یوٹیوبر رجب بٹ کیخلاف پیکا ایکٹ کے تحت مقدمہ درج، مذہبی جذبات مجروج کرنے کی دفعات شامل
اشاعت کی تاریخ: 25th, March 2025 GMT
لاہور ( اُردو پوائنٹ اخبارتازہ ترین۔ 25 مارچ 2025ء ) معروف یوٹیوبر رجب بٹ کیخلاف پیکا ایکٹ کے تحت مقدمہ درج کرلیا گیا۔ میڈیا رپورٹس کے مطابق رجب بٹ کیخلاف مذہبی جذبات مجروج کرنے پر مقدمہ درج کیا گیا ہے، مقدمے میں پیکا ایکٹ اور 295 اے کی دفعات شامل کی گئی ہیں، مقدمہ سید حیدر علی شاہ نامی شہری کے بیان پر درج کیا گیا، اس کے علاوہ رجب بٹ کیخلاف مقدمہ کے اندراج کیلئے مذ ہبی تنظیم کی جانب سے تھانے کے باہر مظاہرہ بھی کیا گیا ۔
بتایا گیا ہے کہ رجب بٹ کے خلاف ایف آئی آر میں نیا پرفیوم متعارف کرانے کا بھی ذکر کیا گیا ہے جس پر مختلف حلقوں کی جانب سے ردعمل دیا گیا تھا اور اب لاہور پولیس نے یوٹیوبر رجب بٹ کے خلاف مقدمے میں پیکا ایکٹ اور جذبات مجروج کرنے کی دفعات بھی شامل کی ہیں، یوٹیوبر کے خلاف مذکورہ مقدمہ لاہور کے تھانہ نشترکالونی میں درج کیا گیا اور پولیس کا کہنا ہے کہ ’مقدمہ کے اندراج کے بعد مزید تحقیقات شروع کردی گئی ہیں، ملزم کیخلاف قانون کے مطابق کارروائی عمل میں لائی جائے گی‘۔(جاری ہے)
یہاں قابل ذکر بات یہ ہے کہ اس سے پہلے بھی یوٹیوبر رجب بٹ اپنے کئی بیانات اور سوشل میڈیا مواد کی وجہ سے خبروں کا حصہ بنے رہے ہیں اور ان کے خلاف متعدد مقدمات کا اندرج بھی ہوچکا ہے، اسی ظرح گزشتہ سال دسمبر میں لاہور پولیس نے لائسنس کے بغیر شیر کا بچہ اور اسلحہ رکھنے پر رجب بٹ کو گرفتار کیا تھا، اس مقصد کے لیے محکمہ وائلڈ لائف کے ہمراہ پولیس نے ان کے گھر پر چھاپہ مارا تھا، اس دوران رجب بٹ سے غیر قانونی کلاشنکوف برآمد ہونے کی اطلاعات بھی سامنے آئیں تاہم بعد ازاں ضمانت پر انہیں رہائی مل گئی تھی۔ .ذریعہ: UrduPoint
کلیدی لفظ: تلاش کیجئے یوٹیوبر رجب بٹ رجب بٹ کیخلاف پیکا ایکٹ کیا گیا کے خلاف
پڑھیں:
رجب بٹ پاکستان واپس کب آئیں گے؟ یوٹیوبر نے خاموشی توڑ دی
معروف یوٹیوبر رجب بٹ نے پاکستان آنے کے حوالے سے خاموشی توڑ دی ہے۔
ایک حالیہ پوڈ کاسٹ میں ایک سوال کے جواب میں رجب بٹ نے کہا کہ ہر کوئی جانتا ہے کہ میں نے کچھ غلط نہیں کیا، میں مسلمان ہوں، کچھ غلط فہمیاں ہیں جو جلد دور ہوجائیں گی۔
یہ بھی پڑھیں: ’آپ دوسروں کے خاندان بیچ رہے ہیں‘، رجب بٹ کی ایک بار پھر فہد مصطفیٰ پر تنقید
رجب بٹ نے کہا ’میں نے ایسا کچھ غلط نہیں کیا، لیکن اگر میرے الفاظ کے چناؤ سے کسی مسلمان بھائی کی دل آزاری ہوئی تو اس پر میں نے اللہ کے گھر میں بیٹھ کے بھی معذرت کی ہے اور اب بھی معذرت کرتا ہوں۔‘
انہوں نے کہا کہ یہ معذرت اس لیے نہیں مانگ رہا کہ مجھے پاکستان آنے دیا جائے، پاکستان بلانے کے لیے قواعد و ضوابط زندہ ہیں، اگر رولز اینڈ ریگولیشنز کے مطابق لگے کہ میں گنہگار ہوں تو مجھے سزا ملے گی، اگر لگا گا کہ میں بے گناہ ہوں تو مجھے بری الزمہ کردیا جائے گا۔
یہ بھی پڑھیں: ویڈیو میں 295 کا ذکر، معروف یوٹیوبر رجب بٹ نے وضاحت پیش کردی
رجب بٹ نے پنجابی کہاوت’ گل کرنی ہے منہوں کڈ، میں تینوں کڈاں‘ کا حوالہ دیتے ہوئے کہا کہ لوگ انتظار کرتے رہتے ہیں کہ کوئی بات کرے تو ہم اس کو پنڈ سے نکالیں، میرا بھی یہی حال ہوا ہے، بہت جلد سب ٹھیک ہوجائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انوشے اشرف کی شادی کی تقریبات کا آغاز، مہندی کی ویڈیوز وائرل