وزیراعلیٰ مریم نواز کی جانب سے خصوصی بچوں کے لیے عید گفٹ مہم کا آغاز
اشاعت کی تاریخ: 22nd, March 2025 GMT
وزیراعلیٰ پنجاب مریم نواز شریف کی ہدایت پر صوبے بھر میں خصوصی بچوں کو عید گفٹ فراہم کرنے کی مہم کا آغاز کر دیا گیا ہے اس مہم کے تحت عید کی تعطیلات سے قبل 40 ہزار سے زائد خصوصی طلبہ کو عید گفٹ دیے جائیں گے تاکہ وہ بھی عید کی خوشیوں میں شریک ہو سکیں معاون خصوصی برائے اطلاعات و ثقافت ثانیہ عاشق نے لاہور کے مختلف اسپیشل ایجوکیشن اداروں کا دورہ کیا اور وہاں موجود طلبہ کو وزیراعلیٰ مریم نواز کی جانب سے عید گفٹ پیش کیے گورنمنٹ ڈگری کالج اسپیشل ایجوکیشن جوہر ٹاؤن میں عید گفٹ مہم کا افتتاح کیا گیا جبکہ گورنمنٹ شاداب انسٹی ٹیوٹ آف اسپیشل ایجوکیشن اور گورنمنٹ ڈگری کالج برائے اسپیشل ایجوکیشن نشتر ٹاؤن میں بھی خصوصی طلبہ کو عید کے تحائف دیے گئے ثانیہ عاشق نے ہر کلاس روم میں جا کر خود طلبہ کو عید گفٹ اور مبارکباد کے کارڈ دیے اور وزیراعلیٰ مریم نواز شریف کا تحریری پیغام بھی بچوں کو پڑھ کر سنایا جس میں وزیراعلیٰ نے ان کے لیے نیک تمناؤں کا اظہار کیا اور عید کی خوشیوں میں ان کے ساتھ شریک ہونے کی خواہش ظاہر کی خصوصی طلبہ نے بھی اپنی معصومیت بھرے انداز میں وزیراعلیٰ کا شکریہ ادا کیا اور خوشی کا اظہار کیا وزیراعلیٰ مریم نواز کا کہنا ہے کہ خصوصی بچوں کی خوشی ان کے لیے سب سے زیادہ اہم ہے اور حکومت پنجاب خصوصی طلبہ کے لیے مزید منفرد اور جدید پراجیکٹس متعارف کروا رہی ہے تاکہ انہیں بہتر سہولیات فراہم کی جا سکیں اس موقع پر معاون خصوصی ثانیہ عاشق نے اسپیشل ایجوکیشن کالج کے لان میں ایک پودا بھی لگایا اور خصوصی طلبہ کے ساتھ وقت گزارا
.ذریعہ: Nawaiwaqt
کلیدی لفظ: اسپیشل ایجوکیشن مریم نواز عید گفٹ طلبہ کو کے لیے کو عید
پڑھیں:
بچوں کے ہاتھ میں قلم، کتاب، لیپ ٹاپ ہونے چاہئیں، اوزار، اینٹیں نہیں: مریم نواز
لاہور (نوائے وقت رپورٹ) بچوں کی جبری مشقت کے حوالے سے وزیراعلیٰ مریم نواز کے ویژن کے تحت سیف سٹی اتھارٹی کے زیر اہتمام پاکستان کا پہلا ورچوئل سنٹر فار چائلڈ سیفٹی قائم کر دیا گیا ہے۔ ورچوئل سنٹر فارچائلڈ سیفٹی میں پروفیشنل ماہرین کی ٹیم گم شدہ افراد کی تلاش، ورثا سے رابطے اور تصدیق پر مامور ہے۔ ورچوئل سنٹر فار چائلڈ سیفٹی نہ صرف گم شدہ بچوں بلکہ ضعیف العمر بزرگوں کو گھر واپس لانے کیلئے موثر ثابت ہوا ہے۔ بچے یا ضعیف العمر عزیز واقارب کی گم شدگی کی صورت میں ورچوئل فار چائلڈ سیفٹی سے آسان ترین رابطے کا سسٹم موجود ہے۔ ایمرجنسی ہیلپ لائن 15 پر کال کرکے 3 کا بٹن دبا کر ورچوئل سنٹر فار چائلڈ سیفٹی سے فوری رابطہ ممکن ہے۔ پنجاب بھر کے شہری سیفٹی ایپ کے ذریعے بھی ورچوئل سنٹر فار چائلڈ سیفٹی سے رابطے کر سکتے ہیں۔ صرف پنجاب ہی نہیں بلکہ پہلی مرتبہ دیگر صوبوں کے گم شدہ بچوں اور شہریوں کے لئے خصوصی ہیلپ لائن 0309-0000015 کو بھی فعال کیا گیا ہے۔ خصوصی ہیلپ لائن پر کال، واٹس ایپ میسج یا ٹیکسٹ میسج کے ذریعے گم شدہ بچوں سے متعلق اطلاع دینے کی سہولت بھی موجود ہے۔ ورچوئل سیفٹی سنٹر پر گم شدہ افراد سے متعلق شکایت کیلئے 59635 سے زائد افراد رابطہ کرچکے ہیں۔ پنجاب کے پہلے ورچوئل سنٹر فار چائلڈ سیفٹی کے ذریعے 53542 گم شدہ افراد سے متعلق کیس کامیابی سے ہمکنار ہوگئے۔ وزیراعلیٰ مریم نوازشریف کے اختراعی ورچوئل سنٹر فار چائلڈ سیفٹی کے ذریعے 26 ہزار سے زائد افراد گم شدگی کے بعد اپنے گھروں میں پہنچ گئے ہیں۔ مریم نواز نے کہا کہ بچے میری ریڈ لائن ہیں، گمشدگی کی صورت میں والدین کے دکھ کو سمجھ سکتی ہوں۔ بچے خواہ ہمارے ہوں یا کسی اور صوبے کے ہمیں سب پیارے ہیں۔ گم شدگی کی صورت میں ہر بچے کو خیر وعافیت سے گھر پہنچانے کی ذمہ داری کو پورا کرنے کے لئے پرعزم ہیں۔ پاکستان کے پہلے ورچوئل سنٹر فار چائلڈ سیفٹی سے ملک کا ہر شہری مستفید ہوسکتا ہے۔ پنجاب کا پہلا ورچوئل سنٹر فار چائلڈ سیفٹی انسانی ہمدردی، قومی یکجہتی، ڈیجیٹل ٹیکنالوجی اور گڈ گورننس کی کامیاب مثال ہے۔ گمشدہ بچوں کی واپسی کیلئے تمام تر ریاستی وسائل استعمال میں لانے تیار ہیں۔ مریم نواز نے کہا کہ بچوں کے محفوظ مستقبل کیلئے پنجاب چائلڈ پروٹیکشن پالیسی نافذ کرنے والا پہلا صوبہ ہے۔ پنجاب میں پہلا ورچوئل چائلڈ سیفٹی سٹیشن قائم کر کے بچوں کے حقوق کا تحفظ یقینی بنارہے ہیں۔ چائلڈ لیبر قطعاً برداشت نہیں، آج کے دور میں چائلڈ لیبر کے واقعات انسانیت کے لئے المیہ ہے۔ بچوں سے جبری مشقت، معاشرے کے باشعور شہریوں کیلئے لمحہ فکریہ ہے۔ بچوں کے ہاتھ میں قلم،کتاب اور لیپ ٹاپ ہونے چاہئیں، اوزار اور اینٹیں نہیں۔ قلم تھامنے والی کم سنی کی عمر میں بوجھ اٹھانے پر مجبور بچے ہر مہذب معاشرے کیلئے سوالیہ نشان ہیں۔ کسی معصوم بچے کا بچپن محفوظ نہ رہا تو آنے والے کل میں معاشرہ مفید شہری سے محروم رہے گا۔ چائلڈ لیبر کو محض ایک مسئلہ نہیں بلکہ نسلوں کے مستقبل کا سوال سمجھتی ہوں۔ چائلڈ لیبر کے خاتمے کیلئے موثر اقدامات کیے جارہے ہیں۔ بچوں کو جبری مشقت سے نجات دلا کرتعلیم کی طرف لا رہے ہیں۔ ایسا پنجاب چاہتے ہیں جہاں ہر بچہ مزدوری نہیں علم حاصل کرے اور قوم کا مستقبل سنوارے۔مریم نواز نے احمد آباد میں بھارتی طیارہ گرنے مسافروں کی ہلاکت پر دکھ اور افسوس کا اظہار کیا ہے۔ وزیراعلیٰ نے راولپنڈی میں ڈاکوؤں کی فائرنگ سے شہید ہونے والے کانسٹیبل سجاد حسین کو خراج حسین پیش کیا۔
اسپین میں نیٹو مخالف مظاہرے ، اسرائیل پر پابندیاں عائد کرنے کا مطالبہ