کراچی: مختلف ٹریفک حادثات میں تین افراد جاں بحق
اشاعت کی تاریخ: 30th, March 2025 GMT
شہر کے مختلف علاقوں میں ٹریفک حادثات کے نتیجے میں خاتون سمیت تین افراد جاں بحق ہوگئے۔
تفصیلات کے مطابق گزری کے علاقے دہلی کالونی میں تیز رفتار کار نےراہ چلتی تین راہگیر خواتین کو ٹکر ماردی جس کے نتیجے میں60 سالہ ثمینہ زوجہ جوہر لال موقع پر جاں بحق ہوگئی جبکہ دو دیگر خواتین شدید زخمی ہوگئیں۔
حادثہ کی اطلاع پر پولیس اور ریسکیو اہلکاروں نے موقع پرپہنچ کر متوفیہ خاتون کی لاش اور زخمی خواتین کو اسپتال منتقل کیا۔حادثہ میں زخمی خواتین کی فوری طور پر شناخت نہیں ہوسکی۔
جیکسن کے علاقے مائی کلاچی پھاٹک کے قریب تیز رفتارگاڑی کی ٹکر سے موٹر سائیکل سوار20 سالہ بلال ولد کامران جاں بحق ہوگیا۔حادثہ کے بعد متوفی کی لاش کو ریسکیو اہلکاروں نے جناح ہسپتال منتقل کیا ،جہاں پولیس نے ضابطے کی کارروائی کے بعد لاش کو ورثاء کے حوالے کردی ،حادثہ کے بعد کار ڈرائیور گاڑی لیکر موقع سے فرار ہوگیا ۔
لیاقت آباد پل پر تیز رفتار کار کھڑے ہوئے ٹرک سے ٹکرا گئی ، جس کے نتیجے میں کار سوار شخص موقع پر ہی دم توڑ گیا۔
حادثہ میں جاں بحق کا ر ڈرئیور کی شناخت شریف ولد بشیر خان کے نام سے ہوئی ہے۔حادثہ کی اطلاع پر پولیس اور ریسکیو اہلکاروں نے موقع پرپہنچ کر متوفی کار سوار شخص کی لاش کو اسپتال منتقل کیا،پولیس کاکہنا ہےکہ ٹکر خراب ہونے کے بعد پل پر کھڑا تھا،تیز رفتار کار بے قابو ہوکر ٹکر سے ٹکرا گئی۔
.ذریعہ: Express News
کلیدی لفظ: کے بعد
پڑھیں:
کراچی میں مجبور خواتین سے پیسوں کے لالچ پر فحاشی کروانے والا گروہ پکڑا گیا، سرغنہ خاتون بھی گرفتار
کراچی: شہر قائد کے علاقے شاہ لطیف پولیس نے کارروائی کرکےخواتین کو دھوکا اور لالچ کے ذریعے فحاشی پر مجبور کرنے والا گروہ کو گرفتار کرلیا
۔ترجمان ملیر پولیس کے مطابق شاہ لطیف پولیس نے خفیہ کارروائی کرکے فحاشی میں ملوث گروہ کے 5 ملزمان کو گرفتار کرلیا گیا، جبکے 1 خاتون کو حفاظتی تحویل میں لے لیا۔
ترجمان ملیر پولیس نے بتایا کہ گرفتار ملزمہ عروج اس گروہ کی سرغنہ ہے جو مختلف علاقوں میں فحاشی کے دھندے میں ملوث رہی ہے، ملوث گروہ اکثر غریب اور مجبور خواتین کو اپنے جال میں پھنسا کر فحاشی پر مجبور کرتا تھا۔
پولیس کے مطابق آٹھ سال قبل نواب شاہ کی رہائشی ایک ذہنی طور پر کمزور خاتون لاپتہ ہوگئی تھی، جسے بعد کام میں ملوث گروہ نے اُسے فحاشی کیلیے استعمال کیا تھا۔
گرفتار ملزمہ عروج نے دورانِ تفتیش مزید بتایا کہ خواتین کو مالی مدد اور روزگار کا جھانسہ دے کر فحاشی کے کام میں ملوث کیا جاتا تھا۔
پولیس کے مطابق گرفتار ملزمان کی شناخت عروج، عبدالستار، عرفان، کنیز اور مسکان کے نام سے ہوئی ہے۔گرفتار ملزمان کے خلاف ضابطے کے تحت قانونی کارروائی جاری ہے اور مزید تفتیش کی جارہی ہے۔
ملتان، حضرت شاہ رکن الدین عالم کا 712 واں سالانہ تین روزہ عرس شروع، بڑی تعداد میں مرید شریک