چیئرمین سی ڈی اے کی زیر صدارت اجلاس، غیر قانونی کار پارکنگ کے خلاف زیرو ٹالرینس اپنانے کا فیصلہ
اشاعت کی تاریخ: 15th, September 2025 GMT
چیئرمین سی ڈی اے کی زیر صدارت اجلاس، غیر قانونی کار پارکنگ کے خلاف زیرو ٹالرینس اپنانے کا فیصلہ WhatsAppFacebookTwitter 0 15 September, 2025 سب نیوز
اسلام آباد(سب نیوز)چیئرمین کیپیٹل ڈویلپمنٹ اتھارٹی (سی ڈی اے)و چیف کمشنر اسلام آباد محمد علی رندھاوا نے پیر کے روز سی ڈی اے ہیڈکوارٹرز میں ایک اہم اجلاس کی صدارت کی۔ اجلاس میں آئی جی پولیس سید علی ناصر رضوی، سی ڈی اے کے بورڈ ممبران، اسلام آباد ٹریفک پولیس، آئی سی ٹی انتظامیہ اور سی ڈی اے کے سنئیر افسران نے شرکت کی۔ اجلاس میں غیر قانونی کار پارکنگ کے خلاف زیرو ٹالرینس اپنانے کا فیصلہ کیا گیا۔ اجلاس میں دارالحکومت اسلام آباد میں ٹریفک کے مسائل کو حل کرنے اور غیر قانونی کار پارکنگ کے مسائل کے حوالے سے متعدد فیصلے کئے گئے۔ چیئرمین سی ڈی اے نے کہا کہ اسلام آباد کی مرکزی شاہراہوں پر گاڑیاں پارک کرنے کی اجازت نہیں ہوگی اور غیر قانونی طور پر گاڑی پارک کرنے پر سخت قانونی کارروائی عمل میں لائی جائے گی۔ اجلاس میں پاک سیکریٹریٹ ٹریفک یونٹ (ایس ٹی یو)تشکیل دینے کا فیصلہ کیا گیا۔
چیئرمین سی ڈی اے و چیف کمشنر اسلام آباد نے سنئیر افسران پر مشتمل سیکریٹریٹ یونٹ فوری طور پر متحرک کرنے کی ہدایت کی۔ اجلاس کو بریفننگ دیتے ہوئے بتایا گیا کہ اس خصوصی یونٹ میں ڈی ایس پی ٹریفک، ضلعی انتظامیہ اور سی ڈی اے افسران شامل ہیں۔اجلاس کو بتایا گیا کہ پاک سیکریٹریٹ میں نئی تعمیر شدہ پارکنگ کو سرکاری دفاتر کے ملازمین اور عوام الناس کیلئے کھول دیا گیا ہے جبکہ پاک سیکریٹریٹ میں پارکنگ مستقل حل کیلئے جامع مسجد اور کوہسار بلاک سے متصل دو نئے پارکنگ ایریاز پر کام کا آغاز کیا جارہا ہے۔اجلاس میں پاک سیکریٹریٹ کی مرکزی شاہراہ سے مستقل بنیادوں پر گاڑیوں کو ہٹانے کا فیصلہ کیا گیا۔ اجلاس کو بتایا گیا کہ ان نئی پارکنگز میں پاک سیکریٹریٹ کے ملازمین کی آسانی کیلئے ویلٹ سروسز متعارف کرائی جارہی ہیں۔ آئی جی اسلام آباد سید علی ناصر رضوی نے کہا کہ اسلام آباد میں غلط سمت (رانگ وے)گاڑی چلانے پر کوئی رعایت نہیں برتی جائے گی۔ انہوں نے کہا کہ غیر قانونی پارکنگ اور غلط سمت (رانگ وے)پر گاڑی چلانے والوں کے خلاف ابتک 165 ایف آئی آرز کا اندارج کیا جاچکا ہے۔ آئی جی اسلام آباد پولیس نے کہا کہ یکم اکتوبر سے بغیر لائسنس گاڑی/ موٹر سائیکل چلانے والوں کے خلاف بھی سخت قانونی کارروائی کی جائیں گی۔
