کرک میں قیام امن کیلئے گرینڈ جرگہ، مل کر چلنے کے عزم کا اعادہ
اشاعت کی تاریخ: 24th, March 2025 GMT
کرک میں قیام امن کے لئے منعقدہ گرینڈ جرگے میں نائن ڈیو کے جی او سی کا جرگہ کے شرکا سے خطاب کرتے ہوئے کہنا تھا کہ دہشتگردی کے خاتمے کے لئے تمام وسائل بروئے کار لائیں گے، قیام امن ہمارا مشترکہ ایجنڈا ہے، جو بھی ریاست کی رٹ چیلنج کریگا اور امن خراب کریگا وہی ہم سب کا مشترکہ دشمن ہوگا۔ اسلام ٹائمز۔ کرک میں قیام امن کے لئے گرینڈ جرگے کا انعقاد ہوا، جرگہ میں ممبران اسمبلی، عمائدین علاقہ کے علاوہ اعلیٰ سول اور عسکری قیادت نے شرکت کی۔ جرگہ میں قیام امن کے لئے مل کر چلنے کے عزم کا اعادہ کیا گیا، ضلعی سیکرٹریٹ میں منعقدہ گرینڈ جرگہ میں نائن ڈیو کے جی او سی میجر جنرل ذوالفقار علی بھٹی نے خصوصی شرکت کی۔ میجر جنرل ذوالفقار علی بھٹی نے جرگہ میں شرکا سے خطاب کرتے ہوئے کہا کہ دہشتگردی کے خاتمے کے لئے تمام وسائل بروئے کار لائیں گے، قیام امن ہمارا مشترکہ ایجنڈا ہے، جو بھی ریاست کی رٹ چیلنج کریگا اور امن خراب کریگا وہی ہم سب کا مشترکہ دشمن ہوگا۔
انہوں نے کہا کہ اچھے اور برے طالبان کے قصے، کہانیاں ختم ہوچکی ہیں، غیر روایتی جنگ روایتی جنگ کے مقابلے میں زیادہ طویل اور مشکل ہوتی ہے، غیر روایتی جنگ میں عوام کی حمایت بہت ضروری ہے۔ میجر جنرل ذوالفقار علی بھٹی نے کہا کہ کرک اور قریبی علاقوں میں کسی بڑے آپریشن کی ضرورت نہیں، جہاں بھی عوام کو فوج کی ضرورت ہوگی فوج اپنی خدمات پیش کریگی، دہشت گردی کی لعنت کو جڑ سے اکھاڑ پھینک دیں گے۔
ذریعہ: Islam Times
کلیدی لفظ: میں قیام امن جرگہ میں کے لئے
پڑھیں:
جنوبی ایشیا میں پائیدار امن کے قیام کیلئے مسئلہ کشمیر کا حل ناگزیر ہے، الطاف بٹ
حریت کانفرنس آزاد کشمیر شاخ کے رہنما نے اقوام متحدہ سے مطالبہ کیا کہ وہ تنازعہ کشمیر سے متعلق اپنی قراردادوں پر عملدرآمد یقینی بنائے اور کشمیری عوام کو ان کا حق خودارادیت فراہم کرے۔ اسلام ٹائمز۔ کل جماعتی حریت کانفرنس آزاد کشمیر شاخ کے رہنما الطاف احمد بٹ نے کہا ہے کہ جنوبی ایشیا کے خطے میں پائیدار امن کے قیام کے لیے مسئلہ کشمیر کا حل ناگزیر ہے۔ ذرائع کے مطابق الطاف احمد بٹ نے اسلام آباد میں چیئرمین بابر فائونڈیشن سردار بابر عباسی اور سردار لال خان عباسی سے ملاقات کے دوران گفتگو کرتے ہوئے اقوام متحدہ سے مطالبہ کیا کہ وہ تنازعہ کشمیر سے متعلق اپنی قراردادوں پر عملدرآمد یقینی بنائے اور کشمیری عوام کو ان کا حق خودارادیت فراہم کرے۔ انہوں نے کہا کہ حالیہ پاک بھارت جنگ میں پاکستان کی تاریخی فتح سے مظلوم کشمیریوں اور پاکستانیوں کو نیا جوش و ولولہ ملا ہے۔ انہوں نے کہا کہ پوری قوم کو نیا عزم ملا ہے اور مایوسی اور ناامیدی کی فضا ختم ہوئی ہے۔ انہوں نے کہا کہ بھارت اپنی شکست کے زخم چاٹ رہا ہے اور اپنی خفت مٹانے کیلئے اس نے پاکستان کا پانی بند کرنے کی دھمکی دی ہے۔ ملاقات میں مسئلہ کشمیر سمیت اہم قومی و بین الاقوامی امور پر تبادلہ خیال کیا گیا اور مسئلہ کشمیر کے حل اور مظلوم کشمیری عوام کے حقوق کے لیے جدوجہد ہر سطح پر جاری رکھنے کے عزم کا اعادہ کیا گیا۔ سردار بابر عباسی نے اس موقع پر کہا کہ تنازعہ کشمیر صرف جغرافیائی نہیں بلکہ ایک انسانی مسئلہ ہے جس پر عالمی برادری کو سنجیدگی کا مظاہرہ کرنا ہو گا۔
پاکستان اسٹاک ایکسچینج میں زبردست تیزی کا رجحان، انڈیکس نئی بلند ترین سطح پر پہنچ گیا