پی ٹی آئی کے غیرذمہ دارانہ طرزعمل پر کڑی تنقید
اشاعت کی تاریخ: 19th, March 2025 GMT
اسلام آباد(طارق محمودسمیر)پاکستان تحریک انصاف نے قومی سلامتی کمیٹی کے اہم اجلاس کا بائیکاٹ کرکے خود تحریک بائیکاٹ ثابت کیاہے ، تحریک انصاف کی قیادت کااہم موقت پر غیرسنجیدہ رویے کا یہ پہلا موقع نہیں ماضی میں بطوروزیراعظم عمران خان نے ان کیمرہ اجلاس میں شرکت نہیں کی تھی جب 2019میں بھارتی طیارے کو مارگرانے کے بعد پائلٹ ابھینندن کی گرفتاری عمل میں لائی گئی تھی چنانچہ قومی سلامتی کمیٹی کے اجلاس سے بائیکاٹ پر پی ٹی آئی پرشدیدتنقیدکاجارہی ہے جے یو آئی کے رہنما مولانافضل الرحمان نے بھی اس پر افسوس کااظہارکیاہے،اس موقع پر مولاناافغانستان کے معاملے پر بھی اہم تجاویزدی ہیں جنہیں زیرغورلایاجاناچاہئے اور اس ضمن میں مولانااہم کرداراداکرسکتے ہیں انہوں نے ماضی میں بھی کرداراداکیاہے ،پی ٹی آئی کی طرف سے اجلاس میں شرکت کے لیے عمران خان کی پیرول پر رہائی کی شرط رکھی گئی پیرول پررہائی کے حوالے سے 1926اور1927کاایکٹ موجود ہے جس کے تحت پانچ سے دس دن تک کے لیے پیرول پر رہائی عمل میں لائی جاسکتی ہے،قیدی کو اس شرط پر رہائی کی اجازت دی جاتی ہے کہ وہ مقررہ وقت کے اند رواپس جیل آجائے گا، ماضی میں اس کی مثالیں موجود ہیں بیگم کلثونوازکے انتقال پر نوازشریف کو بھی اڈیالہ جیل سے چند دن کے لیے پیرول پر رہاکیاگیا جس کے بعد انہیں دوبارہ جیل منتقل کردیاگیاتھا،ستمبر2018میں پنجاب حکومت نے نوازشریف،مریم نوازاورکپٹن صفرکی پیرول پر رہائی کا حکم دیاتھا پہلے انہیں 12گھنٹے کے لیے رہاکیاگیا پھراس میں تین دن کی توسیع کی گئی ،اسی طرح دسمبر2020میں شہبازشریف اور حمزہ شہبازشہباز کو پانچ دن کے لیے پیرول پر رہاکیاگیاتھا، علاوہ ازیں مسلم لیگ ن کے صدرنوازشریف بھی پارلیمانی کمیٹی کے اجلاس میں شریک نہیں ہوئے وہ ملک کے تین باروزیراعظم رہ چکے ہیں اور تجربہ کار سیاستدانو ں میں ان کا شمارہوتاہے بہترہوتاوہ اس اجلاس میں شریک ہوتے جب کہ وزیرداخلہ محسن نقوی بیرون ملک دورے پرموجود ہونے کے باعث اجلاس میں شریک نہ ہوسکے ان کی آج وطن واپسی متوقع ہے،ان کیمرہ بریفنگ ماضی میں بھی ہوتی رہی ہیں ماضی میں سابق آرمی چیف جنرل ر قمرجاویدباجوہ اوراس وقت کے ڈی جی آئی ایس آئی نے بھی بریفنگ دی جب نیشنل ایکشن پلان 2014بنایاگیاتھاجب کہ اس سے پہلے ایبٹ آباد میں اسامہ بن لادن کے خلاف امریکی کارروائی کیبعد اس وقت کے آرمی چیف جنرل ر اشفاق پرویزکیانی اور اس وقت کی ڈی جی آئی ایس آئی لفیٹننٹ جنرل ر احمدشجاع پاشانے پارلیمنٹ کو ان کیمرہ بریفنگ دی تھی،حالیہ اجلاس میں آرمی چیف نے ایک بار پھردہشت گردی سے نمٹنے کے لیے قومی اتحاداورسیاسی اختلافات کو پس پشت ڈالنے پر زوردیا،بلاشبہ قومی سلامتی جیسے حساس معاملات کو سیاست سے بالاتر رکھنا چاہیے، اور تمام سیاسی جماعتوں کی شمولیت ضروری ہے تاکہ اندرونی و بیرونی خطرات کا مؤثر مقابلہ کیا جا سکے۔ تاہم، پی ٹی آئی اپنی سیاسی حکمتِ عملی کے تحت سخت مؤقف اختیار کیے ہوئے ہے تاکہ عوامی دباؤ اور حکومت پر پریشر برقرار رکھا جا سکے۔