چیئرمین سی ڈی اے نے غیر قانونی پارکنگ اور ٹریفک قوانین پر عملدرآمد کیلئے آگاہی مہم چلانے کی ہدایت کی۔ اجلاس کو بتایا گیا کہ سیکٹر F-6, F-7 اور E-7 میں قائم اسکولوں کیلئے مخصوص پارکنگ کی سہولیات بھی فراہم کی جائیں گی۔چیئرمین سی ڈی اے نے پلاننگ ونگ کو اضافی پارکنگ مقامات کی نشاندہی کیلئے فوری منصوبہ بندی کی ہدایت کی۔ بریفننگ دیتے ہوئے بتایا گیا کہ ٹریفک کے بہتر نظام کیلئے جدید ترین سائن ایج سسٹم نصب کیا جارہا ہے۔ اجلاس میں ہوٹلوں اور ریستورانوں کے باہر گندگی پھیلانے والے عناصر پر جرمانے عائد کرنے کے احکامات جاری کئے گئے۔ اجلاس کو بتایا گیا کہ یہ فیصلہ اسلام آباد شہر میں صفائی ستھرائی کے اعلی انتظامات کو برقرار رکھنے کے لئے کیا گیا ہے۔اجلاس میں فیصلہ کیا گیا کہ ہوٹلوں اور ریستورانوں کے باہر کوڑا کرکٹ پھیلانے والے عناصر کی سیف سٹی کیمروں کے ذریعے نگرانی کی جائے گی۔ چیئرمین سی ڈی اے نے ہدایت کی کہ اس ضمن میں روزانہ کی بنیاد پر غلط پارکنگ اور گندگی پھیلانے والے عناصر کی رپورٹس بھی مرتب کی جائیں۔ انہوں نے تاجر یونینز کو ان اقدامات کے حوالے سے اعتماد میں لینے کی ہدایت کی۔چیئرمین سی ڈی اے نے کہا کہ غیر قانونی پارکنگ اور گندگی پھیلانے کے معاملات پر زیرہ ٹالرنس پالیسی اپنائی جائے۔ انہوں نے کہا کہ ان اقدامات کا مقصد ٹریفک قوانین پر عملدرآمد کرتے ہوئے اسلام آباد شہر کے ٹریفک کے مسائل حل کرنے کے ساتھ ساتھ صاف ستھرا ماڈل شہر بنانا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرمیچ ریفری کیخلاف آئی سی سی کو دیر سے خط، پی سی بی کے ڈائریکٹر انٹرنیشنل کرکٹ معطل میچ ریفری کیخلاف آئی سی سی کو دیر سے خط، پی سی بی کے ڈائریکٹر انٹرنیشنل کرکٹ معطل لکی مروت اور شمالی وزیرستان میں دو نئے پولیو کیسز کی تصدیق،رواں سال کیسز کی تعداد 26ہوگئی غیر قانونی طور پر سمندر کے راستے ایران جانے کی کوشش ناکام، 22ملزمان گرفتار ہمارے کچھ لوگ اسٹیبلشمنٹ کے ایجنڈے پر بے وقوف بن جاتے ہیں، وزیراعلی علی امین گنڈاپور پہلا کویلیم ٹی 20کرکٹ ٹورنامنٹ شاندار انداز میں اختتام پذیر، فرسان کمپنی کے چیف ایگزیکٹو چوہدری افضل مبشر چیمہ مہمان خصوصی نیتن یاہو سے ملاقات، امریکا کا ایک بار پھر اسرائیل کی غیر متزلزل حمایت کا اعلانCopyright © 2025, All Rights Reserved
رابطہ کریں ہماری ٹیم.
