بالی ووڈ میں گندی فلمیں بنتی ہیں، سلمان خان
اشاعت کی تاریخ: 27th, March 2025 GMT
بالی ووڈ اداکار سلمان خان جو ہمیشہ میڈیا کے سامنے کھل کر اور بے باک انداز میں بات کرنے کے لیے مشہور ہیں ان کا کہنا ہے کہ بالی ووڈ میں گندی فلمیں بنتی ہیں۔
سلمان خان نے حال ہی میں بھارتی میڈیا سے گفتگو کرتے ہوئے کہا کہ ’جب اتنی گندی فلمیں بنیں گی تو وہ فلاپ تو ہوں گی‘ انہوں نے اپنے بیان کی وضاحت کرتے ہوئے کہا کہ اگر ان کی اپنی فلم بھی اگر نہیں چلتی تو وہ گندی فلم ہے اور اگر چل جاتی ہے تو وہ بہت اچھی فلم ہے۔
سلمان نے 2023 میں اپنی پہلی بڑی فلاپ فلم کا سامنا کیا تھا جب ان کی فلم ’کسی کا بھائی، کسی کی جان‘ باکس آفس پر راج کرنے میں ناکام رہی تھی۔
یہ بھی پڑھیں: بالی ووڈ اسٹارز سلمان خان اور عامر خان کس فلم میں ایک ساتھ جلوہ گر ہوں گے؟
سلمان نے فلم کی ناکامی کی ذمہ داری بھی لی اور کہا کہ ’اداکار ہی وہ شخص ہوتا ہے جو شائقین کو سینما تک لاتا ہے۔ اداکار وہ شخص ہے جو پوسٹر پر نظر آتا ہے، سینما میں نظر آتا ہے۔ اگر فلم نہیں چلتی تو اس کا الزام بھی اداکار پر آئے گا‘۔
اداکار نے کہا کہ انہیں لگتا ہے ہندی سینما میں اب معیاری کام نہیں ہو رہا۔ کیونکہ اب لکھاری اپنے لیے لکھ رہے ہیں اور ہدایتکاروں سے مقابلہ کر رہے ہیں۔ پروڈیوسر دوسرے پروڈیوسروں سے مقابلہ کر رہے ہیں۔ ہر کوئی دوسرے کو دکھانا چاہتا ہے کہ وہ کس طرح فلم بناتے ہیں۔
انہوں نے کہا کہ ایسا نہیں ہونا چاہیے، فلم عوام کے لیے بنانی چاہیے۔ فلم اس طرح لکھنی چاہیے کہ سامنے والی قطار میں بیٹھ کر آپ لطف اندوز ہو سکیں۔ عوام بہت آگے جا چکی ہے۔ او ٹی ٹی پلیٹ فارمز کے آ جانے کے بعد عوام کے پاس کسی بھی فلم اور دنیا بھر کی ہر قسم کی سینما تک رسائی ہے۔
یہ بھی پڑھیں: سلمان خان کی فلم سکندر کا گانا ’زہرہ جبیں‘ ریلیز ہوتے ہی وائرل
اداکار نے فلم سازوں سے کہا کہ وہ ’صحیح وجہ‘ کے لیے فلمیں بنائیں، جو کہ ان کے مطابق آج کل نہیں ہو رہا۔ سلمان خان نے کہا کہ ہمارے ہدایتکار اور پروڈیوسر غلط وجوہات کی بنا پر فلمیں بنا رہے ہیں۔ آج کل فلمیں اس وقت بنتی ہیں جب اداکار کے پاس تاریخ ہو، یا ہیروئن کی شادی ہو، یا ان کے پاس فنڈنگ ہو۔ فلم صرف اس وقت بننی چاہیے جب تمہارے پاس بہترین اسکرپٹ ہو۔ اس کے سوا کچھ نہیں۔
سلمان خان نے کہا کہ فلمیں چاہے اچھی ہوں یا بری، اب بھی ملک میں سب سے زیادہ دیکھی جانے والی تفریح کا ذریعہ ہیں، انہوں نے کہا کہ یقیناً لوگ نائٹ کلب میں جا سکتے ہیں لیکن زیادہ تر لوگ گھر بیٹھ کر فلمیں دیکھتے ہیں۔ اداکار نے کہا کہ انہیں امید ہے کہ جلد ہی ہندی سینما کے لیے حالات بہتر ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
’کسی کا بھائی کسی کی جان‘ بالی ووڈ بالی ووڈ فلمیں سلمان خان.ذریعہ: WE News