Post Views: 1.ذریعہ: Daily Mumtaz
کلیدی لفظ: پی ٹی ا ئی اجلاس میں پیرول پر پر رہائی کے لیے
پڑھیں:
انیق ناجی نے ولاگنگ سے دوری کی وجہ خود ہی بتا دی ، پنجاب حکومت پر تنقید
لاہور (ویب ڈیسک) تجزیہ نگار انیق ناجی نے ولاگنگ سے دوری کی وجہ بتادی اور ساتھ ہی حکومت پنجاب کو شدید تنقید کا نشانہ بنادیا۔
اپنے ولاگ میں انیق ناجی کاکہناتھاکہ طویل غیر حاضری کی ایک وجہ بیزاری تھی، ہرروز ایک نئی حماقت،" ن لیگ کیساتھ 34سال رفاقت رہی اور عمران خان کے دور میں بھی اپنی حیثیت کے مطابق مریم نواز اورنوازشریف کوسپورٹ کرتارہا،سمجھتا تھا کہ یہ لوگ نشیب وفراز سے گزرے ہوئے ہیں ، ملک سنبھال سکتے ہیں لیکن جس طرح کی حماقتیں ہوئی ہیں، اس میں آدمی چپ ہی کرسکتاہے،
نوازشریف کے بارے میں تو اتنا کہنا ہی کافی ہے کہ غلام اسحاق خان ،فاروق لغاری ہو یا پھر پرویز مشرف ہو، سیاسی طور پر انہیں کوئی ختم نہیں کرسکالیکن جو حال ان کیساتھ ان کے خاندان نے کیا ہے ، وہ دیکھ کر ہی دکھ ہوتا ہے کہ وہ آدمی نہ ہنس سکتا ہے اور نہ رو سکتا ہے، آج کسی کا سامنا نہیں کرسکتا، انہیں لندن میں پی ٹی آئی کے لوگ برا بھلا کہتے رہے لیکن اس نے کبھی جواب نہیں دیا، اب کسی سے ملنے کے قابل بھی نہیں رہا۔
سی ایم پنجاب گرین کریڈٹ پروگرام کے تحت ای بائیکس کی رجسٹریشن میں نمایاں اضافہ
ان کا مزید کہناتھاکہ مریم نواز نے جو پنجاب میں مظاہرہ کیا، ہر روز ایک نئی حماقت، ذاتی اور گھریلوملازمین کو اپنے اردگرد رکھا ہواہے جن کا نہ کوئی آگے ہے اور نہ کوئی پیچھے،صرف مسلم لیگ ن سے تعلق کے علاوہ ان کی کوئی حیثیت ہی نہیں، ان کے کہنے پر سب کچھ ہو رہا، بیڑہ غرق کرکے رکھ دیا، ن لیگ کے اپنے لوگ بھی حیران پریشان ہیں ، وہ قیادت سے ملنے کی درخواستیں کیا کرتے تھے،اب منہ چھپا رہے ہیں کہ کہیں تصویر بنوانے کے لیے بلوا نہ لیں، اراکین اسمبلی اپنے حلقوں میں نکلنے کے قابل نہیں رہے، آپ کو وہ سرکاری ہسپتال بھی یا دہوگاجہاں میڈم منہ چھپا کر گئی تھیں اور پھر تقریر کی تھی کہ امیرآدمی تو بیرون ملک چلاجاتاہے لیکن عام آدمی کیا کرے، میں تو ایک عام شہری کی طرح یہاں آئی ہوں، کونسا عام آدمی ہوتا ہے جو 20گاڑیوں کیساتھ سرکاری ہسپتال جاتاہے؟
اداکارہ عائشہ عمر کے شو لازوال عشق پر عوامی اعتراضات، پیمرا کا ردعمل
لیکن بس خیال ہے کہ لوگ اس طرح ساتھ آجائیں گے، مریم اورنگزیب صاحبہ بھی بھیس بدل کر چھاپے مار رہی ہیں ، کیمرہ مین اور پولیس اہلکار بھی ساتھ ہیں، لب و لہجہ ہی ایسا ہے ، نہ اردو آتی ہے اور نہ صحیح سے انگریزی، اداکاری ہورہی ہے ، چھوٹے چھوٹے کھانے کے پیکٹس پر بھی اپنی تصویر، بیزاری اور ولاگنگ سے دوری کی وجہ بھی یہی ہے ۔
مزید :
اسرائیل نے غزہ سٹی میں بھی زمینی فوج اُتار دی