ذریعہ
ذریعہ: Daily Sub News
کلیدی لفظ: غیر قانونی کار پارکنگ کے چیئرمین سی ڈی اے نے پاک سیکریٹریٹ فیصلہ کیا گیا کی ہدایت کی پارکنگ اور اسلام آباد اجلاس میں نے کہا کہ کا فیصلہ کے خلاف پر گاڑی
پڑھیں:
مسجد اقصیٰ میں اسرائیلی آبادکاروں کی دراندازی: پاکستان سمیت 8 ممالک کا شدید ردعمل، پورا حرم صرف مسلمانوں کی عبادت گاہ قرار
پاکستان، سعودی عرب، مصر، ترکیہ، انڈونیشیا، اردن، قطر اور متحدہ عرب امارات (یو اے ای) کے وزرائے خارجہ نے مسجد اقصیٰ میں انتہا پسند اسرائیلی آبادکاروں کی مسلسل دراندازی، اسرائیلی فورسز کی سرپرستی میں ہونے والی کارروائیوں اور مسجد کے احاطے میں اسرائیلی پرچم لہرانے کی شدید مذمت کی ہے۔
یہ بھی پڑھیں: فلسطینی قیدیوں کو سزائے موت سے متعلق اسرائیلی قانون سازی، پاکستان سمیت 8 اسلامی ممالک کا مذمتی بیان جاری
8 عرب و اسلامی ممالک کے وزرائے خارجہ نے مشترکہ بیان میں کہا کہ انتہا پسند اسرائیلی آبادکاروں کی یہ اشتعال انگیز اور ناقابل قبول کارروائیاں بین الاقوامی قانون، اقوام متحدہ کی متعلقہ قراردادوں اور مقبوضہ مشرقی یروشلم میں مقدس مقامات کی تاریخی و قانونی حیثیت کی کھلی خلاف ورزی ہیں۔
بیان میں اسرائیل کی جانب سے مقبوضہ مشرقی یروشلم کی تاریخی، قانونی اور آبادیاتی حیثیت تبدیل کرنے اور اسلامی و مسیحی مقدس مقامات کے تشخص کو نقصان پہنچانے کے لیے جاری منظم اقدامات اور خلاف ورزیوں کی بھی سخت مذمت کی گئی۔
وزرائے خارجہ نے یروشلم اور اس کے اسلامی و مسیحی مقدس مقامات کی تاریخی و قانونی حیثیت تبدیل کرنے کی ہر کوشش کو مسترد کرتے ہوئے اس کے تحفظ پر زور دیا جبکہ اس حوالے سے ہاشمی سرپرستی کے خصوصی کردار کو بھی تسلیم کیا۔
مشترکہ بیان میں کہا گیا کہ مسجد اقصیٰ/الحرم الشریف کا پورا 144 دونم (تقریباً 35.6 ایکڑ) پر مشتمل رقبہ صرف مسلمانوں کی عبادت گاہ ہے اور اردن کی وزارت اوقاف و اسلامی امور سے وابستہ یروشلم اوقاف و مسجد اقصیٰ امور ڈائریکٹوریٹ ہی اس مقدس مقام کے انتظام و انصرام اور داخلے کے امور کا واحد مجاز ادارہ ہے۔
مزید پڑھیے: پاکستان سمیت 8 اسلامی ممالک کا مشترکہ بیان، غزہ میں امن کے لیے ٹرمپ کی کوششوں کا خیرمقدم
وزرائے خارجہ نے اسرائیلی حکام کو ان اشتعال انگیز اقدامات کے فوری خاتمے کا ذمہ دار قرار دیتے ہوئے خبردار کیا کہ بار بار کی جانے والی ایسی خلاف ورزیاں خطے میں کشیدگی، عدم استحکام اور انتہا پسندی کو فروغ دیتی ہیں امن کی بین الاقوامی کوششوں کو نقصان پہنچاتی ہیں اور بین الاقوامی قانون کے تحت اسرائیل کی ذمہ داریوں کی صریح خلاف ورزی ہیں۔
انہوں نے مطالبہ کیا کہ اسرائیل فوری طور پر ایسی تمام غیر قانونی اور اشتعال انگیز کارروائیاں بند کرے اور مسجد اقصیٰ کی تاریخی و قانونی حیثیت کا مکمل احترام یقینی بنائے۔
????PR No.1️⃣4️⃣0️⃣/2️⃣0️⃣2️⃣6️⃣
Joint Statement by Foreign Ministers of the Group of Eight Arab-Islamic States
????⬇️ pic.twitter.com/qZTmgSZM0n
— Ministry of Foreign Affairs – Pakistan (@ForeignOfficePk) June 2, 2026
آٹھوں ممالک نے فلسطینی عوام کے ساتھ اپنی غیر متزلزل یکجہتی کا اعادہ کرتے ہوئے ان کے جائز اور ناقابل تنسیخ قومی حقوق، بالخصوص حقِ خودارادیت اور 1967 کی سرحدوں پر مشتمل ایک آزاد اور خودمختار فلسطینی ریاست کے قیام کی حمایت کا اعادہ کیا، جس کا دارالحکومت مشرقی یروشلم ہو۔
مزید پڑھیں: غزہ جنگ بندی کی خلاف ورزیاں، پاکستان سمیت 8 اسلامی ممالک اسرائیلی جارحیت پر بول پڑے
بیان میں اسرائیلی قبضے کے خاتمے اور 2 ریاستی حل کی بنیاد پر منصفانہ، دیرپا اور جامع امن کے قیام کے لیے جاری تمام سفارتی کوششوں کی بھی مکمل حمایت کا اظہار کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
8 اسلامی ممالک اسرائیل کی جارحیت مسجد اقصیٰ میں اسرائیلی آبادکاروں کی دراندازی
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