مدھوبالا اور مینا کماری: پکی سہیلیاں ایک دوسرے کی بدترین دشمن کیوں بن گئیں؟
اشاعت کی تاریخ: 13th, April 2025 GMT
بالی ووڈ کے سنہری دور کی دو عظیم اداکاراؤں مدھوبالا اور مینا کماری کی دوستی کب دشمنی میں بدل گئی؟ یہ کہانی محبت، رقابت اور المیے سے بھری ہوئی ہے۔
1940 اور 50 کی دہائی میں جب بالی ووڈ اپنے عروج پر تھا، مدھوبالا اپنی دلکشی اور مسکراہٹ سے دلوں پر راج کرتی تھیں تو مینا کماری اپنی درد بھری اداکاری سے ’’ٹریجڈی کوئین‘‘ کہلائیں۔
یہ دونوں ہیروئنز نہ صرف فلمی دنیا کی چمکتا ستارہ تھیں بلکہ ایک وقت میں گہری دوست بھی ہوتی تھیں۔ فلم فیئر میگزین میں شائع ہونے والی ایک نایاب تصویر میں دونوں اداکاراؤں کو سفید ساڑھی میں ہنستے مسکراتے دیکھا جاسکتا ہے۔
لیکن یہ دوستی اس وقت دشمنی میں بدل گئی جب کمال امروہی کا معاملہ درمیان میں آگیا۔ فلم ’’محل‘‘ کی شوٹنگ کے دوران مدھوبالا اور کمال امروہی قریب آ گئے۔ مسئلہ یہ تھا کہ کمال امروہی پہلے ہی شادی شدہ تھے اور ان کی بیوی کوئی اور نہیں بلکہ مینا کماری تھیں!
مدھوبالا کے کمال امروہی سے شادی کے ارادے نے دونوں اداکاراؤں کے درمیان ناقابل عبور خلیج پیدا کردی اور ایک وقت میں سہیلی کا رشتہ رکھنے والی دونوں اداکارائیں ایک دوسرے کی دشمن بن گئیں۔
دلچسپ بات یہ ہے کہ دونوں اداکاراؤں کی زندگیاں کئی لحاظ سے ایک جیسی تھیں۔ دونوں نے شہرت کی بلندیوں کو چھوا، دونوں کی زندگیاں بیماریوں سے جوجھتی رہیں، اور دونوں ہی کم عمری میں اس دنیا سے رخصت ہوگئیں۔ مدھوبالا صرف 36 سال کی عمر میں جبکہ مینا کماری 39 سال کی عمر میں انتقال کرگئیں۔
یہ کہانی محبت اور رقابت کے جذبات سے بھرپور ہے جو فلمی دنیا کی چکاچوند کے پیچھے چھپے ہوئے ہیں۔ آج بھی جب ہم بالی ووڈ کی سنہری تاریخ پر نظر ڈالتے ہیں تو مدھوبالا کی مسکراہٹ اور مینا کماری کے آنسو ہمیں اس دور کی یاد دلاتے ہیں جب فنکاروں کی ذاتی زندگیاں بھی اتنی ہی ڈرامائی ہوا کرتی تھیں جتنی کہ وہ پردۂ سیمیں پر پیش کرتے تھے۔
TagsShowbiz News Urdu.
