کھانے میں معمولی تاخیر،بدبخت بیٹے نے ماں کو قتل کردیا
اشاعت کی تاریخ: 18th, March 2025 GMT
بدبخت بیٹے نے کھانا دینے میں معمولی تاخیر پر ماں کو بے دردی سے قتل کردیا۔پولیس کے مطابق قتل کا واقعہ گجرات کے نواحی گاؤں مراڑیاں میں پیش آیا، جہاں بدبخت بیٹے عثمان نواز نے کھانا دیر سے ملنے پر اپنی ماں کو آہنی راڈ سر پر مار کر قتل کردیا۔ملزم نے اپنی والدہ سے کھانا مانگا، جس پر ماں نے کہا تھوڑی دیر آرام کرلو، میں کھانا دیتی ہوں۔ ماں کی بات سنتے ہی بدبخت بیٹے نے طیش میں آکر سر پر آہنی راڈ مار کر اپنی ماں کو قتل کردیا۔سر پر آہنی راڈ کی چوٹ اور خون لگنے سے خاتون رضیہ موقع پر ہی دم توڑ گئی۔تھانہ انڈسٹریل اسٹیٹ پولیس نے مقتولہ کے دوسرے بیٹے (قاتل کے سگے بھائی) فرحان علی کی مدعیت میں مقدمہ درج کرکے ملزم کو گرفتار کرلیا۔ملزم نے دوران تفتیش اپنی والدہ کو قتل کرنے کا اعتراف بھی کیا ہے۔
.ذریعہ: Nawaiwaqt
پڑھیں:
کرسٹیانو رونالڈو کے بیٹے نے بین الاقوامی میچ کھیل کر فٹبال کی دنیا میں باضابطہ قدم رکھ لیا
فٹبال لیجنڈ اور پرتگال کے کپتان کرسٹیانو رونالڈو کے بیٹے کرسٹیانو رونالڈو جونیئر نے ترکی میں جاری فیڈریشن کپ کے دوران پرتگال کی انڈر 16 ٹیم کے لیے اپنا پہلا بین الاقوامی میچ کھیل کر فٹبال کی دنیا میں باضابطہ قدم رکھ دیا ہے۔
یہ بھی پڑھیں: فٹبال کی تاریخ کا نیا سنگِ میل، کرسٹیانو رونالڈو کے 950 گول مکمل
جمعرات 30 اکتوبر کو ہونے والے میچ میں 15 سالہ رونالڈو جونیئر نے اضافی وقت میں میدان میں اتر کر مختصر لیکن یادگار آغاز کیا، جہاں پرتگال نے میزبان ترکی کو 0 – 2 سے شکست دی۔ پرتگال کے لیے اسپورٹنگ سی پی کے سیموئل تاوریس اور ایس سی براگا کے رافائل کابریل نے گول کیے۔
یہ ڈیبیو اس وقت سامنے آیا جب رونالڈو جونیئر نے سعودی عرب میں النصر کلب کی نوجوان ٹیم میں عمدہ کارکردگی دکھائی، جہاں ان کے والد بھی سینیئر ٹیم کے لیے کھیل رہے ہیں۔
اس سے قبل رواں سال رونالڈو جونیئر نے کروشیا کے خلاف ولاتکو مارکووچ انٹرنیشنل ٹورنامنٹ کے فائنل میں 2 گول کر کے پرتگال کو 2 کے مقابلے میں 3 گول سے کامیابی دلائی تھی۔
یہ بھی پڑھیں: کرسٹیانو رونالڈو ایک بار پھر دنیا کے سب سے زیادہ کمانے والے فٹبالر قرار
پرتگالی کوچ کے مطابق ’وہ صبر، محنت اور درست تربیت کے ساتھ کھیل سیکھ رہا ہے۔ اس کے نام سے دباؤ ضرور ہے، لیکن وہ اپنی جگہ اپنی محنت سے بنا رہا ہے۔‘
دوسری جانب، کرسٹیانو رونالڈو سینئر مسلسل فٹبال کی تاریخ رقم کر رہے ہیں، حال ہی میں وہ 950 سے زائد گول مکمل کر کے مردوں کے عالمی فٹبال میں سب سے زیادہ گول کرنے والے کھلاڑی بن چکے ہیں۔
رونالڈو نے ماضی میں اپنے بیٹے کی خواہشات پر بات کرتے ہوئے کہا تھا، ’وہ مجھ سے کہتا ہے کہ وہ مجھ سے بہتر بننا چاہتا ہے۔ میں اسے کہتا ہوں کہ یہ آسان نہیں، لیکن اگر محنت کرو تو ناممکن بھی ممکن ہو جاتا ہے۔‘
یہ بھی پڑھیں: لیونل میسی نے انٹر میامی کے ساتھ نیا معاہدہ کر لیا
پرتگال کی انڈر 16 ٹیم اب اپنے اگلے میچ میں یکم نومبر کو ویلز اور 4 نومبر کو انگلینڈ کا سامنا کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بیٹا بین الاقوامی میچ پرتگال ترکیہ رونالڈو
کراچی: گورنر خیبرپختونخوا کے میڈیا ایڈوائزر کی چھینی گئی گاڑی برآمد