یہودی تہوار کے موقع پر امریکی گورنر کے گھر کو آگ لگا دی گئی
اشاعت کی تاریخ: 14th, April 2025 GMT
لیفٹیننٹ کرنل جارج بیوینز کا کہنا ہے کہ حملہ منصوبہ بندی کے تحت کیا گیا لیکن اس کی حتمی وجہ معلوم نہیں ہو سکی۔ ملزم نے رہائش گاہ کی باڑ پھلانگ کر اندر داخل ہو کر آگ لگائی اور صرف ایک منٹ سے بھی کم وقت اندر رہا۔ اسلام ٹائمز۔ امریکی ریاست پنسلوانیا کے گورنر کی رہائش گاہ کو آگ لگا دی گئی، شدید آتشزدگی سے گھر کے ایک حصے کو نقصان پہنچا، تاہم، گورنر اور ان کے اہل خانہ محفوظ رہے۔ آگ لگانے کے شبے میں ایک شخص کو گرفتار کرلیا گیا ہے اور واقعے کی تفتیش جاری ہے۔ گورنر ہاؤس میں آگ لگانے کے الزام میں 38 سالہ شخص کو گرفتار کر لیا گیا ہے۔ واقعہ اس وقت پیش آیا جب گورنر جوش شاپیرو، ان کی اہلیہ، چار بچے، دو پالتو کتے اور ایک اور خاندان رہائش گاہ میں موجود تھا۔ پنسلوانیا اسٹیٹ پولیس کے مطابق آگ رات 2 بجے لگی جسے فائر بریگیڈ نے بجھا دیا، تاہم عمارت کو شدید نقصان پہنچا۔ گورنر شاپیرو کے مطابق تمام افراد کو بحفاظت نکال لیا گیا۔
پولیس نے کوڈی بالمر نامی شخص کو حراست میں لیا ہے۔ ضلعی اٹارنی فرانس چارڈو کا کہنا ہے کہ اس پر اقدامِ قتل، دہشتگردی، شدید نوعیت کی آتشزدگی اور سرکاری شخصیت پر حملے کے الزامات عائد کیے جائیں گے۔ ملزم پر وفاقی مقدمات بھی چلائے جا سکتے ہیں۔ حکام کے مطابق، ملزم کے پاس خود ساختہ دھماکہ خیز آلات بھی موجود تھے۔ لیفٹیننٹ کرنل جارج بیوینز کا کہنا ہے کہ حملہ منصوبہ بندی کے تحت کیا گیا لیکن اس کی حتمی وجہ معلوم نہیں ہو سکی۔ ملزم نے رہائش گاہ کی باڑ پھلانگ کر اندر داخل ہو کر آگ لگائی اور صرف ایک منٹ سے بھی کم وقت اندر رہا۔
یہ واقعہ ایسے وقت میں پیش آیا ہے جب بالمر ایک اور مقدمے میں عدالت میں پیش ہونے والا تھا۔ اس سے قبل 2016 میں وہ جعلسازی اور دھوکہ دہی کے مقدمے میں بھی مجرم قرار پایا تھا۔ واقعے کے بعد کی تصاویر میں گورنر ہاؤس کا ایک حصہ مکمل طور پر تباہ نظر آتا ہے۔ فرنیچر جل چکا ہے اور زمین پر راکھ پھیلی ہوئی ہے۔ دیواریں اور چھتیں سیاہ ہو چکی ہیں۔ یہ وہی جگہ ہے جہاں گورنر نے گزشتہ رات پاس اوور (یہودی تہوار) کی تقریب منعقد کی تھی۔ گورنر شاپیرو نے اس واقعے کو پنسلوانیا کے عوام پر حملہ قرار دیا اور کہا کہ اگر حملے کا مقصد انہیں ڈرانا تھا تو وہ مزید محنت سے کام کریں گے۔ انہوں نے اپنی یہودی شناخت پر فخر کیساتھ کہا کہ ان کی فیملی اور ریاست کے شہری اپنے عقائد کا کھل کر اظہار جاری رکھیں گے۔