ذریعہ: Al Qamar Online
کلیدی لفظ: کمال امروہی
پڑھیں:
کورنگی میں دوسرے روز بھی ڈاکوؤں نے جیولرز کی دکان سے لاکھوں روپے مالیت کے زیورات لوٹ لیے
شہر قائد کے ضلع ڈسٹرکٹ کورنگی ڈاکوؤں کے لیے جنت بن گیا، جہاں دوسرے روز بھی ڈکیتوں نے سنار کی دکان میں واردات کی اور لاکھوں روپے مالیت کے زیورات لے کر فرار ہوگئے۔
منگل کو کورنگی میں جیولرز کی دکانوں میں بھاری مالیت کے طلائی زیورات لوٹنے اور مزاحمت پر دکاندار کے قتل کے بعد ڈاکوؤں نے پولیس کی ناقص کارکردگی کا بھرپور فائدہ اٹھاتے ہوئے کورنگی بھٹائی کالونی گراؤنڈ کے قریب بدھ کو دن دہاڑھے جیولرز کی دکان سے لاکھوں روپے مالیت کا سونا لوٹ کر فرار ہوگئے۔
کورنگی میں ایک روز ڈاکوؤں کی فائرنگ سے جیولر مارکیٹ کے دکاندار کی نمازہ جنازہ ادا کی جا رہی تھی تو اسی دوران ڈاکو کورنگی بھٹائی گراؤنڈ کے قریب بسم اللہ جیولرز کی دکان میں لوٹ مار کر رہے تھے۔
واردات کی سی سی ٹی وی فوٹیج میں ڈاکوؤں کا اطمینان بتا رہا تھا کہ انھیں پولیس کا کوئی ڈر و خوف تک نہیں تھا اور وہ انتہائی دیدا دلیری کے ساتھ دکاندار کو اسلحے کے زور پر یرغمال بنا کر اس کی آنکھوں کے سامنے بھاری مالیت کا سونا اپنے ہمراہ لائے ہوئے بیگ میں بھر کر فرار ہوگئے۔
اس حوالے بسم اللہ جیولرز کے مالک زاکر نے ایکسپریس کو بتایا کہ بدھ کی دوپہر ایک بجکر 3 منٹ پر کورنگی بھٹائی گراؤنڈ کے قریب ان کی بسم اللہ جیولرز کے نام سے دکان میں ڈاکوؤں نے داخل ہو کر اسلحے کے زور پر یرغمال بنا کر اپنے ہمراہ لائے ہوئے بیگ میں دکان کے شوکیس میں رکھا ہوا 25 سے 30 تولہ سونا سمیٹ کر فرار ہوگئے جس کی مالیت 80 سے 90 لاکھ روپے کے قریب بنتی ہے۔
انھوں نے اعلیٰ حکام سے دکانداروں کو تحفظ فراہم کرنے کا مطالبہ کرتے ہوئے کہا کہ بڑی محنت سے جمع کرتے ہیں لیکن ڈاکو ایک منٹ میں آکر ہمیں زیرو کر جاتے ہیں۔
دکاندار نے بتایا منگل کو بھی دن دہاڑھے کورنگی 2 نمبر میں قائم جیولرز مارکیٹ میں دکاندار متین ڈاکوؤں کی فائرنگ سے جاں بحق ہوا تھا اور واردات میں ڈاکو بھاری مالیت کا سونا لوٹ کر فرار ہوگئے تھے۔
کورنگی بھٹائی کالونی گراؤنڈ کے قریب قائم بسم اللہ جیولرز کی دکان میں واردات کی مختلف فوٹیجز بھی سامنے آئی ہیں جس میں دکان کے اندر 3 ڈاکوؤں نے داخل ہو کر اسلحے کے زور پر وہاں موجود افراد کو یرغمال بناتے ہوئے دکھائی دیئے۔
ایک ڈاکو شلوار قمیض میں جبکہ دیگر 2 ڈاکوؤں نے ٹی شرٹ اور ٹراؤز پہنا ہوا تھا جبکہ دکان میں سب سے پہلے داخل ہونے والے ڈاکو نے چہرے پر ماسک لگایا ہوا تھا جبکہ دیگر 2 ڈاکوؤں نے پی کیپ پہنا ہوا تھا۔
واردات کے دوران شلوار قمیض میں ملبوس ڈاکو نے دکان کے باہر پہرے داری کی جبکہ دکان میں موجود 2 ڈاکو اپنے ہمراہ لائے ہوئے بیگ میں شوکیس میں رکھے ہوئے طلائی زیورات اور دیگر سونا نکال کر اپنے بیگ میں بھرتا رہا اور چند منٹوں میں دکان کو صفایا کر کے باہر کھڑے موٹر سائیکلوں پر سوار اپنے دیگر ساتھیوں کے ہمراہ بیٹھ کر موقع سے باآسانی فرار ہوگئے۔
متاثرہ دکاندار کے مطابق باہر لوگوں نے بتایا کہ ڈاکو 2 موٹر سائیکلوں پر آئے تھے تاہم اس حوالے سے زمان ٹاؤن پولیس نے واردات کی اطلاع ملتے ہی کرائم سین یونٹ کو طلب کر کے جائے وقوعہ سے فنگر پرنٹس سمیت دیگر شواہد حاصل کیے ہیں جبکہ پولیس سی سی ٹی وی کیمروں اور حاصل کردہ شواہد کی روشنی میں واردات کی مزید تحقیقات کر رہی ہے۔
غیر ریاستی عناصر کے خلاف مشترکہ چیلنج