تجارتی تعلقات بڑھانے پر پاک سعودی تاجروں، پرفیشنلز میں ایوارڈ کی تقسیم
اشاعت کی تاریخ: 19th, March 2025 GMT
پاکستان اور سعودی عرب کے تجارتی و باہمی تعلقات کو فروغ دینے کے سلسلے میں پاک سعودی تاجروں، سی ایف اوز، انجینئرز و دیگر کارکنوں کی خدمات کو سراہتے ہوئے انہیں ایوارڈ سے نوازا گیا۔
یہ بھی پڑھیں: وزیراعظم پاکستان کی سعودی ولی عہد سے ملاقات، پاک سعودی عرب مضبوط اقتصادی شراکت داری کا اعادہ
سعودی عرب کے دارالحکومت ریاض میں پاکستانی پروفیشنلز اور ایگزیکٹوز کی تنظیم پیپلز کی جانب سے منعقد ہونے والی تقریب کے شرکا کہنا تھا کہ پاکستان اور سعودی عرب کے درمیان تجارتی، سرمایہ کاری اور دیگر شعبوں میں تعاون بڑھ رہا ہے اور مستقبل میں اسے مزید فروغ دیا جائے گا۔
شرکا نے پاکستان اور سعودی عرب کے درمیان تجارت، سرمایہ کاری اور دیگر شعبوں میں بڑھتے ہوئے تعاون پر روشنی ڈالتے ہوئے اس اعتماد کا اظہار کیا کہ مستقبل میں یہ تعلقات مزید مضبوط ہوں گے۔
تقریب میں شہزادی نورا الفیصل اور دیگر اہم سعودی شخصیات کے علاوہ پاکستانی پیشہ ور افراد اور ایگزیکٹوز کی بڑی تعداد نے شرکت کی۔ دونوں ممالک کے درمیان تعاون اور اقتصادی ترقی کو بڑھانے میں اہم کردار پر ایوارڈ تقسیم کیے گئے۔
اس موقع پر پیپلز کے چیئرمین محمود خان اور صدر کاشف خان نے سعودی معیشت کی تیز رفتار ترقی اور تجارت، سرمایہ کاری اور دیگر شعبوں میں پاکستانی پیشہ ور افراد کو فراہم کیے جانے والے وسیع مواقع کا تذکرہ کرتے ہوئے پاکستانی پیشہ ور افراد پر زور دیا کہ وہ ان مواقع سے بھرپور فائدہ اٹھائیں۔
مزید پڑھیے: ایس آئی ایف سی کے تعاون سے پاک سعودی تجارتی تعلقات نئی بلندیوں پر
انہوں نے بتایا کہ ایسوسی ایشن کا بنیادی مقصد ایک ایسا پلیٹ فارم مہیا کرنا تھا جو پاکستانی پیشہ ور افراد اور سعودی اداروں کو دو طرفہ کاروباری تعلقات کو فروغ دینے کے لیے اکٹھا کرے۔
شہزادی نورا الفیصل نے تقریب سے خطاب کرتے ہوئے سعودی عرب اور پاکستان کے درمیان مضبوط اور پائیدار تعلقات کی تعریف کی۔
انہوں نے تجارتی اور سرمایہ کاری کے تعلقات کی تیز رفتار ترقی پر روشنی ڈالتے ہوئے کہا کہ سعودی عرب میں مقیم دونوں ممالک کے لوگوں کے درمیان تجربات کے تبادلے سے دونوں ممالک کے لیے مثبت نتائج برآمد ہو رہے ہیں۔
مزید پڑھیں: پاک سعودی تعلقات میں مزید بہتری اور اضافہ ہو رہا ہے۔ ڈاکٹر طلحہ
ان کا کہنا تھا کہ اس تقریب نے دونوں ممالک کے درمیان بڑھتے ہوئے تعاون اور مشترکہ مفادات کو واضح کیا جس سے نہ صرف اقتصادی تعلقات کو تقویت ملے گی بلکہ دونوں ممالک کے عوام کے درمیان روابط بھی مزید مضبوط ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک سعودی پروفیشنلز پاک سعودی پروفیشنلز میں ایوارڈ کی تقسیم پاک سعودی تاجر پیپلز.ذریعہ: WE News
کلیدی لفظ: پاک سعودی پروفیشنلز پاک سعودی تاجر پیپلز پاکستانی پیشہ ور افراد دونوں ممالک کے سعودی عرب کے سرمایہ کاری اور سعودی کے درمیان پاک سعودی اور دیگر
پڑھیں:
سعودی عرب اور شام کے درمیان 24 ارب ریال کے سرمایہ کاری معاہدے، اقتصادی تعاون کے نئے دور کا آغاز
سعودی عرب کے وزیرِ سرمایہ کاری انجینیئر خالد الفالح کی قیادت میں اعلیٰ سطحی سرمایہ کاری وفد نے شام کا اہم دورہ مکمل کر لیا جس کے دوران دونوں برادر ممالک کے درمیان تاریخی نوعیت کے اقتصادی معاہدے طے پائے۔
دورے کا مقصد شام میں پائیدار ترقی، اقتصادی بحالی اور مختلف شعبوں میں سرمایہ کاری کے نئے امکانات کو حقیقت کا روپ دینا تھا۔
یہ بھی پڑھیں: سعودی عرب کا شام میں 5 ارب ڈالر کی سرمایہ کاری کا اعلان
اس دوران دمشق میں (سعودی شامی سرمایہ کاری فورم) کا انعقاد کیا گیا جس کی صدارت صدرِ شام احمد الشرع نے کی۔ اس اہم موقعے پر دونوں ممالک کے وزرا، اعلیٰ حکام، اور سرکردہ کاروباری شخصیات کی شرکت نے اس فورم کو تاریخی بنا دیا۔
فورم میں جائیداد، توانائی، سیاحت، صنعت، صحت، مالیات، تجارت، آئی ٹی اور دیگر اہم شعبہ جات میں سرمایہ کاری کے 47 معاہدوں پر دستخط کیے گئے جن کی مجموعی مالیت تقریباً 24 ارب ریال سعودی رہی۔
ان معاہدوں کا مقصد شام کی معیشت کو استحکام دینا اور سعودی سرمایہ کاری کو شام کی ترقی میں فعال کردار ادا کرنے کے لیے فروغ دینا ہے۔
مزید پڑھیے: سعودی عرب میں ٹرین سے سفر کرنے والوں کی تعداد میں اضافہ ریکارڈ
وزارتی اجلاس میں انجینئر خالد الفالح کے ساتھ شام کے وزرائے معیشت، صنعت، اور سیاحت نے شرکت کی۔ اجلاس میں باہمی اقتصادی تعلقات کو مزید مضبوط بنانے، سعودی قیادت کی شامی عوام کے لیے مسلسل حمایت اور سعودی کاروباری اداروں کے شام کی تعمیرِ نو میں ممکنہ کردار پر گفتگو کی گئی۔
اس موقعے پر (اسمنت البادیہ) کمپنی نے 200 ملین ڈالر کی نئی سرمایہ کاری کا اعلان کیا جس کے تحت سیمنٹ کی پیداوار اور بجلی کی پیداوار میں نمایاں اضافہ کیا جائے گا۔
علاوہ ازیں وزیرِ سرمایہ کاری نے دمشق میں 100 ملین ریال کی لاگت سے (الفيحاء) سیمنٹ فیکٹری اور 375 ملین ریال مالیت کے (برج الجوهرة) کمرشل منصوبے کا سنگِ بنیاد بھی رکھا۔
مزید پڑھیں: پاکستان اور سعودی عرب کا سرمایہ کاری بڑھانے پر اتفاق
یہ دورہ سعودی عرب اور شام کے درمیان ایک نئے اقتصادی باب کا آغاز ثابت ہو رہا ہے جو علاقائی استحکام، ترقی اور برادرانہ تعاون کے جذبے کو مزید تقویت دے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سعودی عرب سعودی عرب و شام میں سرمایہ کاری معاہدے سعودی وزیرِ سرمایہ کاری انجینیئر خالد الفالح شام
پاکستان اور کینیڈا کا اقتصادی اور تجارتی تعلقات کو مضبوط بنانے پر اتفاق