شاپیرو نے 2022 میں پنسلوانیا کے گورنر کے طور پر انتخاب جیتا تھا اور وہ 2028 کے صدارتی امیدوار کے ممکنہ ناموں میں بھی شامل ہیں۔ انہوں نے سوشل میڈیا پر ایک بیان میں کہا کہ ہم آج رات پنسلوانیا اسٹیٹ پولیس کی مستعدی کی بدولت محفوظ ہیں، ہم ان کے شکر گزار ہیں۔ ایف بی آئی اور ریاستی پولیس واقعے کی تحقیقات کر رہے ہیں، اور سیکیورٹی انتظامات کا ازسرنو جائزہ لیا جا رہا ہے تاکہ مستقبل میں ایسے واقعات کی روک تھام کی جا سکے۔ واقعے کے بعد متعدد سیاستدانوں نے گورنر شاپیرو سے اظہار یکجہتی کیا۔ نائب صدر جے ڈی وینس نے اسے ”قابلِ نفرت“ حملہ قرار دیا، جبکہ سینیٹر جان فیٹر مین نے کہا کہ ”حملہ کرنے والے کو مکمل قانونی سزا دی جانی چاہیے۔“
ذریعہ: Islam Times
پڑھیں:
وینزویلا پر دوسرا امریکی حملہ ،3دہشت گردوں کی ہلاکت کا دعویٰ
data-id="863a0a8" data-element_type="widget" data-widget_type="theme-post-content.default">
واشنگٹن (انٹرنیشنل ڈیسک) امریکی صدر ڈونلڈ ٹرمپ نے دعویٰ کیا ہے کہ امریکی فوج نے وینزویلا میں دوسرا فضائی حملہ کیا، جس میں منشیات فروش دہشت گردوں کو نشانہ بنایا گیا۔ کارروائی میں 3دہشت گرد ہلاک ہوئے جبکہ امریکی فورسز کو کوئی نقصان نہیں پہنچا۔ ٹرمپ نے وائٹ ہاؤس میں میڈیا سے گفتگو کرتے ہوئے اپنی انتظامیہ کی کارکردگی کو سراہا اور انسدادِ منشیات اور داخلی سلامتی کے حوالے سے کئی اہم اعلانات کیے۔ صدر ٹرمپ نے کہا کہ ان کے حکم پر صبح امریکی فوج نے وینزویلا میں دوسرا فضائی حملہ کیا۔ کارروائی میں وینزویلا کے منشیات فروش کارٹیل کے جہاز کو نشانہ بنایاگیا، جو امریکی قومی سلامتی، خارجہ پالیسی اور مفادات کے لیے خطرہ بنے ہوئے ہیں۔ دوسری جانب کولمبیا کے صدر گستاوو پیٹرو نے تصدیق کی ہے کہ امریکا نے منشیات کے خلاف جنگ میں کولمبیا کی اتحادی حیثیت ختم کر دی ہے جس کے نتیجے میں ملک کو امریکی فوجی امداد کی مد میں کروڑوں ڈالر نقصان ہو سکتا ہے۔پیٹرو نے کابینہ کے اجلاس سے خطاب میں کہاکہ امریکا ہمیں ڈی سرٹیفائی کر رہا ہے حالانکہ منشیات کے کارٹیلز اور منشیات سے مالی معاونت پانے والی بائیں بازو کی گوریلا تنظیموں کے خلاف جنگ میں ہمارے درجنوں پولیس افسر اور فوجی جان سے ہاتھ دھو بیٹھے ہیں۔ یہ اقدام امریکی صدر ڈونلڈ ٹرمپ کی جانب سے دنیا کے سب سے بڑے کوکین پیدا کرنے والے ملک کو سزا کے طور پر دیکھا جا رہا ہے کیونکہ کولمبیا کو کا کی کاشت اور منشیات کی عالمی منڈیوں میں ترسیل کو روکنے میں ناکام رہا ہے۔ یہ فیصلہ ایسے وقت میں سامنے آیا ہے جب ٹرمپ منشیات کے کارٹیلز کے خلاف بڑے پیمانے پر کارروائی کر رہے ہیں ۔ 2022 ء میں اقتدار سنبھالنے کے بعد پیٹرو نے امریکی قیادت میں چلنے والی منشیات کے خلاف جنگ کو ناکام قرار دیتے ہوئے اس میں بنیادی تبدیلی کی وکالت کی جس کے تحت وہ سماجی مسائل کو حل کرنے پر زور دیتے ہیں جو منشیات کی سمگلنگ کو ہوا دیتے ہیں۔
دنیا بھر میں اسکولوں پر حملوں میں 44 فیصد اضافہ تشویشناک ہے، وزیراعلیٰ سندھ