئندہ بھی میچ ونر ثابت ہوں گے۔
کپتان نے ٹیم کے توازن کی طرف بھی اشارہ کرتے ہوئے کہا کہ دو آل راؤنڈر، ابرار احمد اور دو فاسٹ بولرز ٹیم کا حصہ ہیں، جبکہ صائم ایوب اور وہ خود بھی بولنگ کر سکتے ہیں، جس سے ٹیم میں مضبوطی اور لچک آئی ہے۔
ذریعہ: Daily Mumtaz
پڑھیں:
جنوبی افریقا کیخلاف ٹی ٹوئنٹی سیریز میں بابر اعظم تیسرے نمبر پر کھیلیں گے: ہیڈ کوچ
data-id="863a0a8" data-element_type="widget" data-widget_type="theme-post-content.default">
راولپنڈی: پاکستان وائٹ بال کرکٹ ٹیم کے کوچ مائیک ہیسن نے جنوبی افریقا کے خلاف ٹی ٹوئنٹی سیریز میں بابر اعظم کی بیٹنگ پوزیشن واضح کرتے ہوئے بتایا ہے کہ وہ نمبر تین پر بیٹنگ کریں گے۔
بابر اعظم، جو ٹی ٹوئنٹی انٹرنیشنل کرکٹ میں سب سے زیادہ رنز بنانے والے بیٹرز میں دوسرے نمبر پر ہیں، ایشیا کپ 2025 میں ناکامی کے بعد جنوبی افریقا کے خلاف ہوم سیریز کے لیے انہیں دوبارہ ٹیم میں شامل کیا گیا ہے۔
راولپنڈی کرکٹ اسٹیڈیم میں میڈیا سے گفتگو کرتے ہوئے پاکستان وائٹ بال کرکٹ ٹیم کے کوچ مائیک ہیسن نے بابر اعظم کی واپسی کو ٹیم کے لیے حوصلہ افزا قرار دیتے ہوئے کہا کہ بابر کے انتخاب کی مکمل حمایت کرتے ہیں، جب کہ فخر زمان کو فرسٹ کلاس کرکٹ میں بھیجا گیا ہے تاکہ وہ اپنی تکنیک بہتر بنا سکیں۔ فخر ون ڈے کرکٹ پر دوبارہ توجہ دینا چاہتے ہیں، اسی لیے انہیں ٹی ٹوئنٹی سے عارضی آرام دیا گیا ہے۔
ہیڈ کوچ کے مطابق فخر زمان کی غیر موجودگی سے ٹاپ آرڈر میں ایک موقع پیدا ہوا ہے، جو بابر اعظم کے لیے ٹیم میں واپسی کا بہترین وقت ہے۔ انہوں نے بتایا کہ بابر جنوبی افریقا کے خلاف سیریز میں تیسرے نمبر پر کھیلیں گے اور انہیں یقین ہے کہ وہ شاندار کارکردگی دکھائیں گے۔
مائیک ہیسن نے مزید کہا کہ بابر اعظم کی واپسی سے پاکستان کو ٹی ٹوئنٹی ورلڈ کپ 2026 کے لیے کھلاڑیوں کے انتخاب میں مزید آپشنز ملیں گے۔
واضح رہے کہ پاکستان اور جنوبی افریقا کے درمیان تین ٹی ٹوئنٹی میچوں پر مشتمل سیریز 28 اکتوبر سے یکم نومبر تک کھیلی جائے گی۔ پہلا میچ راولپنڈی کرکٹ اسٹیڈیم جبکہ باقی دو میچز لاہور کے قذافی اسٹیڈیم میں ہوں گے۔
کابل کو شدت پسندوں کو روکنا ہوگا تبھی جنگ بندی برقرار رہ سکے گی، وزیردفاع