نومبر 2024اور اپریل 2025کا فرق سمجھیں
اشاعت کی تاریخ: 16th, April 2025 GMT
آجکل بانی تحریک انصاف سے ملاقات پر کافی سختی ہے۔ کون ملے گا، کون نہیں ملے گا، اس پر کافی بحث چل رہی ہے۔ لیکن ایسے میں یہ خبریں بھی آئی ہیں کہ نومبر 2024میں امریکا سے کچھ لوگ آئے تھے جن کی بانی تحریک انصاف سے ملاقات کرائی گئی تھی۔
عجیب بات یہ ہے کہ اس ملاقات کو جہاں حکومت پاکستان اور اسٹبلشمنٹ نے خفیہ رکھا ، وہاں بانی تحریک انصاف اور اور تحریک انصاف کی قیادت نے بھی خفیہ رکھا۔حالانکہ اس کے بعد کئی سماعتوں میں بانی تحریک انصاف کی صحافیوں سے ملاقاتیں ہوئی ہیں۔ انھوں نے بہت باتیں کی ہیں لیکن اس ملاقات کا کوئی ذکر نہیں کیا۔ اس ملاقات کی تب کوئی خبر میڈیا میں بھی نہیں آئی۔ ورنہ اڈیالہ میں تو چڑیا بھی پر مارے تو میڈیا میں شور مچ جاتا ہے۔
اعظم سواتی صبح ملیں تو میڈیا میں خبر آجاتی ہے۔ لیکن امریکا سے آنے والے ان مہمانوں کی ملاقات کی کوئی خبر نہیں آئی۔ یہاں یہ واضح کرنا ضروری ہے کہ یہ پاکستانی امریکی تھے۔ اب آپ دیکھیں گزشتہ برس نومبر میں پاکستانی امریکی پاکستان آتے ہیں، بانی تحریک انصاف سے جیل میں ملتے ہیں، اسٹبلشمنٹ کے نمایندوں سے ملتے ہیں۔ بانی تحریک انصاف اور اسٹبلشمنٹ کے درمیان سیز فائر اور صلح کی کوشش کرتے ہیں۔ لیکن کوئی شور نہیں مچتا۔ اس کے بعد چند امریکی پاکستانی امسال مارچ میں جب پاکستان آتے ہیں تو تحریک انصاف نہ صرف شور مچا دیتی ہے۔ بلکہ ان کو غدار بھی قرار دیا جاتا ہے۔
نومبر میںآنے والے غدار نہیں تھے، مارچ میں آنے والے غدار ہیں۔ یہ تضاد بھی قابل غور ہے۔ بہر حال کیا آج یہ صورتحال ہے کہ کسی غیر ملکی کو بانی تحریک انصا ف سے ملاقات کی اجازت دی جائے؟ آج تو گھر والوں کو ملنے کی اجازت نہیں مل رہی۔ آج تو صورتحال یہ ہے کہ اگر کوئی پارٹی عہدیدار مل لے تو وہ غدار ہے۔ اگر پارٹی چئیرمین بیرسٹر گوہر کی ملاقات ہو جائے توپارٹی سیکریٹری جنرل انھیں منظور نظر کہنے لگ جاتے ہیں۔ انھیں بھی اسٹبلشمنٹ کے ایجنٹ کا سرٹیفکیٹ مل جاتاہے۔ اس لیے یہ نومبر 2024 نہیں بلکہ یہ اپریل 2025ہے۔ ہمیں اب نومبر اور اپریل کے فرق کو سمجھنا ہوگا۔
گزشتہ برس نومبر میں ٹرمپ کے آنے کا شور تھا۔ وہ الیکشن جیت چکے تھے۔ ایک ماحول تھا کہ ٹرمپ آئے گا تو پتہ نہیں کیا ہوجائے گا۔ رچرڈ گرنیل اور جو ولسن کے ٹوئٹس نے پاکستان میں ایک ماحول بنایا ہوا تھا کہ ٹرمپ آتے ہی سب سے پہلے بانی تحریک انصاف کی رہائی کروائیں گے۔ تحریک انصاف امریکا کہہ رہی تھی کہ ٹرمپ سے بات ہو گئی ہے۔ الیکشن میں ہم نے ٹرمپ کو لاکھوں ڈالر چندہ ہی اس شرط پر دیا ہے کہ وہ بانی تحریک انصاف کی رہائی کروائیں گے۔ کوئی کہہ رہا تھا کہ پہلی تقریر میں بانی کی رہائی کی بات ہوگی۔ کوئی کہہ رہا تھا کہ حلف اٹھانے کے بعد ٹوئٹ آئے گا۔ کوئی کہہ رہا تھا کہ فون کریں گے۔
غرض کے ایک ماحول تھا کہ ٹرمپ بانی تحریک انصاف کے لیے پاکستان پر دباؤ ڈالیں گے۔ پاکستان میں تھنک ٹینک اس بات پر غور کر رہے تھے کہ کیا صرف بات کریں گے یا اس کے ساتھ ایکشن بھی کرایں گے۔ جب تک ان کی بات مانی نہیں جائے گی کیا پاکستان پر پابندیاں لگا دیں گے۔ اس لیے جب نومبر 2024کی بات دیکھیں تو اس وقت کے ماحول کو بھی سامنے رکھیں۔یعنی بانی تحریک انصاف سے بات چیت کی جا رہی ہوگی تا کہ کوئی بھی غیر ملکی دباؤ آنے سے پہلے معاملات طے کرلیے جائیں۔
کوئی درمیانی راستہ نکال لیا جائے۔ اکٹھے چلنے کی کوئی راہ نکالی جائے۔ اس میں بانی تحریک انصاف کو جیل سے نکالنا شاید شامل نہ ہو لیکن اور بہت چیزیں شامل ہو سکتی تھیں۔ لیکن پھر نومبر میں کیا ہوا۔ نومبر میں بانی تحریک انصاف نے اسلام آباد پر چڑھائی کی کال دی۔ حکومت اور اسٹبلشمنٹ نے اس کال کو ملتوی کرانے کی بہت کوشش کی۔ تحریک انصا ف کے دوست بتاتے ہیں کہ ڈی چوک کی جگہ سنگجا نی پر دھرنے اور جلسہ کی اجازت کی پیشکش کی گئی۔
گنڈا پور تو یہ بھی کہتے ہیں کہ بانی تحریک انصاف کو بنی گالہ شفٹ کرنے کی بات بھی ہوئی۔ لیکن بانی تحریک انصاف کچھ نہیں مانے۔ نہ امریکا سے آئے لوگوں کی مانے اور نہ ہی اپنی جماعت کے دوستوں کی مانے۔ اور ڈی چوک جانے کے اعلان پر قائم رہے۔ یہاں یہ امر قابل غور ہے کہ بشریٰ بی بی رہا ہو چکی تھیں۔ ان کے بھی بیک چینل رابطوں کی بات ہو رہی تھی۔ یقینا انھیں بھی ڈی چوک جانے سے روکنے کی کوشش کی گئی ہوگی۔ لیکن وہ بھی نہیں مانیں۔ حکومت اور اسٹبلشمنٹ نے ماحول کو ٹھنڈا کرنے کی بہت کوشش کی۔ لیکن تحریک انصاف نہیں مان رہی تھی۔ آج سمجھ آتی ہے کہ وہ ٹرمپ کا بخار تھا۔
پھر کیاہوا۔ وہی جس کو روکنے کی کوشش کی جا رہی تھی۔ لیکن شاید تحریک انصاف اور بانی تحریک انصاف کا اسکرپٹ ہی یہی تھا۔ وہ حالات خراب ہی رکھنا چاہتے تھے۔ آج سمجھ آتی ہی کہ ان کو بتایا گیا تھا کہ جیسے ہی حالات خراب ہوںگے، لاشیں گریں گی، ویسے ہی امریکا سے ٹرمپ کو دباؤ ڈالنے کا موقع مل جائے گا۔ بس ایک وجہ چاہیے۔ وہ سارا ڈرامہ ٹرمپ کو پاکستان میں مداخلت اور بانی کی رہائی کا جواز بنانے کے لیے تھا۔ جو لوگ بانی کے لیے ٹرمپ سے لابنگ کر رہے تھے۔ یہ ان کا پلان تھا۔ جس پر یہاں عمل کیا جا رہا تھا۔ ملاقاتوں اور مذاکرات کو اسٹبلشمنٹ کی کمزوری سمجھا جا رہا تھا۔ بانی سمجھ رہے تھے کہ ٹرمپ کے خوف میں سارے پتے ان کے ہاتھ میں ہیں۔ یہ نومبر کا ماحول تھا۔
لیکن آج اپریل میں ایسا نہیں ہے۔ ٹرمپ کارڈ ٹھس ہو گیا ہے۔ امریکی کانگریس مینز پاکستان آئے ہوئے ہیں، انھوں نے بانی سے ملنے کی کوئی شرط نہیں رکھی۔ اس پر تحریک انصاف میں صف ماتم ہے۔ٹرمپ اپنے پہلے صدارتی خطاب میں پاکستان کی تعریف کر چکے ہیں۔ کہاں یہ ماحول بناگیا تھا کہ وہ پاکستان کے خلاف بیان دیں گے۔ کہاں وہ تعریف کر رہے ہیں۔ اس لیے نومبر سے اپریل تک تحریک انصاف کافی حد تک جنگ ہار گئی ہے۔ اور اسٹبلشمنٹ نے فتوحات حاصل کر لیں ہیں۔ اس لیے نومبر اور اپریل کا فرق سمجھیں۔ یہ فرق ساری کہانی بیان کر دے گا۔ اسی میں ساری صورتحال ہے۔
آج گزشتہ برس نومبر کی شرائط پر بات نہیں ہو سکتی، جو نومبر میں ٹیبل پر موجود تھا، وہ آج نہیں ہے۔ بانی تحریک انصاف نے بھی اپنے سارے کارڈ استعمال کر لیے ہیں۔ اسٹبلشمنٹ نے بھی کئی مشکل مراحل عبور کر لیے ہیں۔ اس لیے دونوں کی پوزیشن بدل گئی ہے اور یہ سیاست میں بہت اہم ہے۔ کسی بھی گفتگو کے لیے یہ بہت اہم ہے۔ آپ کچھ کارڈ ہاتھ میں رکھ کر بات کرتے ہیں۔ سارے کارڈ کھیل کر اور ہار کر کوئی بات چیت نہیں ہو سکتی۔ یہ فرق سمجھیں۔ تو نومبر اور اپریل کا فرق بھی سمجھ آجائے گا۔
.ذریعہ: Express News
کلیدی لفظ: بانی تحریک انصاف سے اور اسٹبلشمنٹ نے تحریک انصاف کی پاکستان ا اور اپریل امریکا سے سے ملاقات کی رہائی کوشش کی رہا تھا رہی تھی کہ ٹرمپ تھا کہ اس لیے لیکن ا کی بات
پڑھیں:
پی ٹی آئی میں منافق لوگ موجود، پارٹی کو کمزور کر رہے ہیں، علی امین گنڈا پور
داہگل ناکہ پر میڈیا سے گفتگو کرتے ہوئے وزیراعلیٰ خیبرپختونخوا کا کہنا تھا کہ جتنی کوشش میں نے بانی کو باہر لانے کے لئے کی ہے کسی نے نہیں کی، زندگی میں ایک بھی دن ایسا نہیں کہ بانی کی رہائی کے لئے کوشش نہ کی ہو۔ اسلام ٹائمز۔ وزیراعلیٰ خیبرپختونخوا علی امین گنڈا پور نے کہا کہ پی ٹی آئی کے اندر منافق لوگ موجود ہیں، بیانیہ ساز لوگ جماعت کو کمزور کر رہے ہیں۔ داہگل ناکہ پر میڈیا سے گفتگو کرتے ہوئے وزیراعلیٰ خیبرپختونخوا علی امین گنڈا پور کا کہنا تھا کہ جتنی کوشش میں نے بانی کو باہر لانے کے لئے کی ہے کسی نے نہیں کی، زندگی میں ایک بھی دن ایسا نہیں کہ بانی کی رہائی کے لئے کوشش نہ کی ہو۔
انہوں نے کہا کہ بار بار کہہ رہے ہیں کہ ہمارے ساتھ مل کر بیٹھیں، ہم بانی کی بات کو فالو کرتے ہیں، اس کے علاوہ جو بات کرتا ہے اس سے ہمارا تعلق نہیں۔ ایک سوال کے جواب میں علی امین گنڈا پور نے کہا کہ بانی کا ٹوئٹر وہی ہینڈل کر رہا ہے جن کو بانی نے خود اجازت دی ہوئی ہے، پی ٹی آئی ہینڈلرز ہم ہیں، ہم بانی کو جواب دہ ہیں، اب کوئی بندہ اپنا بیانیہ بناتا ہے، تو ان ہینڈلرز کے جواب دہ نہیں ہیں۔
وزیراعلیٰ خیبرپختونخوا نے کہا کہ بانی سے ملاقات نہ کرنے دینے سے مسائل اور کنفیوژن بڑھتی ہے اور کچھ ایسے بیانات آجاتے ہیں جس کی بعد میں بانی پی ٹی آئی کو وضاحت کرنا پڑتی ہے۔ علی امین گنڈا پور کا کہنا تھا کہ بانی پی ٹی آئی نے کئی بار کہا میں تو مذاکرات کے لئے تیار ہوں تو بیٹھیں بات کریں، بات اسی سے ہوگی جس کے پاس اختیار ہے۔ انہوں نے کہا کہ میں وزیر اعلیٰ بنا افغان حکومت کے ساتھ مذاکرات کی بات کی، مجھے کہا گیا کہ میرا کام نہیں ہے، جھوٹے الزامات اور سیاسی پروپیگنڈہ ہمارے نقصان کا سبب ہے۔
وزیراعلیٰ خیبرپختونخوا نے کہا کہ بجٹ سے پہلے سیاسی دباؤ کے باعث بانی پی ٹی آئی کی واضح ہدایات درکار تھیں، بار بار ملاقات کی درخواستیں کی تھیں مگر روکا گیا، پارٹی کی اندرونی تقسیم کی وجہ سے ملاقاتیں روکی جا رہی ہیں۔ علی امین گنڈا پور نے کہا کہ سینیٹ انتخاب میں نامزدگیاں اور تنازع جیسے پراپیگنڈہ پارٹی میں برقرار ہیں، پارٹی کے اندر بعض افراد ایجنڈا چلا رہے ہیں ان کو خبردار کر رہا ہوں آپ پارٹی کو نقصان پہنچا رہے ہیں۔ انہوں نے کہا کہ ملکی تاریخ کے بڑے مارچ اور جلسے کئے ہیں، 27 تاریخ کو کے پی کے میں بڑا جلسہ کرنے جا رہے ہیں، عوامی پیغام پہنچانا ضروری ہے، متحد ہو کر ملک و آئین کا تحفظ ہمارا اولین مقصد ہے۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام