فضا علی کی متنازع ویڈیو سوشل میڈیا پروائرل ہو گئی
اشاعت کی تاریخ: 5th, April 2025 GMT
اسلام آباد (نیوز ڈیسک)اداکارہ و ٹی وی میزبان فضا علی کی جانب سے خواتین کو ان کی ’گندی‘ زبان کی وجہ سے تنقید کا نشانہ بنانے کی ویڈیو وائرل ہوگئی۔
پاکستانی اداکارہ اور ٹی وی میزبان فضا علی کی ایک ویڈیو سوشل میڈیا پر وائرل ہو رہی ہے، جس میں وہ خواتین کو ان کی “گندی زبان” کی وجہ سے شدید تنقید کا نشانہ بنا رہی ہیں۔
یہ ویڈیو رمضان شو کی ہے، جہاں فضا علی نے “شوہروں کے حقوق” پر گفتگو کے دوران خواتین کے رویے پر سخت تبصرہ کیا۔ انہوں نے کہا کہ عورتیں اپنی زبان کی وجہ سے سب سے زیادہ دوزخ میں جائیں گی۔
“مرد عورت کی خراب زبان سے تنگ آچکا ہے”
پروگرام کے دوران فضا علی نے کہا کہ مرد عورت کی زبان کی وجہ سے اس سے دور بھاگتا ہے اور نفرت کرنے لگتا ہے۔ ان کے مطابق، ایک عورت کی تلخ اور نازیبا زبان اس کے شوہر کے لیے سب سے بڑا مسئلہ بن جاتی ہے۔
انہوں نے مزید کہا کہ مرد سخت گرمی اور دھوپ میں محنت کرتے ہیں، رکشے چلاتے ہیں، سبزی فروخت کرتے ہیں، لیکن پھر بھی خواتین کے سخت اور طعنہ آمیز الفاظ سہنے پر مجبور ہوتے ہیں۔
“عورتیں گندے طعنے دیتی ہیں”
فضا علی نے دعویٰ کیا کہ خواتین اپنے شوہروں کو سخت طعنے دیتی ہیں، جیسے کہ:
“تیری ماں نے یہ کیا”
“تیری بہن نے یہ کہا”
“بچے تیرے خراب ہو رہے ہیں”
“تو بھی عیاشی کر لے، میں بھی جا کر عیاشی کر لوں گی”
انہوں نے خواتین کو خبردار کرتے ہوئے کہا کہ “خدارا! ایسا نہ کریں، دوزخ میں سب سے زیادہ عورتیں اپنی زبان کی وجہ سے جائیں گی”۔
A post shared by Real Fiza Ali (@fiza_aali)
سوشل میڈیا پر شدید ردِعمل
فضا علی کی یہ ویڈیو تیزی سے وائرل ہو گئی، اور صارفین نے انہیں شدید تنقید کا نشانہ بنایا۔
کچھ افراد نے ان کے بیان کو عورت مخالف قرار دیا۔
کچھ نے سوال اٹھایا کہ کیا مردوں کی غلطیوں کا کوئی ذکر نہیں کیا جائے گا؟
چند صارفین نے ان کی ذہنی صحت پر بھی سوالات اٹھائے۔
یہ پہلا موقع نہیں جب فضا علی نے متنازع بیانات دیے ہوں، لیکن اس بار ان کے الفاظ نے ایک نیا بحث کا طوفان کھڑا کر دیا ہے۔
750 روپے کے بانڈز رکھنے والوں کیلئے بڑی خبر آگئی
ذریعہ: Daily Ausaf
کلیدی لفظ: زبان کی وجہ سے فضا علی کی فضا علی نے کہا کہ
پڑھیں:
’اداکار کریں تو فن، ہم کریں تو جہنمی‘، زاہد احمد کے بیان پر کانٹینٹ کریئٹرز کا شدید ردِعمل
اداکار زاہد احمد کے سوشل میڈیا اور کانٹینٹ کریئیٹرز سے متعلق سخت ریمارکس نے نیا تنازع کھڑا کر دیا ہے، جس پر معروف ٹک ٹاکرز اور انفلوئنسرز نے شدید ردعمل دیا ہے۔
حال ہی میں اداکار زاہد احمد نے ایک پوڈکاسٹ میں سوشل میڈیا اور کانٹینٹ کریئیٹرز پر سخت تنقید کرتے ہوئے کہا کہ وہ سوشل میڈیا کو نفرت اور حقارت کی نظر سے دیکھتے ہیں۔
ان کے بقول یہ انسانوں کی سب سے خطرناک اور شیطانی ایجاد ہے اور جو لوگ اس پر مواد تخلیق کر رہے ہیں وہ جہنم میں جائیں گے، سوشل میڈیا انسانیت کی حقیقی فطرت کے بالکل برعکس ہے اور خاص طور پر مسلمانوں کے طرزِ زندگی کے منافی ہے۔
ان کے سوشل میڈیا اور مواد تخلیق کرنے والوں کے حوالے سے دیے گئے یہ بیانات سوشل میڈیا پر وائرل ہو رہے ہیں اور ان پر کنٹینٹ کریئیٹرز کی جانب سے شدید برہمی کا اظہار بھی کیا جا رہا ہے۔
