چادر و چاردیواری کی پامالی قابل مذمت ہے، تحریک انصاف بلوچستان
اشاعت کی تاریخ: 7th, April 2025 GMT
اپنے بیان میں تحریک انصاف بلوچستان کے رہنماؤں نے کہا کہ پاکستان تحریک انصاف بلوچستان چادر و چار دیواری کے تقدس کی پامالی کسی بھی صورت برداشت نہیں کریگی۔ رہنماؤں کے گھر پر چھاپے قابل مذمت ہیں۔ اسلام ٹائمز۔ پاکستان تحریک انصاف بلوچستان نے ضلعی رہنماء کے گھر پر پولیس چھاپے کی مذمت کرتے ہوئے کہا ہے کہ پاکستان تحریک انصاف بلوچستان کے صوبائی صدر داود شاہ کاکڑ، سیکریٹری جنرل جہانگیر رند، ڈویژن صدر نور خان خلجی، ڈسٹرکٹ کوئٹہ صدر سردار زین العابدین خلجی اور دیگر عہداداران نے اپنے جاری کردہ بیان میں کہا کہ ڈسٹرکٹ کوئٹہ کے جنرل سیکریٹری ملک فیصل دہوار کے گھر پر پولیس چھاپے کی مذمت کرتے ہیں۔ پاکستان تحریک انصاف بلوچستان چادر و چار دیواری کے تقدس کی پامالی کسی بھی صورت برداشت نہیں کرے گی۔ ملک فیصل دہوار تحریک انصاف کا اثاثہ ہیں۔ پوری پارٹی انکے ساتھ کھڑی ہے۔ وہ عمران خان کے سچے اور بہادر سپاہی ہیں، جسکی پاداش میں انکے ساتھ ایسا کیا جارہا ہے۔
بیان میں کہا گیا کہ فارم 47 کی مفاد پرستانہ اور غلط پالیسیوں کی وجہ سے بلوچستان آج حالت جنگ میں ہے۔ جس سے تمام طبقہ و مکاتب فکر کے لوگ جھلس رہے ہیں۔ اس پیچیدہ و گھمبیر صورتحال کو بہتر بنانے کی بجائے نام نہاد موجودہ حکومت اپنی نااہلی اور ذاتی مفادات کیلئے حالات مزید خراب کر رہی ہے۔ انہوں نے اپنے بیان میں کہا کہ پاکستان تحریک انصاف کا ہر ممبر بانی عمران خان کا سچا سپاہی ہے، جسکی زندہ مثال ڈسٹرکٹ کوئٹہ کے جنرل سیکرٹری ملک فیصل دہوار کی ہیں۔ جنہوں نے موجودہ گھمبیر صورتحال کے پیش نظر مظلوم اور متاثرہ عوام کے لئے حق کا عالم بلند کیا۔ جسکی پاداش میں انکے گھر پر غیر قانونی چھاپے اور چادر و چار دیواری کے تقدس کو پامال کیا جارہا ہے۔ پاکستان تحریک انصاف اسکی شدید الفاظ میں مذمت اور ایسے اوچھے ہتھکنڈوں میں ملوث عناصر کے خلاف فوری کارروائی کا مطالبہ کرتی ہے۔
ذریعہ: Islam Times
کلیدی لفظ: کے گھر پر
پڑھیں:
پاکستان کے خلاف کسی کی بھی ہرزہ سرائی اور سازش برداشت اور قابل قبول نہیں، سینیٹر عبدالکریم
ملتام میں حلف بردراری کی تقریب سے خطاب کرتے ہوئے مرکزی جمعیت اہلحدیث کے سربراہ کا کہنا تھا کہ ملکی استحکام کیلئے ہم ملکی اداروں کے شانہ بشانہ ہیں امت کا اتحاد وقت کی ضرورت ہے ہم پرامن جہدوجہد کے قائل ہیں، ہم افواجِ پاکستان کے شانہ بشانہ تھے ہیں اور رہیں گے۔ اسلام ٹائمز۔ مرکزی جمعیت اہل حدیث پاکستان کے سربراہ سینیٹر ڈاکٹر حافظ عبد الکریم نے کہا ہے کہ ملک مزید کسی انتشار وخلفشار کا متحمل نہیں، ملکی استحکام کیلئے ہم ملکی اداروں کے شانہ بشانہ ہیں امت کا اتحاد وقت کی ضرورت ہے ہم پرامن جہدوجہد کے قائل ہیں۔ ان خیالات کا اظہار انہوں نے مرکزی جمعیت اہل حدیث جنوبی پنجاب کی تقریب حلف برداری سے خطاب کرتے ہوئے کیا۔ ان کا مزید کہنا تھا کہ مرکزی جمعیت اہل حدیث کا جنوبی پنجاب میں علیحدہ نظم خوش آئند امر ہے، اس سے جماعت کے نظم کو مزید تقویت ملے گی۔ پاکستان کے خلاف کسی کی بھی ہرزہ سرائی اور سازش برداشت اور قابل قبول نہیں، ہم افواجِ پاکستان کے شانہ بشانہ تھے ہیں اور رہیں گے۔ اس موقع پر مرکزی ناظم اعلی مولانا عبد الرشید حجازی کا کہنا تھا کہ ہم نے نفاذ اسلام کیلئے ہمیشہ پرامن جہدوجہد کی اور کوشاں رہیں گے، تحفظ ختم نبوت، تحفظ ناموس رسالت، تحفظ ناموس صحابہ اور شعائر اسلام کیلئے اپنی جہدوجہد جاری رکھیں گے۔ اس موقع شیخ محمد شریف چنگوانی، امیر جنوبی پنجاب پروفیسر ڈاکٹر عبدالرحمن شارق، ناظم جنوبی پنجاب حافظ غلام اللہ، مولانا ظفر اللہ، قاری سیف اللہ عابد، علامہ عبدالرحیم گجر، علامہ عنایت اللہ رحمانی و دیگر نے خطاب کیا۔ سینیٹر حافظ عبدالکریم نے نومنتخب عہدیداران سے حلف لیا۔
جنگ بندی معاہدے کی خلاف ورزی، اسرائیل کے غزہ پر حملے، 8 فلسطینی شہید