کراچی میں والد کی تدفین پر سعودی عرب سے آنیولا نوجوان ڈکیتی مزاحمت پر قتل
اشاعت کی تاریخ: 10th, July 2025 GMT
واقعے کے وقت علاقہ میں بجلی کی لوڈشیڈنگ کے باعث جبران علاقے کے ایک برف فروش کے ہمراہ اپنے گھر مکان نمبر 204 کے باہر بیٹھا تھا کہ اسی دوران موٹرسائیکل سوار دو ملزمان آئے اور جبران اور برف فروش سے لوٹ مار شروع کر دی۔ اسلام ٹائمز۔ اورنگی ٹاؤن میں ڈاکوؤں نے ایک اور شہری کی مزاحمت کرنے پر جان لے لی، ڈکیتی کے دوران مزاحمت کرنے پر جاں بحق ہونے والوں کی نصف سنچری مکمل ہوگئی۔ مقتول تیرہ روز قبل اپنے والد کے انتقال پر سعودی عرب سے کراچی آیا تھا۔ تفصیلات کے مطابق اپنے اورنگی ٹاؤن کے علاقے ایک نمبر قذافی چوک کالا میدان کے قریب موٹرسائیکل سوار ملزمان کی فائرنگ سے ایک شخص جاں بحق ہوگیا، مقتول کی لاش چھیپا ایمبولینس کے ذریعے عباسی شہید اسپتال لائی گئی۔ ترجمان کراچی پولیس کے مطابق مقتول کی شناخت 25 سالہ جبران خان ولد جمع خان کے نام سے کی گئی، فائرنگ کا واقعہ ڈکیتی کی واردات کے دوران مزاحمت کرنے پر پیش آیا، مقتول کے کزن قاسم اور دیگر رشتے داروں نے بتایا کہ مقتول جبران غیر شادی شدہ اور تین بہنوں اور دو بھائیوں میں دوسرے نمبر پر تھا۔ مقتول اور اس کا چھوٹا بھائی ڈھائی سال قبل روزگار کے سلسلے میں بیرون ملک سعودی عرب (جدہ) چلے گئے تھے، یکم محرم کو اس کے والد کا انتقال ہوگیا تھا، مقتول اور اس کا بھائی اپنے والد کی تدفین کے لیے ایک ماہ کی چھٹی لے کر کراچی آیا تھا، مقتول جدہ میں آن لائن فوڈ سپلائی کا کام کرتا تھا۔
واقعے کے وقت علاقہ میں بجلی کی لوڈ شیڈنگ کے باعث جبران علاقے کے ایک برف فروش کے ہمراہ اپنے گھر مکان نمبر 204 کے باہر بیٹھا تھا کہ اسی دوران موٹرسائیکل سوار دو ملزمان آئے اور جبران اور برف فروش سے لوٹ مار شروع کر دی۔ جبران نے اپنا ایک فون اور پرس ملزمان کے حوالے کر دیا جبکہ دوسرا فون اس کی جیب میں ہی موجود رہا اسی دوران جبران نے مزاحمت کی جس پر ملزمان نے مشتعل ہو کر جبرن کی شہ رگ پر ایک گولی ماری جو عقب سے باہر نکل گئی، ملزمان لوٹا ہوا سامان لے کر فرار ہوگئے، مقتول موقع پر ہی تڑپ تڑپ کر دم توڑ گیا اور خالق حقیقی سے جا ملا۔ جبران کی ہلاکت کی خبر اہلخانہ پر جیسے پہاڑ گرگیا، بہنیں، چھوٹا بھائی اور دیگر گھر والے جو ابھی اپنے والد کا غم منا رہے تھے وہ گھر سے باہر نکل آئے اور زار و قطار رونے لگے وہ گھر جو پہلے ہی ماتم کدہ بنا ہوا تھا وہاں قیامت صغرا کا منظر تھا۔ مقتول کے رشتے دار اور علاقہ مکین بھی زارو قطار رو رہے تھے اور پولیس اور حکمرانوں کو کوس رہے رہے تھے۔