ٹک ٹاکر علشبہ انجم نے زاہد احمد کے بیان پر ردِعمل دیتے ہوئے اداکار کی کچھ اداکاراؤں کے ساتھ تصاویر شیئر کیں اور لکھا کہ اسلام کی بات کسی اور کی بیوی کے کندھے پر ہاتھ رکھ کر کی جا رہی ہے، اسٹیج پر رقص اور انٹرویو میں دین۔
ان کا کہنا تھا کہ جو لوگ کانٹینٹ کریئیٹرز کو جہنمی کہہ رہے ہیں وہ خود اداکاراؤں کے ساتھ گلے مل رہے ہیں، اسٹیج پر رقص کر رہے ہیں اور اپنی نئی ناک کی سرجری کا فخر کر رہے ہیں۔
سوشل میڈیا انفلوئنسر عدنان ظفر المعروف ’کین ڈول‘ نے بھی زاہد احمد کے بیان پر ردعمل دیتے ہوئے کہا کہ اداکار اپنے گنج پن کو چھپانے کے لیے مصنوعی بال لگائیں تو وہ خوبصورتی میں اضافہ کہلاتا ہے، جب کہ جب انفلوئنسرز یا مواد تخلیق کرنے والے ایسا کریں تو وہ جعلی کہلاتے ہیں، اداکار اپنی ناک کی سرجری کروالیں تو وہ بہتری ہے مگر جب ہم کرواتے ہیں تو وہ پلاسٹک کہلاتی ہے، اداکار اگر اسٹیج پر کسی بھی قسم کا رقص کریں تو وہ کارکردگی اور فن کہلاتی ہے، لیکن اگر وہی ہم کریں تو ہمیں توہین آمیز القاب دیے جاتے ہیں۔
View this post on Instagram
A post shared by Pakistani.Celebrities ???????? (@pakistani.celebrities)
ان کے مطابق اداکار غیر محرم لڑکیوں کے ساتھ ڈرامے کریں، مختلف کردار ادا کریں اور حتیٰ کہ عورت کا روپ بھی اختیار کریں تو وہ فن ہے، جب کہ جب مواد تخلیق کرنے والے ایسا کریں تو انہیں دوزخی کہا جاتا ہے۔
کین ڈول نے استفسار کیا کہ آیا انڈسٹری کے اندر کوئی نیا مذہب دریافت ہو گیا ہے یا کچھ نیا آ گیا ہے۔
کاننٹینٹ کریئیٹر زرناب فاطمہ نے بھی اس بیان پر انسٹاگرام اسٹوری میں لکھا کہ وہ عام طور پر کسی کی ذاتی رائے پر بات کرنے کے حق میں نہیں لیکن سوال یہ ہے کہ جو کچھ اداکار کر رہے ہیں کیا وہ اسلام کے مطابق ہے؟ کیا وہ لوگوں کو دین کی صحیح تعلیم دے رہے ہیں؟
ان کے مطابق خود کو دوسروں سے بہتر سمجھنا ایک بیماری ہے اور یہی اوصاف انہیں لاحق ہیں، انسان کو خود پر اتنا قابو ہونا چاہیے کہ اسے معلوم ہو کہ وہ دوسروں کے بارے میں کیا کہہ رہا ہے۔
ٹک ٹاکر کنول آفتاب نے بھی انسٹاگرام اسٹوری پر زاہد احمد کے پوڈکاسٹ کا کلپ شیئر کرتے ہوئے ایسے لوگوں پر تنقید کی جو خود اپنے اعمال پر نظر نہیں ڈالتے اور دوسروں پر تنقید کرتے رہتے ہیں۔
اداکار اور کنٹینٹ کریئیٹر خاقان شاہنواز نے بھی زاہد احمد کے بيان پر ردعمل دیتے ہوئے انسٹاگرام پر ویڈیو شیئر کی، جس میں انہوں نے کہا کہ زاہد احمد نے کچھ حد تک ٹھیک کہا ہے کہ خدا انہیں پسند نہیں کرتا جو بہت زیادہ نمائش کرتے ہیں، یعنی وہ لوگ جو خود کو حد سے زیادہ ظاہر کرتے ہیں۔
View this post on Instagram
A post shared by Khaqan Shahnawaz (@khaqanshahnawaz)
تاہم ان کا مؤقف تھا کہ خدا کے فیصلے کے بغیر یہ طے کرنا کہ کون جہنم میں جائے گا اور کون جنت میں درست نہیں، کیونکہ اس کا فیصلہ صرف خدا ہی کرے گا۔
انہوں نے کہا کہ بہتر یہ ہوتا کہ زاہد احمد اپنی بات کی مکمل وضاحت کرتے، یعنی یہ بتاتے کہ خدا خودنمائی یا نمائش کو کیوں پسند نہیں کرتا اور اس کے کیا نقصانات ہیں، نہ کہ عمومی الزام لگا دیا جائے کہ سارے کنٹینٹ کریئیٹرز جہنمی ہیں۔
بابر اعظم ایک ٹی 20 میچ میں کتنے عالمی ریکارڈز توڑ سکتے ہیں؟