فتنتہ الخوارج کو خیبرپختونخوا میں عوامی رد عمل کا سامنا، سیکیورٹی اہلکار کا اغوا ناکام
اشاعت کی تاریخ: 19th, March 2025 GMT
ضلع خیبر کی وادی تیراہ میں چھٹی پر آئے سیکیورٹی اہلکار کےگھر کا محاصرہ کرنے والے مسلح افراد کیخلاف مقامی افراد نے متحد ہوکر فتنہ الخوارج کے ہاتھوں سیکیورٹی اہلکار کے اغوا کی کوشش ناکام بنا دی۔
سیکیورٹی ذرائع کے مطابق اہل علاقہ نے واضح طور پر فتنہ الخوارج کو پیغام دیا ہےکہ ان کا دہشت گردوں سے کوئی لینا دینا نہیں، انہیں امن سے جینے دیا جائے اور وہ فوجی کو حوالے نہیں کریں گے۔
اس سے قبل، کرک میں بھی عوام نے سیکیورٹی فورسز کے ساتھ ملکر خوارج کے حملے کو پسپا کیا تھا، اسی طرح بنوں میں 14 اور 15 مارچ کی درمیانی رات خوجڑی پولیس چوکی پر حملے کے دوران مقامی افراد نے پولیس کے ساتھ ملکر خوارج کو پسپا کیا تھا۔
یہ بھی پڑھیں:
بنوں کے اہل علاقہ کا موقف تھا کہ مذکورہ پولیس چوکی پر حملہ ہوا تو عوام اور پورا گاؤں نکل آیا، ہم پولیس کے ساتھ شانہ بشانہ کھڑے ہیں، فتنے کا دور ہے اور ہم اس فتنے کو ختم کر کے دم لیں گے، ہم پولیس کے ہمراہ کھڑے ہیں۔
سیکیورٹی ذرائع کے مطابق لکی مروت میں نمازعشا کے وقت عباسہ خٹک میں قائم مسجد کے باہرسیکیورٹی پر مامورمقامی رہائشی کا خوارج سے سامنا ہوا، مسجد میں موجود تمام نمازیوں نے ملکر خوارج کو مار بھگایا۔
سیکیورٹی ذرائع کا کہنا ہے کہ مقامی افراد اور خوارج کے درمیان فائرنگ کا تبادلہ بھی ہوا، ڈی پی او لکی مروت کی طرف سے چوکی عباسہ کو آرڈر دیا گیا کہ مقامی لوگوں کی ہر طرح سے معاونت کی جائے، قانون نافذ کرنے والے ادارے پہلے ہی فتنتہ الخوارج کیخلاف کارروائیوں میں تیزی لا چکے ہیں۔
مزید پڑھیں:
دفاعی ماہرین کا کہنا ہے کہ خیبر پختونخواہ کی غیور عوام کی جانب سے خوارج کیخلاف اتحاد فتنتہ الخوارج کی بڑی ناکامی ہے، دہشتگردوں کیخلاف مزاحمت کرنے والے یہ پاکستانی ہی اصل ہیروز ہیں، جو فتنہ الخوارج کے خلاف قانون نافذ کرنے والے اداروں کے شانہ بشانہ کھڑے ہیں۔
دفاعی ماہرین کے مطابق غیور عوام کی عسکریت پسندی کے خلاف عملی مزاحمت واضح پیغام ہے کہ وہ کسی صورت دہشت گردی کو برداشت نہیں کریں گے، عوام کی جانب سے سیکیورٹی فورسز کے حق میں اوردہشتگردوں کیخلاف جنگ کرنا پر امن مستقبل کی روشن نوید ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اغوا تیراہ خیبر پختونخوا دفاعی ماہرین سیکیورٹی سیکیورٹی اہلکار سیکیورٹی فورسز ضلع خیبر عباسہ خٹک فائرنگ فتنہ الخوارج لکی مروت.ذریعہ: WE News
کلیدی لفظ: اغوا تیراہ خیبر پختونخوا دفاعی ماہرین سیکیورٹی سیکیورٹی اہلکار سیکیورٹی فورسز عباسہ خٹک فائرنگ فتنہ الخوارج لکی مروت سیکیورٹی اہلکار فتنہ الخوارج کرنے والے خوارج کے خوارج کو
پڑھیں:
معذور شخص کو اٹھا کر سڑک پار کرانے والے اہلکار کیلیے آسٹریلیا سے انعام
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) کراچی کی مصروف ترین شارع فیصل پر ایک معذور شخص کو کندھے پر اٹھا کر سڑک پار کرانے والے ٹریفک پولیس کے بزرگ کانسٹیبل کو آسٹریلیا میں مقیم پاکستانیوں کی طرف سے نقد انعام ارسال کیا گیا۔ بیٹی کی شادی سے دو ماہ قبل کثیر رقم ملنے پر پولیس کانسٹیبل خوشی سے نہال ہوگیا۔ ٹریفک پولیس کے اہلکار مظہر قدوسی کی یہ وڈیو سوشل میڈیا پر وائرل ہوئی تھی۔ پاکستان سے معروف دانشور اور مربی پروفیسر شاہد ہاشمی آسٹریلیا کے دورے پر گئے تو وہاں مقیم پاکستانیوں نے ہدیہ تشکر کے طور پر یہ رقم مظہر قدوسی کو پہنچانے کے لیے ان کے حوالے کی۔ پروفیسر شاہد ہاشمی نے مظہر قدوسی کو تلاش کرنے کے لیے مقامی صحافی اعظم گوندل کی ذمہ داری لگائی جنہیں بالآخر امریکا میں مقیم ریٹائرڈ ایس ایس پی فرحت کمال کی مدد سے تلاش کرلیا گیا۔ گزشتہ روز گارڈن پولیس ہیڈ کوارٹر میں ایس پی سعید احمد ارائیں اور ڈی ایس پی لیگل محمد طفیل احمد بھی موجود تھے۔ اس موقع پر گفتگو کرتے ہوئے کانسٹیبل مظہر قدوسی نے کہا کہ آسٹریلیا میں مقیم پاکستانیوں کی طرف سے یہ انعام ان کی حوصلہ افزائی کا سبب بنا ہے۔ وہ اپنی ذمہ داریاں پہلے سے بھی بہتر ادا کرنے کی کوشش کریں گے اور دیگر پولیس اہلکار بھی فرائض سے بڑھ کر کام کرنے کی کوشش کریں گے۔ انہوں نے سابق ایس پی فرحت کمال کا بھی شکریہ ادا کیا جنہوں نے دو تین مہینے کی جدوجہد سے ان تک پہنچنے میں مدد کی۔ خاص طور پہ جو آسٹریلیا میں مقیم پاکستانی جنہوں نے میری خدمت خلق اور انسانیت کو سراہا اچھا سوچا اچھا دیکھا اچھا چاہا۔
پاکستان میں آئندہ حج سستا ہونے کا امکان