ایک کروڑ نوکریوں کا جھانسہ دینے والے روزگار چھیننے لگے: عظمیٰ بخاری
اشاعت کی تاریخ: 23rd, March 2025 GMT
لاہور (نوائے وقت رپورٹ) وزیر اطلاعات پنجاب عظمیٰ بخاری نے کہا ہے کہ خیبر پی کے حکومت نے مرکز بحالی پروجیکٹ کے 182 ملازمین کو ایک ہی دن میں نوکری سے برطرف کر دیا۔ خیبر پی کے حکومت کا محکمہ اطلاعات سوشل میڈیا برگیڈ کو کروڑوں روپے فراہم کرتا ہے، جو دن رات پاکستان اور قومی سلامتی کے اداروں کے خلاف پروپیگنڈہ کرتا ہے۔ دوسری جانب، سرکاری ملازمین کی تنخواہوں کی ادائیگی کے لیے ان کے پاس فنڈز نہیں ہوتے۔ احتجاج، جلسے اور مارچ پر خرچ کرنے کے لیے ہمیشہ وسائل دستیاب ہوتے ہیں، جبکہ بلدیاتی نمائندے دو سال سے فنڈز نہ ملنے پر سڑکوں پر احتجاج کر رہے ہیں اور تعلیمی اداروں کے ملازمین بھی شدید پریشانی کا شکار ہیں۔ پنجاب میں وزیر اعلیٰ مریم نواز نے صرف ستھرا پنجاب منصوبے کے تحت ایک لاکھ سے زائد نوکریاں فراہم کی ہیں، جبکہ درجنوں دیگر منصوبوں میں لاکھوں نئی ملازمتیں پیدا ہوئی ہیں۔
.ذریعہ: Nawaiwaqt
پڑھیں:
وفاقی ملازمین کا احتجاج، جوڈیشل اور یوٹیلیٹی الاؤنس بند ہونے پر کام بند
سٹی42: وفاقی ملازمین نے جوڈیشل الاؤنس اور یوٹیلیٹی الاؤنس بند کیے جانے کے خلاف کام بند کر دیا۔
ملازمین عدالتوں سے باہر نکل کر بینر اٹھا کر نعرے بازی کرتے ہوئے مطالبہ کیا کہ دونوں الاؤنس بحال کیے جائیں۔
ملازمین نے کہا کہ تنخواہیں آدھی ہونے کی وجہ سے گھروں کے چولہے بند ہو گئے ہیں اور فوری طور پر مالی مشکلات کا ازالہ کیا جائے۔
وزیر اعلیٰ پنجاب مریم نواز کل سرکاری دورے پر برازیل روانہ ہوں گی
کراچی میں معمولی زلزلے کے جھٹکے محسوس کیے گئے