حکومت نے بجلی صارفین سے ٹیلی ویژن فیس کی مد میں اربوں روپے وصول کرلیے
اشاعت کی تاریخ: 19th, March 2025 GMT
اسلام آباد ( اُردو پوائنٹ اخبارتازہ ترین۔ 19 مارچ 2025ء ) حکومت نے بجلی صارفین سے 2 سال کے دوران ٹیلی ویژن فیس کی مد میں اربوں روپے وصول کرلیے۔ تفصیلات کے مطابق بجلی صارفین سے دو سال کے دوران ٹیلی ویژن فیس کی مد میں اربوں روپے وصول کرنے کا انکشاف اس وقت ہوا جب قومی اسمبلی اجلاس میں وقفہ سوالات کے دوران وزیر اطلاعات عطا تارڑ نے ٹی وی فیس سے متعلق تحریری جواب دیا۔
انہوں نے اپنے جواب میں بتایا کہ دو سالوں میں بجلی صارفین سے 18 ارب 86 کروڑ روپے سے زائد وصول کیے گئے، پیپکو نے ٹی وی فیس کی مد میں دو سالوں میں بجلی بلوں کے ذریعے 16 ارب 64 کروڑ روپے سے زائد وصول کیے، کے الیکٹرک نے دو سالوں کے دوران بجلی صارفین سے ٹی وی فیس کی مد میں 2 ارب 21 کروڑ روپے سے زائد وصول کیے۔ علاوہ ازیں قومی اسمبلی اجلاس کے وقفہ سوالات میں وزارت داخلہ نے گزشتہ پانچ سال کے دوران اسلام آ باد میں احتجاج کو روکنے سے متعلق اخراجات کی تفصیلات پیش کیں، دستاویزات سے معلوم ہوا ہے کہ اسلام آباد میں احتجاج روکنے کیلئے گزشتہ 5 سالوں میں ایک ارب سے زائد خرچ کر دیے گئے، حکومت نے گزشتہ 5 سال میں ریڈ زون میں اعلان کردہ احتجاج سے نمٹنے کے لیے 1 ارب 35 کروڑ 58 لاکھ روپے سے زائد خرچ کیے۔(جاری ہے)
وزارت داخلہ کی جانب سے پیش کی جانے والی دستاویزات سے پتا چلا ہے کہ سال 2019/20ء میں اسلام آباد میں احتجاج کو روکنے کیلئے 15 کروڑ 77 لاکھ 61 ہزار روپے خرچ ہوئے، سال 2020/21ء میں اسلام آباد میں احتجاج کو روکنے کے لیے 9 کروڑ 61 لاکھ 35 ہزار روپے خرچ کیے گئے جب کہ سال 2021/22ء میں حکومت نے اس مد میں 27 کروڑ 79 لاکھ 48 ہزار روپے خرچ کیے، سال 2022/23ء میں اسلام آباد میں احتجاج روکنے کیلئے ہونے والا خرچہ 72 کروڑ 40 لاکھ 31 ہزار روپے رہا اور سال 2023/24ء میں احتجاج کو روکنے کیلئے 10 کروڑ روپے خرچ کیے گئے۔.ذریعہ: UrduPoint
کلیدی لفظ: تلاش کیجئے اسلام آباد میں احتجاج میں احتجاج کو روکنے بجلی صارفین سے فیس کی مد میں روپے سے زائد روکنے کیلئے کروڑ روپے ہزار روپے روپے خرچ کے دوران حکومت نے خرچ کیے دو سال
پڑھیں:
ٹک ٹاک سے ماہانہ 2 کروڑ روپے کمائے جا سکتے ہیں، مان ڈوگر کا انکشاف
معروف یوٹیوبر اور ٹک ٹاکر مان ڈوگر نے انکشاف کیا ہے کہ ٹک ٹاک پر روزانہ لائیو آکر ماہانہ دو کروڑ روپے تک کمائے جا سکتے ہیں۔
مان ڈوگر نے حال ہی میں نجی ٹی وی کے ایک پروگرام میں شرکت کی، جہاں انہوں نے مختلف معاملات پر کھل کر گفتگو کی۔
مان ڈوگر اکثر رجب بٹ کے فیملی ولاگ میں نظر آتے ہیں اور یہ کہنا غلط نہیں ہوگا کہ ان کی موجودگی نے ان ولاگز کی شہرت میں اضافہ کیا ہے۔
اس حوالے سے انہوں نے بتایا کہ انہیں ولاگز میں آنے کا کوئی خاص شوق نہیں تھا، لیکن ایک دن اتفاقاً وہ ولاگ میں آگئے اور وہ قسط بہت مقبول ہوگئی، اس کے بعد رجب بٹ نے ان سے کہا کہ اب وہ ان کے ولاگز کا مستقل حصہ بنیں گے۔
ایک سوال کے جواب میں مان ڈوگر نے کہا کہ جن لوگوں کو فیملی ولاگز پسند نہیں، انہیں دیکھنے کی ضرورت بھی نہیں، کیونکہ جب آپ کو کوئی چیز پسند نہیں تو اسے دیکھنے کا فائدہ بھی نہیں۔
انہوں نے مزید کہا کہ رجب بٹ کے ولاگز صرف ان کی وجہ سے مشہور نہیں ہوئے بلکہ اس میں اصل محنت رجب کی ہے، وہ خود تو صرف ایک وسیلہ ہیں۔
مان ڈوگر نے پروگرام کی میزبان کو مشورہ دیا کہ وہ بھی ٹک ٹاک جوائن کریں کیونکہ اس میں آمدنی کے اچھے مواقع ہیں، اگر روزانہ ایک لائیو کیا جائے تو ایک ٹک ٹاکر مہینے کے تقریباً 2 کروڑ روپے کما سکتا ہے، اسی لیے انہیں بھی لائیو آنا چاہیے۔
انہوں نے کہا کہ ٹک ٹاک پر لائیو آنے کے لیے زیادہ محنت کی ضرورت نہیں، سارا دن آرام کریں اور رات میں ایک اچھا سا فلٹر لگا کر لائیو آ جائیں، اس طرح آپ مقبول ہو سکتی ہیں۔
ان کا کہنا تھا کہ فلٹر لگانا لڑکیوں کے لیے لازمی ہوتا ہے اور وہ فلٹر کے بغیر لائیو نہیں آتیں۔
پروگرام کے دوران مان ڈوگر سے کہا گیا کہ وہ رجب بٹ اور ڈکی بھائی کو کوئی مشورہ دیں۔
رجب بٹ کے لیے انہوں نے مشورہ دیا کہ وہ زیادہ غصہ نہ کیا کریں کیونکہ انہیں غصہ جلد آجاتا ہے، جب کہ ڈکی بھائی کو مشورہ دیا کہ وہ نہا لیا کریں کیونکہ وہ زیادہ نہاتے نہیں۔
Post Views: 2
علی امین گنڈاپور سے پہلے وزیراعلیٰ سندھ، مریم نواز اور بلاول بھٹو کو استعفیٰ دینا چاہیے، بیرسٹر سیف