حرا مانی کی ہم شکل نے سب کو حیران کر دیا
اشاعت کی تاریخ: 18th, April 2025 GMT
حرا مانی کی ہم شکل نے سوشل میڈیا صارفین کو حیران کر دیا۔
پاکستان کی مقبول ترین اداکارہ، ماڈل، گلوکارہ اور میزبان حرا مانی اداکار، پروڈیوسر اور میزبان مانی شیخ کی اہلیہ ہیں، وہ ناصرف اپنی اداکاری بلکہ اپنی منفرد شخصیت کے باعث بھی جانی پہچانی جاتی ہیں۔
کئی مشہور ڈراموں میں اپنی شاندار اداکاری سے دلوں پر راج کرنے والی حرا مانی ان دنوں نئی ڈرامہ سیریل میں اپنی بہترین اداکاری کی وجہ سے ایک بار پھر مداحوں کی توجہ حاصل کر رہی ہیں۔
حال ہی میں سوشل میڈیا پر حرا مانی کی ہم شکل منظر عام پر آئی ہے، جس نے مداحوں کو حیران کر دیا ہے۔
پاکستانی نژاد برطانوی انفلوئنسر ڈاکٹر اقدس جو انسٹاگرام پر والدین کی تربیت سے متعلق مثبت مشورے دیتی ہیں، اپنی شکل و شباہت میں حیران کن حد تک حرا مانی سے مشابہ ہیں، صرف چہرے کی مشابہت ہی نہیں بلکہ ڈاکٹر اقدس کی آواز اور اندازِ گفتگو بھی حرا مانی سے اس قدر ملتے جلتے ہیں کہ صارفین دھوکا کھا بیٹھے ہیں۔
View this post on InstagramA post shared by Dr Aqdas Tariq | Personal growth | Conscious Parenting | (@draqdasparenting)
انٹرنیٹ پر صارفین حیرت کا اظہار کرتے ہوئے سوال کر رہے ہیں، کیا آپ حرا مانی ہیں؟ ایک صارف نے تبصرہ کیا آپ تو بولنے میں بھی حرا مانی جیسی لگتی ہیں، جبکہ ایک اور صارف نے کہا کہ آپ تو حرا مانی کا بہتر ورژن لگتی ہیں۔
ڈاکٹر اقدس والدین کی رہنمائی اور مثبت تربیت سے متعلق اپنا پلیٹ فارم استعمال کرتے ہوئے معاشرتی بہتری کے لیے کام کر رہی ہیں اور ان کی مسکراہٹ اور انداز نے مداحوں کے دل جیت لیے ہیں۔
سوشل میڈیا پر ڈاکٹر اقدس اور حرا مانی کی تصاویر اور ویڈیوز وائرل ہو رہی ہیں اور مداح دونوں شخصیات کی خوبصورتی اور انداز کی تعریف کر رہے ہیں۔
Post Views: 3.ذریعہ: Daily Mumtaz
کلیدی لفظ: حرا مانی کی ڈاکٹر اقدس
پڑھیں:
روزانہ بھگوئی ہوئی کشمش کھانے سے صرف ایک ماہ میں حیران کن فوائد حاصل کریں
data-id="863a0a8" data-element_type="widget" data-widget_type="theme-post-content.default">
کشمش ایک قدرتی مٹھاس رکھنے والا خشک میوہ ہے جو نہ صرف ذائقے بلکہ غذائیت کے لحاظ سے بھی بے حد مفید سمجھا جاتا ہے۔ برصغیر میں اسے رات بھر پانی میں بھگو کر صبح کے وقت کھانے کا رواج عام ہے، کیونکہ ماہرین کے مطابق اس طریقے سے اس کے غذائی اجزاء بہتر طور پر جذب ہوتے ہیں اور جسم کو زیادہ فائدہ پہنچاتے ہیں۔
ماہرین صحت کے مطابق 10 سے 15 کشمش کو ایک کپ نیم گرم پانی میں رات بھر بھگو کر رکھنا چاہیے۔ صبح ان کشمش کو کھانے اور اگر چاہیں تو اس کا پانی پینے سے جسم میں فائبر اور غذائی اجزاء کے جذب میں آسانی ہوتی ہے، جب کہ یہ عمل ہاضمے کے لیے بھی مفید ثابت ہوتا ہے۔
طبی ماہرین کے مطابق کشمش میں موجود پولی فینولز اور اینٹی آکسیڈنٹس جسم میں فری ریڈیکلز کے اثرات کم کرکے بڑھتی عمر، ذہنی دباؤ اور دائمی امراض کے خطرات کو گھٹاتے ہیں۔ پب میڈ سینٹرل میں شائع تحقیق کے مطابق کشمش کا باقاعدہ استعمال خون میں اینٹی آکسیڈنٹس کی سطح بڑھاتا ہے، جس سے جسمانی نظام زیادہ متوازن رہتا ہے۔
غذائی ماہرین کا کہنا ہے کہ کشمش میں موجود حل پذیر اور غیر حل پذیر فائبر نظام ہضم کو فعال رکھتا ہے، جبکہ پری بایوٹک خصوصیات آنتوں کے صحت مند بیکٹیریا کو تقویت دیتی ہیں۔ یہی وجہ ہے کہ بھگوئی ہوئی کشمش قبض کے مریضوں کے لیے خاص طور پر مفید سمجھی جاتی ہے۔
کلینیکل مطالعات سے یہ بات بھی سامنے آئی ہے کہ روزانہ کشمش کا استعمال بلڈ پریشر اور دل کے امراض کے خطرات میں کمی لاتا ہے۔ ماہرین کے مطابق باقاعدہ استعمال سے چند ہفتوں میں بلڈ پریشر میں معمولی بہتری محسوس کی جا سکتی ہے۔
کشمش توانائی کا قدرتی ذریعہ بھی ہے۔ فائبر اور پولی فینولز کی موجودگی کے باعث یہ خون میں شکر کی سطح کو مستحکم رکھتی ہے اور توانائی میں اچانک کمی یا اضافہ نہیں ہونے دیتی، جو خاص طور پر صبح کے وقت مفید ہے۔
ماہرین کے مطابق کشمش فولاد سے بھرپور ہونے کے باعث خون میں آئرن کی کمی دور کرنے میں معاون ثابت ہوسکتی ہے۔ تحقیق کے مطابق نوجوان خواتین میں اس کے باقاعدہ استعمال سے ہیموگلوبن کی سطح میں بہتری دیکھی گئی ہے، تاہم فولاد کی شدید کمی کی صورت میں صرف کشمش پر انحصار مناسب نہیں۔
مختصراً، بھگوئی ہوئی کشمش کا روزمرہ استعمال جسمانی توانائی، ہاضمے اور دل کی صحت کے لیے ایک سادہ مگر مؤثر قدرتی نسخہ ثابت ہو سکتا ہے۔
پاکستان میں شمسی توانائی کا استعمال تاریخی سنگ میل عبور کرگیا