شہنشاہِ جذبات محمد علی کو مداحوں سے بچھڑے 19 برس بیت گئے
اشاعت کی تاریخ: 19th, March 2025 GMT
روشنیوں کی دنیا میں کچھ چہرے بجھ کر بھی جگمگاتے رہتے ہیں اور کچھ آوازیں خاموش ہو کر بھی سنائی دیتی ہیں۔ جذبات کو الفاظ دینے والے، احساسات کو آنکھوں میں سمونے والے اور مکالموں کو زندگی بخشنے والے اداکار محمد علی بھی ان میں سے ایک ہیں۔
بھارت کے شہر رام پور میں 19 اپریل 1931کو ایک آواز نے جنم لیا جس کا سحر آگے چل کر لاکھوں دلوں پر چھا گیا۔ ابتدا ریڈیو پاکستان سے کی جہاں ان کی آواز نے سننے والوں کو اسیر کر لیا۔
ایک صدا کار، جس کی گونج فلمی دنیا تک پہنچی اور یوں ایک ایسا ستارہ چمکا، جو آج بھی زوال سے نا آشنا ہے۔ چراغ جلتا رہا، لیکن اصل روشنی فلم ”شرارت“ کے بعد آئی۔ ”خاموش رہو“ کی خاموشی نے دنیا کو چیخ کر بتا دیا کہ ایک نیا ہیرو فلمی دنیا میں قدم رکھ چکا ہے۔
پھر یہ سفر”صاعقہ، میرا گھر میری جنت، انسان اور آدمی سے ہوتا ہوا 275 فلموں کی داستان میں بدل گیا۔ اداکار محمد علی کے مکالمے محض الفاظ نہیں تھے وہ جذبات کا طوفان تھے، جو دیکھنے والے کی آنکھوں کو نم، اور دل کو بے قرار کر دیتے تھے۔
محمد علی اداکاری نہیں، حقیقت کا عکس تھے، جہاں ہر کردار ان کی روح میں اتر جاتا اور ہر منظر میں وہ حقیقت کا رنگ بھر دیتے۔
وہ فلم سٹار زیبا کی محبت میں امر ہوئے، ایک ایسی جوڑی جو صرف فلمی نہیں، حقیقت میں بھی محبت کی علامت بن گئی۔ پردے پر بھی، پردے کے پیچھے بھی، محمد علی اور زیبا کی کہانی آج بھی فلمی دنیا کا ایک حسین باب ہے۔
درجنوں ایوارڈز، اعزازات، تمغے حاصل کیے، شہرت کی بلندی کو چھوا لیکن اصل سرمایہ وہ لاکھوں دل تھے جو ان کے جذبات میں دھڑکتے تھے، جو ان کی مسکراہٹ پر خوش ہوتے اور ان کے آنسوؤں پر نم ہو جاتے۔
لاہور میں 19 مارچ 2006 کو یہ ستارہ زمیں پر تو بُجھ گیا لیکن آسمان پر چمکتا رہا۔ فلمی تاریخ میں جب بھی احساس کی شدت، مکالمے کی گونج، اور جذبات کی سچائی پر بات ہوگی، وہاں شہنشاہِ جذبات محمد علی کا نام سنہری حروف میں لکھا جائے گا۔
Post Views: 1.ذریعہ: Daily Mumtaz
کلیدی لفظ: محمد علی
پڑھیں:
ہیوی میٹل کے بانی اوزی اوسبورن دنیا سے رخصت ہو گئے
برطانوی راک میوزک لیجنڈ اور ہیوی میٹل بینڈ بلیک سباتھ کے کرشماتی مرکزی گلوکار اوزی اوسبورن 76 برس کی عمر میں انتقال کر گئے، ان کے اہل خانہ نے ان کی موت کی تصدیق کرتے ہوئے وجہ نہیں بتائی۔
اوزی اوسبورن گزشتہ کئی برسوں سے مختلف طبی مسائل کا شکار تھے، انہیں پارکنسنز کے مرض کی تشخیص ہوئی تھی اور 2019 کے ایک حادثے کے بعد کئی پیچیدگیوں کا سامنا بھی کرنا پڑا تھا۔
ان کے خاندان کی جانب سے جاری ایک بیان میں کہا گیا کہ ہمارے پیارے اوزی اوسبورن کے انتقال کی خبر الفاظ سے زیادہ غم انگیز ہے، وہ اس صبح اپنے اہل خانہ کے درمیان، محبت کے حصار میں دنیا سے رخصت ہوئے۔
یہ بھی پڑھیں:
اوزی اوسبورن کی وفات ان کے آخری لائیو پرفارمنس سے محض 3 ہفتے بعد ہوئی، 5 جولائی کو انہوں نے برمنگھم کے ولا پارک اسٹیڈیم میں بلیک سباتھ کے ساتھیوں کے ساتھ آخری بار اسٹیج پر پرفارم کیا، جو 2005 کے بعد ان کی پہلی مشترکہ پرفارمنس تھی۔
اس الوداعی کنسرٹ کا عنوان ‘بیک ٹودا بگننگ‘ تھا، جس میں ہیوی میٹل کے کئی نامور فنکار شریک ہوئے، اس موقع پر اوزی اوسبورن نے بتایا تھا کہ وہ گزشتہ 6 برس سے صاحب فراش ہیں۔ ’آپ کو اندازہ نہیں کہ آج میں کیسا محسوس کر رہا ہوں۔ دل کی گہرائیوں سے آپ سب کا شکریہ۔‘
اوزی آسبورن 1948 میں برمنگھم میں پیدا ہوئے، ان کے والدین فیکٹری میں کام کرتے تھے اور انہوں نے اپنے بچے کا نام جان مائیکل اوسبورن رکھا، اوزی اوسبورن نے 15 سال کی عمر میں اسکول چھوڑ دیا اور شہرت حاصل کرنے سے قبل بحیثیت مزدور، پلمبر اور مذبح خانے کے ورکر کے طور پر بھی کام کیا۔
مزید پڑھیں:
انہوں نے بلیک سباتھ بینڈ کے ساتھ ہیوی میٹل موسیقی کی بنیاد رکھنے میں کلیدی کردار ادا کیا اور پھر اپنی سولو کیریئر میں زبردست کامیابیاں حاصل کیں۔ ان کے مشہور گیتوں میں آئرن مین، پیرانوئڈ، وار پگس، کریزی ٹرین اور چینجز شامل ہیں۔
ہیوی میٹل کی دنیا میں انہیں ’پرنس آف ڈارکنیس‘کے لقب سے یاد کیا جاتا تھا، انہوں نے 1980 میں اپنا پہلا سولو البم ‘بلزرڈ آف اوز‘ ریلیز کیا، جو امریکا میں پانچ بار پلاٹینم گیا، انہوں نے مجموعی طور پر 13 اسٹوڈیو البمز ریلیز کیے، جن میں آخری البم ’پیشنٹ نمبر 9‘2022 میں منظر عام پر آیا۔
بلیک سباتھ کے ساتھ اور انفرادی طور پر دونوں حیثیتوں میں اوزی اوسبورن کو برطانیہ کے میوزک ہال آف فیم اور امریکا کے راک اینڈ رول ہال آف فیم میں شامل کیا گیا، وہ ہالی وڈ واک آف فیم اور برمنگھم کی براڈ اسٹریٹ پر بھی ستارے کے حامل رہے، انہوں نے 5 گریمی ایوارڈ جیتے اور ایک ریئلٹی ٹی وی اسٹار بھی بنے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اوزی اوسبورن برمنگھم بلیک سباتھ راک میوزک ہیوی میٹل
حکومت نے ایک سال میں پاور سیکٹر میں نقصان کم کرکے ٹیکس پیئر کے 151 ارب روپے بچائے، وزیرتوانائی