پی ایس ایل10؛ افتتاحی تقریب کب کہاں ہوگی، کون کون پرفارم کرے گا؟
اشاعت کی تاریخ: 9th, April 2025 GMT
پاکستان سپر لیگ (پی ایس ایل) کے 10ویں ایڈیشن کی افتتاحی تقریب کی میزبانی راولپنڈی کرکٹ اسٹیڈیم کے سپرد کردی گئی۔
بورڈ کی جانب سے جاری کردہ اعلامیے کے مطابق 11 اپریل (جمعہ) کو پی ایس ایل کے 10ویں ایڈیشن کی افتتاحی تقریب شام 7 بجے شروع ہوگی، جس میں معروف گلوکار اپنی فارمنس کا جادو جگائیں گے۔
افتتاحی میچ بھی اسی روز دفاعی چیمپئن اسلام آباد یونائیٹڈ اور لاہور قلندرز کے درمیان راولپنڈی کرکٹ اسٹیڈیم میں کھیلا جائے گا، جو رات 8:30 شروع ہوگا۔
مزید پڑھیں: پی ایس ایل10؛ میچز کہاں اور کیسے دیکھے جاسکیں گے؟
ٹورنامنٹ 4 مقامات پر کھیلا جائے گا جن میں کراچی کا نیشنل بینک اسٹیڈیم، لاہور کا قذافی اسٹیڈیم، ملتان کرکٹ اسٹیڈیم اور راولپنڈی کرکٹ اسٹیڈیم شامل ہے۔
مزید پڑھیں: سلمان بٹ کو کمنٹری پینل کا حصہ کیوں بنایا؟ فرنچائزز ناخوش
راولپنڈی کرکٹ اسٹیڈیم میں ہونے والی افتتاحی تقریب میں معروف صوفی میوزک آرٹسٹ عابدہ پروین کی پرفارمنس کے ساتھ ینگ اسٹارز کی پرفارمنس پیش کی جائے گی۔
مزید پڑھیں: پی ایس ایل بمقابلہ آئی پی ایل؛ حسن علی کا بیان بھارتی کو میڈیا آگ لگاگیا
اسکے علاوہ پی ایس ایل انتھم کیلئے علی ظفر، ابرار الحق، نتاشا بیگ اور طلحہ انجم بھی اپنی آواز کا جادو جگائیں گے، تقریب کے دوران شائقین کو شاندار آتش بازی کا مظاہرہ بھی کیا جائے گا۔
ذریعہ
ذریعہ: Express News
کلیدی لفظ: راولپنڈی کرکٹ اسٹیڈیم افتتاحی تقریب پی ایس ایل
پڑھیں:
وسیم خان باسکٹ بال کی عالمی تنظیم فیبا ایشیا کے ایگزیکٹو ڈائریکٹر مقرر
پاکستان کرکٹ بورڈ کے سابق چیف ایگزیکٹو وسیم خان کو باسکٹ بال کی عالمی تنظیم فیبا ایشیا کا ایگزیکٹو ڈائریکٹر مقرر کر دیا گیا ہے، وہ جنوری 2027 میں باضابطہ طور پر اپنی ذمہ داریاں سنبھالیں گے۔
فیبا ایشیا کے مطابق وسیم خان نے عہدے کی منتقلی کے عمل کے لیے تنظیم کے ساتھ کام شروع کر دیا ہے اور وہ موجودہ ایگزیکٹو ڈائریکٹر ہاگوپ کھاجیرین سے ذمہ داریاں سنبھالنے سے قبل مکمل رہنمائی اور انتظامی امور کا جائزہ لیں گے۔
یہ بھی پڑھیں: جنرل مینیجر آئی سی سی وسیم خان کا عہدے سے الگ ہونے کا فیصلہ
وسیم خان فیبا ایشیا کے ایگزیکٹو ڈائریکٹر کی حیثیت سے پورے ایشیا میں باسکٹ بال کے فروغ، انتظامی معاملات اور ترقیاتی منصوبوں کی نگرانی کریں گے، جس کے دائرہ کار میں براعظم کی 44 قومی باسکٹ بال فیڈریشنز شامل ہیں۔
برطانوی نژاد پاکستانی اسپورٹس منتظم وسیم خان کو کھیلوں کے انتظامی شعبے میں وسیع تجربہ حاصل ہے۔ وہ اس سے قبل انٹرنیشنل کرکٹ کونسل میں جنرل منیجر کرکٹ کے عہدے پر فائز رہے، جہاں سے انہوں نے رواں سال استعفیٰ دیا تھا۔
اس سے پہلے وسیم خان 2019ء سے ستمبر 2021ء تک پاکستان کرکٹ بورڈ کے چیف ایگزیکٹو رہے۔ اپنے دور میں انہوں نے پاکستان کرکٹ کے اہم مرحلے میں انتظامی امور سنبھالے، بڑی ٹیموں کے دورہ پاکستان کی واپسی میں کردار ادا کیا اور ملکی ڈومیسٹک کرکٹ نظام میں اصلاحات کی نگرانی کی۔
یہ بھی پڑھیں: باسکٹ بال ٹیم کی کامیابی کا جشن ہنگامہ آرائی میں بدل گیا، فیفا شٹل بس نذرِ آتش
وسیم خان اس سے قبل انگلینڈ کے لیسٹرشائر کاؤنٹی کرکٹ کلب کے چیف ایگزیکٹو اور برطانیہ میں نوجوانوں کی کرکٹ کے فروغ کے لیے کام کرنے والی تنظیم ‘چانس ٹو شائن’ سے بھی وابستہ رہے۔
ان کی تقرری کو بین الاقوامی کھیلوں کی انتظامیہ میں پاکستانی نژاد افراد کے لیے ایک اہم پیش رفت قرار دیا جا رہا ہے، کیونکہ وہ کرکٹ کے بعد باسکٹ بال کے عالمی نظام میں بھی اعلیٰ انتظامی عہدہ سنبھالنے والے چند پاکستانی نژاد کھیلوں کے منتظمین میں شامل ہوگئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ایگزیکٹو ڈائریکٹر باسکٹ بال پی سی بی فیبا وسیم خان
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم