بھارت میں سڑکوں پر عید کی نماز پڑھنے پر پابندی کا معاملہ، اپوزیشن کا احتجاج
اشاعت کی تاریخ: 27th, March 2025 GMT
سماجوادی پارٹی کے رکن پارلیمنٹ نے کہا کہ ہم نے ایسی تصاویر دیکھی ہیں جن میں نماز پڑھنے والے شخص کو پولیس اہلکار نے بوٹ سے ٹھوکر ماری، ہمارے ملک میں ہر مذہب کا احترام ہونا چاہیئے۔ اسلام ٹائمز۔ دہلی سے اترپردیش تک سڑک پر نماز پڑھنے کے معاملے پر سیاسی بیان بازی تیز ہوگئی ہے۔ اترپردیش کے سنبھل میں انتظامیہ کے ذریعے سڑک پر نماز پڑھنے پر پابندی عائد کرنے پر اپوزیشن نے حکومت کو آڑے ہاتھوں لیا ہے۔ راشٹریہ جنتا دل (آر جے ڈی) کے رکن پارلیمنٹ منوج جھا نے سنبھل انتظامیہ کے فیصلے کی مذمت کرتے ہوئے کہا کہ یہ کیسا نظام ہے۔ انہوں نے کہا کہ حکومت کو شرم آنی چاہیئے کہ وہ آئین کی خلاف ورزی کر رہی ہے۔ سماجوادی پارٹی کے رکن پارلیمنٹ آنند بھدوریا نے بھی اترپردیش کی یوگی حکومت کو تنقید کا نشانہ بنایا۔ انہوں نے کہا کہ اترپردیش میں مہنگائی، بے روزگاری، خواتین پر مظالم اور کسانوں کی پریشانی جیسے بڑے مسائل ہیں، ان سے توجہ ہٹانے کے لئے بی جے پی کی حکومت ہندو مسلم کے موضوعات کو ہوا دے رہی ہے۔
انہوں نے کہا کہ 2027ء کے انتخابات قریب آتے ہی ایسے بیانات میں مزید اضافہ ہوگا۔ انہوں نے یہ بھی کہا کہ ہم نے ایسی تصاویر دیکھی ہیں جن میں نماز پڑھنے والے شخص کو پولیس اہلکار نے بوٹ سے ٹھوکر ماری، ہمارے ملک میں ہر مذہب کا احترام ہونا چاہیئے۔ انہوں نے کہا کہ کوئی بھی سڑک پر نماز پڑھنا نہیں چاہتا لیکن اگر حکومت مناسب جگہ فراہم کرے تو نماز باجماعت آسانی سے ادا کی جا سکتی ہے۔ ادھر دہلی میں بھارتیہ جنتا پارٹی (بی جے پی) کے رکن اسمبلی کرنائل سنگھ نے دہلی پولیس کمشنر کو خط لکھ کر سڑک پر نماز پڑھنے پر اعتراض کیا ہے۔ خیال رہے کہ سنبھل انتظامیہ نے سڑک یا چھت پر نماز پڑھنے پر پابندی عائد کر دی ہے۔ اس کے علاوہ دہلی کی شکور بستی سے بھارتیہ جنتا پارٹی (بی جے پی) کے رکن اسمبلی کرنیل سنگھ نے بدھ کے روز دہلی پولیس کمشنر سنجے اروڑا کو خط لکھ کر سڑک پر نماز پڑھنے پر اعتراض ظاہر کیا ہے۔
ذریعہ
ذریعہ: Islam Times
کلیدی لفظ: پر نماز پڑھنے پر انہوں نے کہا کہ کے رکن
پڑھیں:
دہلی کے ریسٹورنٹ میں ہولناک آتشزدگی، 21 افراد ہلاک
بھارت کے دارالحکومت نئی دہلی کے جنوبی علاقے مالویہ نگر میں واقع ایک ریسٹورنٹ میں بدھ کی صبح لگنے والی ہولناک آگ کے نتیجے میں کم از کم 21 افراد ہلاک جبکہ متعدد زخمی ہوگئے۔
دہلی فائر سروس کے مطابق صبح تقریباً 9 بج کر 45 منٹ پر لیموں گرین ریسٹورنٹ میں آگ لگنے کی اطلاع موصول ہوئی، جس کے بعد متعدد فائر بریگیڈ گاڑیاں موقع پر روانہ کی گئیں۔ عمارت کی نچلی منزل پر ریسٹورنٹ جبکہ بالائی منزلوں پر ہوٹل قائم تھا۔
یہ بھی پڑھیں:
ریسکیو حکام کے مطابق کئی افراد نے بالائی منزلوں کی کھڑکیوں سے چھلانگ لگا کر اپنی جان بچائی، مقامی لوگوں نے سڑک پر گدے بچھا دیے تھے جن کی مدد سے بعض افراد عمارت سے باہر نکلنے میں کامیاب ہوئے۔
پولیس کا کہنا ہے کہ مجموعی طور پر تقریباً 40 افراد کو عمارت سے بحفاظت نکال لیا گیا، جنہیں جنوبی دہلی کے مختلف اسپتالوں میں منتقل کیا گیا ہے۔
TRAGIC NEWS – At least 20 people killed and several others injured after a massive fire erupted at a restaurant in Malviya Nagar in Delhi ???? pic.twitter.com/aquxfzdZHA
— News Algebra (@NewsAlgebraIND) June 3, 2026
کئی زخمی شدید جھلسنے کے باعث زیر علاج ہیں، جس کے باعث ہلاکتوں میں اضافے کا خدشہ بھی ظاہر کیا جا رہا ہے۔
حکام کے مطابق آگ لگنے کی حتمی وجہ تاحال معلوم نہیں ہوسکی، تاہم ابتدائی تحقیقات سے ظاہر ہوتا ہے کہ آگ ریسٹورنٹ سے شروع ہوئی تھی۔
مقامی میڈیا رپورٹس کے مطابق بعض متاثرین غیر ملکی شہری تھے جو طبی علاج کی غرض سے دہلی آئے ہوئے تھے۔
مالویہ نگر شہر کے کئی بڑے نجی اسپتالوں کے قریب واقع ہے، جہاں بین الاقوامی مریضوں کے لیے خصوصی سہولیات موجود ہیں۔
علاقے کے سابق رکن اسمبلی سومنات بھارتی نے سوشل میڈیا پلیٹ فارم ایکس پر دعویٰ کیا کہ ہلاک ہونے والوں میں بڑی تعداد جنوبی افریقہ کے شہریوں کی ہے.
سب ڈویژنل مجسٹریٹ جتیندر کمار نے بتایا کہ آگ لگنے کی اصل وجہ کی تحقیقات جاری ہیں، تاہم غالب امکان یہی ہے کہ آگ کا آغاز ریسٹورنٹ سے ہوا۔
مزید پڑھیں:
بھارتی وزیر اعظم نریندر مودی نے واقعے پر افسوس کا اظہار کرتے ہوئے متاثرہ خاندانوں سے تعزیت کی ہے، حکومت نے ہلاک ہونے والوں کے لواحقین کے لیے دو لاکھ بھارتی روپے فی خاندان مالی امداد کا اعلان بھی کیا ہے۔
واضح رہے کہ ایک روز قبل شمالی دہلی کے مکند پور علاقے میں مبینہ ایل پی جی سلنڈر دھماکے کے نتیجے میں ایک عمارت گرنے سے 11 افراد زخمی ہوگئے تھ۔
جبکہ گزشتہ ہفتے ساکیت کے علاقے میں عمارت گرنے کے حادثے میں 6 افراد جان کی بازی ہار گئے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آتشزدگی دہلی ریسٹورنٹ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