چیئر مین سی ڈی اے کی زیر صدارت اجلاس،سیکٹرز ڈیولپمنٹ پلان پر تفصیلی غور
اشاعت کی تاریخ: 7th, April 2025 GMT
چیئر مین سی ڈی اے کی زیر صدارت اجلاس،سیکٹرز ڈیولپمنٹ پلان پر تفصیلی غور WhatsAppFacebookTwitter 0 7 April, 2025 سب نیوز
اسلام آباد (سب نیوز )سی ڈی اے چیئرمین محمد علی رندھاوا کی زیرصدارت مختلف سیکٹرز کی ڈویلپمنٹ کے حوالے سے اہم اجلاس ،کیپٹل ڈویلپمنٹ اتھارٹی (سی ڈی اے) کے چیئرمین محمد علی رندھاوا کی زیرصدارت سیکٹرز ڈویلپمنٹ کے حوالے سے ہونے والے اجلاس میں سیکٹرز کے ترقیاتی کاموں کی پیش رفت، چیلنجز اور مستقبل کی حکمت عملی پر تفصیلی غور کیا گیا۔ اجلاس میں سی ڈی اے بورڈ کے اراکین، انجینئرنگ و اسٹیٹ ونگ کے سینئر افسران اور متعلقہ ونگز کے افسران نے شرکت کی۔ سی ڈی اے چیئرمین کو سیکٹر سی-14 کی ترقیاتی سرگرمیوں پر تفصیلی بریفننگ دی گئی۔
چیئرمین نے سیکٹر سی-14 میں جون تک تمام ترقیاتی کاموں بشمول روڈز، ڈرینج، سیورج، سٹریٹ لائٹس کی تکمیل اور رہائشیوں کو پلاٹس کی حوالگی کو یقینی بنانے کی ہدایت کی۔ سمندر پار پاکستانیوں کو تمام بنیادی سہولیات فراہم کرنے، یوٹیلیٹیز کی بروقت فراہمی کیلئے ڈیمانڈ نوٹس جاری کرنے اور ادائیگیوں کے عمل کو تیز کرنے پر زور دیا گیا۔ نئے سیکٹرز میں جدید سولر سٹریٹ لائٹس کی تنصیب، ہارٹیکلچر، لینڈ سکیپنگ اور شجرکاری کے ذریعے علاقوں کو خوبصورت بنانے کی ہدایت بھی جاری کی گئی۔ اجلاس میں بریفننگ دیتے ھوئے بتایا گیا کہ سیکٹر ای-12 میں روڈ انفراسٹرکچر کا 50% سے زائد کام مکمل کر لیا گیا۔
چیئرمین نے قبضہ مافیا کے خلاف سختی سے کارروائی جاری رکھنے اور کسی بھی قسم کی رعایت نہ برتنے کی واضح ہدایت کی۔ ترقیاتی کاموں کی تکمیل کے بعد پلاٹس کی مرحلہ وار حوالگی کے فیصلے کی توثیق کی گئی۔ نئے سیکٹرز میں مسجد، سکول اور ہسپتال کیلئے ایمنٹی پلاٹس مختص کرنے کی منظوری دی گئی۔ تمام ترقیاتی کاموں کی ہفتہ وار ڈرون فوٹیج کو سی ڈی اے کی سرکاری ویب سائٹ اور سوشل میڈیا پر شیئر کرنے کا حکم دیا گیا۔ شہریوں کی سہولت کیلئے تمام پلاٹس اور سڑکوں پر معلوماتی سائن بورڈز لگائے جانے کی ہدایت کی گئی۔ چیئرمین سی ڈی اے نے تمام ترقیاتی کاموں میں تیزی لانے اور جون تک مکمل کرنے کی تاکید کی۔ انہوں نے کہا کہ ڈویلپمنٹ چارجز کی ادائیگی کے بعد مالکان کو پلاٹس کی فوری حوالگی یقینی بنائی جائے۔ بلٹ اپ پراپرٹیز (BUP) سے متعلقہ تمام مسائل کو ترجیحی بنیادوں پر حل کرنے کی ہدایت جاری کی گئی۔
چیئرمین نے واضح کیا کہ غیرقانونی قابضین کے خلاف کوئی رعایت نہیں برتی جائے گی اور انفراسٹرکچر کی تعمیر میں حائل رکاوٹوں کو فوری دور کیا جائے۔ انہوں نے زور دیا کہ وہ ذاتی طور پر نئے سیکٹرز کی ترقیاتی سرگرمیوں کی نگرانی کریں گے تاکہ شہریوں کو معیاری سہولیات فراہم کی جا سکیں۔ اختتام پر چیئرمین محمد علی رندھاوا نے کہا کہ شہریوں کی بہتر سہولیات ہماری اولین ترجیح ہیں۔ ہماری کوشش ہے کہ سیکٹرز کے ترقیاتی کاموں میں شفافیت اور معیار کو یقینی بناتے ہوئے عوام کو انکاحقدیاجائے۔
.ذریعہ: Daily Sub News
پڑھیں:
چیئر مین پی سی بی کی وسیع مشاورت:پاکستانی ٹیم کو آج میچ کھیلنے کی اجازت مل گئی
چیئر مین پی سی بی کی وسیع مشاورت:پاکستانی ٹیم کو آج میچ کھیلنے کی اجازت مل گئی WhatsAppFacebookTwitter 0 17 September, 2025 سب نیوز
دبئی(آئی پی ایس ) ایشیا کپ میں میچ ریفری کے تبدیلی کے معاملے پر ڈیڈ لاک برقرار ہے ، تاہم پاکستان اور یو اے ای کے درمیان آج کھیلے جانے والا میچ ایک گھنٹہ آگے بڑھا دیا گیا ہے۔پاکستان اور یو اے ای کے درمیان آج دبئی اسٹیڈیم میں میچ شیڈول ہے۔یہ میچ پاکستانی وقت کے مطابق شام ساڑھے 7 بجے کھیلا جانا تھا۔ترجمان پی سی بی عامر میر کا کہنا ہے کہ بات چیت چل رہی ہے، پاکستان اور یو اے ای کے میچ کا وقت ایک گھنٹہ آگے بڑھا دیا گیا ہے۔
ترجمان پی سی بی کے مطابق محسن نقوی کی نجم سیٹھی اور رمیز راجہ سے مشاورت جاری ہے، کوشش ہے کہ اچھی خبر سامنے آئے تو چیئر مین پی سی بی سب کو آگاہ کریں گے۔اس سے قبل ذرائع کا کہنا تھا کہ پاکستان کرکٹ ٹیم کی ہوٹل سے اسٹیڈیم روانگی روکی گئی۔ ذرائع کے مطابق پاکستان کرکٹ ٹیم کو ہوٹل میں رکنے کا کہا گیا، کرکٹ ٹیم کے کھلاڑیوں کو اپنے کمروں میں جانے کی ہدایت کی گئی۔ذرائع کا کہنا تھا کہ میچ ریفری اینڈی پائی کرافٹ کی معذرت کی صورت میں معاملہ ختم ہوسکتا تھا۔
ذرائع کا کہنا ہے کہ پاکستان کرکٹ بورڈ میں اعلی سطح پر مشاورت جاری ہے، چیئرمین پی سی بی محسن نقوی، سلمان نصیر، یگر عہدیدار میٹنگ میں موجود ہیں۔واضح رہے کہ پاکستان کرکٹ بورڈ کو اینڈی پائی کرافٹ کو ہٹانے کے معاملے پر آئی سی سی کا کوئی جواب موصول نہیں ہوا۔
ذرائع کا اس حوالے سے کہنا تھا کہ ریفری تبدیلی کی تصدیق نہ ہوئی توپاکستان ٹیم اسٹیڈیم روانہ نہیں ہوگی۔ذرائع کے مطابق چیئرمین پی سی بی محسن نقوی پی سی بی آفیشلز سے مسلسل رابطے میں ہیں اور پی سی بی کو آئی سی سی کی ریفری تبدیلی کی ای میل ملنے پر ہی ٹیم اسٹیڈیم جائیگی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرورلڈ ایتھلیٹکس چیمپئن شپ: جیولن تھرو میں ارشد ندیم نے فائنل رانڈ کے لیے کوالیفائی کر لیا ورلڈ ایتھلیٹکس چیمپئن شپ: جیولن تھرو میں ارشد ندیم نے فائنل رانڈ کے لیے کوالیفائی کر لیا اینڈی پائیکرافٹ تنازع، پاکستان اور یو اے ای کے درمیان میچ نہ ہونے کا امکان،ٹیم ایشیاء کپ سے دستبردار ہو سکتی ہے:ذرائع مریم نواز شریف نے وزیرآباد کے لئے الیکٹرک بس پراجیکٹ کا افتتاح کر دیا اگر کوئی سمجھتا ہے کہ میں ٹوٹ جا ئوں گا تو یہ غلط فہمی ہے ، عمران خان رجسٹرار سپریم کورٹ سلیم خان کی رخصت کا نوٹی فیکیشن جاری کر دیا گیا ایشیاکپ: پاکستان کرکٹ ٹیم کی ہوٹل سے اسٹیڈیم روانگی روک دی گئی،اعلی سطح مشاورت جاریCopyright © 2025, All Rights Reserved
رابطہ کریں ہماری ٹیم
دنیا بھر میں اسکولوں پر حملوں میں 44 فیصد اضافہ تشویشناک ہے، وزیراعلیٰ سندھ