سوشل میڈیا پر منفی پروپیگنڈا، علیمہ خان سمیت 17 افراد جے آئی ٹی میں دوبارہ طلب
اشاعت کی تاریخ: 20th, March 2025 GMT
جے آئی ٹی نے سوشل میڈیا پر منفی پروپیگنڈے کے معاملے پرعلیمہ خان سمیت 17 افراد کو دوبارہ طلب کرلیا ہے۔ان تمام افراد کو جے آئی ٹی آئی نے 21 مارچ کو پیش ہونے کا حکم دیا ہے. ان سے سوشل میڈیا پر منفی پروپیگنڈے کے حوالے سے سوال جواب کیے جائیں گے۔علیمہ خان گزشتہ روز بھی جے آئی ٹی کے سامنے پیش ہوئی تھیں، جے آئی ٹی سوشل میڈیا پر منفی پروپیگنڈے کے الزام میں تحققات کر رہی ہے۔جے آئی ٹی نے جن افراد کوطلب کیاہے ان میں فردوس شمیم نقوی، محمد خالد خورشید خان، میاں محمد اسلم اقبال، محمد حماد اظہر، عون عباس، محمد شہباز شبیر، وقاص اکرم، تیمور سلیم خان، صبغت اللہ ورک، اظہر مشوانی اور محمد نعمان افضل شامل ہیں۔جبران الیاس، سلمان رضا، ذلفی بخاری، موسیٰ ورک اور علی ملک کو بھی طلبی کے نوٹس جاری کیے گئے ہیں۔
.ذریعہ: Nawaiwaqt
کلیدی لفظ: سوشل میڈیا پر منفی جے آئی ٹی
پڑھیں:
ماڈل علیزے شاہ کا سوشل میڈیا سے تعلق ختم کرنے کا فیصلہ، آخری پوسٹ میں کیا کہا؟
پاکستان کی بولڈ اداکارہ و ماڈل علیزے شاہ نے سوشل میڈیا سے دوری اختیار کر لی۔
علیزے شاہ نے گزشتہ روز فوٹو اینڈ ویڈیو شیئرنگ ایپ انسٹاگرام سے اپنی تمام پوسٹس ڈیلیٹ کر دیں اور سوشل میڈیا کو جہنم سے تشبیہہ دے دی۔اداکارہ نےاپنی پوسٹ میں لکھا کہ ’یہ جگہ جہنم سے بھی زیادہ بری ہے‘۔
سوشل میڈیا سے دوری اختیار کرنے کے بعد ان کے انسٹاگرام اکاؤنٹ پر کوئی پوسٹ موجود نہیں اور انہوں نے سب کو ان فالو بھی کردیا ہے۔
آج انہوں نے انسٹاگرام پر ایک اسٹوری لگائی ہے جس میں اداکارہ کا کہنا تھا کہ ’طنز، مسلسل تنقید اور منفی رویہ صرف میرے جذبات کو مجروح نہیں کر رہا تھا بلکہ اس نے میری جسمانی صحت کو بھی متاثر کرنا شروع کر دیا ہے۔ اور یہ نوبت آ گئی کہ مجھے نہ صرف سوشل میڈیا سے بلکہ اپنے اردگرد کے تمام لوگوں سے مکمل طور پر خود کو الگ کرنا پڑا‘۔
اداکارہ کا کہنا تھا کہ ’میں ٹوٹ چکی ہوں، تھک چکی ہوں، اور ایک اس حد تک بوجھ محسوس کر رہی ہوں جسے الفاظ میں بیان کرنا مشکل ہے۔ میری بائیو میں واضح طور پر یہ لکھنے کے بعد بھی کہ میں زندہ ہوں، کچھ لوگ اب بھی افواہیں پھیلا رہے ہیں۔ اور کئی چینلز نے میرے والدین سے رابطہ کیا ہے کہ کیا میں مر چکی ہوں۔ ذرا سوچیں اس بات کا ایک ماں کے دل پر کیا اثر ہوتا ہے اور ایک خاندان پر کیا گزرتی ہے‘۔
انہوں نے مزید کہا کہ ’براہِ مہربانی سمجھنے کی کوشش کریں کہ یہ سب مجھے اور میرے چاہنے والوں کو کس قدر تکلیف دے رہا ہے۔ اس وقت، مجھے واقعی نہیں معلوم کہ میں انسٹاگرام یا ٹی وی ڈراموں پر کب یا کبھی واپس آؤں گی بھی یا نہیں۔ یہ دباؤ حد سے بڑھ گیا ہے۔ اس کا بوجھ اتنا بھاری ہو چکا ہے کہ میری صحت خراب ہو گئی ہے‘۔
میری صرف ایک گزارش ہے کہ مجھے کچھ وقت دیں علیزے شاہ نے کہا کہ میرے خاندان سے رابطہ نہ کریں۔ جھوٹی کہانیاں گھڑنا بند کریں اور مجھے سانس لینے دیں۔
واضح رہے کہ علیزے شاہ پاکستانی ٹیلی ویژن کی ایک باصلاحیت اور خوبصورت اداکارہ ہیں جنہیں فالوورز کی ایک بڑی تعداد پسند کرتی ہے۔ انسٹاگرام پر ان کے 4 ملین سے زیادہ فالوورز ہیں۔
ادکارہ ڈراما سیریل عہد وفا سے شہرت کی بلندیوں پر پہنچی اور اس کے بعد کئی ہٹ ڈراموں میں نظر آئیں۔ آج کل وہ سوشل میڈیا پر اپنی بولڈ تصاویر کی وجہ سے وائرل ہیں اور انہیں صارفین کی جانب سے شدید تنقید کا سامنا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انسٹاگرام پاکستانی ڈرامے سوشل میڈیا علیزے شاہ
ایرانی وزیر خارجہ کے دورہ چین کا پیغام