کلیدی لفظ: کسی کا بھائی کسی کی جان بالی ووڈ بالی ووڈ فلمیں نے کہا کہ بالی ووڈ گندی فلم رہے ہیں کے لیے
پڑھیں:
لاہور، کابینہ کمیٹی برائے امن و امان کی اسرائیلی حملے کی مذمت
خواجہ سلمان رفیق نے کہا کہ محرم الحرام کے دوران پولیس کے ڈیڑھ لاکھ سے زائد اہلکار تعینات کیے جا رہے ہیں، محرم الحرام کے دوران تمام مکاتب فکر مکمل رواداری اور اخوت کا پیغام دیں، عرس حضرت بابا فریدالدین مسعود گنج شکرؒ کیلئے بھرپور سکیورٹی انتظامات مکمل ہیں۔ اسلام ٹائمز۔ محکمہ داخلہ میں کابینہ کمیٹی برائے امن و امان کا اجلاس خواجہ سلمان رفیق کی زیرصدارت منعقد ہوا۔ اجلاس میں 9 اور 10 محرم کو پنجاب بھر میں موٹر سائیکل پر ڈبل سواری پر پابندی کا فیصلہ کیا گیا جبکہ پولیس کیساتھ آرمی اور رینجرز کے جوان بھی جلوسوں کی سکیورٹی کے فرائض سر انجام دیں گے۔ اجلاس کے دوران محرم الحرام کے سکیورٹی پلان کا تفصیلی جائزہ لیا گیا۔ سیکرٹری داخلہ پنجاب ڈاکٹر احمد جاوید قاضی اور قانون نافذ کرنیوالے اداروں نے بریفنگ دی۔ اجلاس میں محرم الحرام کے دوران سکیورٹی کے سخت انتظامات یقینی بنانے کی ہدایت کی گئی۔ کمشنرز، ڈپٹی کمشنرز، آر پی اوز اور ڈی پی اوز نے کابینہ کمیٹی کو انتظامات بارے آگاہ کیا۔ کابینہ کمیٹی نے اسرائیل کی جانب سے ایران میں جارحیت کی پرزور الفاظ میں مذمت کی۔
خواجہ سلمان رفیق نے کہا کہ محرم الحرام کے دوران سکیورٹی کے فول پروف انتظامات کیے جائیں گے، پولیس کیساتھ آرمی اور رینجرز کے جوان بھی فرائض سر انجام دیں گے، کابینہ کمیٹی برائے امن و امان خود تمام اضلاع میں جاکر انتظامات دیکھے گی۔ خواجہ سلمان رفیق نے کہا کہ محرم الحرام کے دوران پولیس کے ڈیڑھ لاکھ سے زائد اہلکار تعینات کیے جا رہے ہیں، محرم الحرام کے دوران تمام مکاتب فکر مکمل رواداری اور اخوت کا پیغام دیں، عرس حضرت بابا فریدالدین مسعود گنج شکرؒ کیلئے بھرپور سکیورٹی انتظامات مکمل ہیں، داتا گنج بخش علی ہجویریؒ کے مزار پر غسل تقریب اور زائرین کیلئے سکیورٹی انتظامات مکمل ہیں، پنجاب بھر میں 9 اور 10 محرم کو دفعہ 144 کے تحت ڈبل سواری پر پابندی ہوگی، محرم الحرام کے دوران اسلحے کی نمائش کی کسی صورت اجازت نہ ہوگی۔
خواجہ سلمان رفیق نے کہا امن کمیٹیوں کو متحرک کرکے مختلف مسالک کے علماء کرام سے ملاقاتوں کا سلسلہ جاری ہے، سوشل میڈیا پر امن و امان کی فضاء کو نقصان پہنچانے والے عناصر سے آہنی ہاتھوں سے نمٹا جائے گا۔ محرم الحرام کے دوران امن کی فضاء کو نقصان پہنچانے والے کسی رعایت کے مستحق نہیں ہیں۔ محرم الحرام کے دوران مساجد و امام بارگاہوں سے امن و بھائی چارے کا پیغام پھیلانا چاہئے، اتحاد بین المسلمین کمیٹیوں، امن کمیٹیوں اور علمائے کرام کا کردار نہایت اہم ہے، محرم الحرام کے حوالہ سے کمشنرز، ڈپٹی کمشنرز، آر پی اوز اور ڈی پی اوز فیلڈ میں متحرک رہیں۔
ایران کے "تمام آپشنز" بھی میز پر ہیں، فاطمہ مہاجرانی