مقتول کے کزن قاسم نے اعلیٰ حکام سے اپیل کی ہے کہ خدارا اب بہت ہوگیا ان ڈاکوؤں نے سیکڑوں گھروں کو اجاڑ دیا، اس شہر میں حکمران کے علاوہ کوئی بھی محفوظ نہیں ہے، اگر اب بھی کچھ نہیں کیا تو پورا شہر قبرستان بن جائے گا اور کتنے نوجوانوں کی جانیں لینے کے بعد ہوش آئے گا، آج ہمارے ساتھ ہوا ہے ہمراہ نوجوان بیٹا جو اپنے گھر کا کفیل تھا وہ جان سے چلا گیا کل تم لوگوں میں سے بھی کسی کی باری آسکتی ہے لہذا اس سے پہلے ہی ان ڈاکوؤں کو لگام دو تاکہ ماؤں کی گود، بہنوں کے بھائی، بچوں کے باپ اور عورتوں کا سہاگ اجڑنا بند ہو۔ پولیس کا کہنا ہے کہ بجلی کی بندش کے باعث ڈاکوؤں کے چہرے کسی نے وضح طور پر نہیں دیکھے جند مقامات سے سی سی ٹی وی فوٹیج حاصل کر کے تحقیقات کا آغاز کر دیا گیا ہے، قاتل کسی صورت بچ نہیں سکیں گے بہت جلد قانون کی گرفت میں ہونگے۔
ذریعہ
ذریعہ: Islam Times
کلیدی لفظ: ڈاکوو ں
پڑھیں:
نرس نے نومولود بچی کے ہاتھ کا انگوٹھا کاٹ دیا، والد نے پولیس میں درخواست دے دی
راولپنڈی:ہولی فیملی ہسپتال راولپنڈی کی گائنی وارڈ کی نرسری میں زیرِ علاج 23 روزہ نومولود بچی کے دائیں ہاتھ کا انگوٹھا پراسرار طور پر کٹ جانے کا انکشاف سامنے آیا ہے، جبکہ متاثرہ بچی کے والد نے واقعے پر پولیس کو درخواست دے دی ہے۔
متاثرہ بچی کے والد قیصر محمود نے بتایا کہ وہ ضلع اٹک کے رہائشی اور پیشے کے لحاظ سے کارپینٹر ہیں۔ ان کے مطابق ان کی بیٹی کی پیدائش ہولی فیملی ہسپتال میں ہوئی تھی اور پیدائش کے بعد سے بچی کو نرسری میں رکھا گیا ہے۔
والد کا کہنا ہے کہ جب وہ آج اپنی 23 روزہ بیٹی سے ملنے ہسپتال پہنچے تو دیکھا کہ اس کے دائیں ہاتھ کا انگوٹھا کٹا ہوا تھا۔ انہوں نے فوری طور پر ڈاکٹروں سے اس بارے میں استفسار کیا۔
قیصر محمود کے مطابق ڈاکٹرز نے انہیں بتایا کہ انگوٹھا نرس سے غلطی سے کٹ گیا۔ تاہم ان کے بقول ہسپتال انتظامیہ نے صرف انکوائری کی یقین دہانی کرائی نہ واقعے کی وجہ واضح کی گئی اور نہ ہی اب تک کسی ذمہ دار کے خلاف کارروائی کی گئی۔
متاثرہ والد نے انصاف کے لیے پولیس کو درخواست دے دی ہے۔ پولیس کا کہنا ہے کہ درخواست موصول ہونے کے بعد ابتدائی چھان بین مکمل کر لی گئی ہے اور قانون کے مطابق کارروائی کا آغاز کر دیا گیا ہے۔
دوسری جانب اس سنگین واقعے پر ہولی فیملی ہسپتال کی انتظامیہ کی جانب سے تاحال کوئی باضابطہ مؤقف سامنے نہیں آیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار