گوجرانوالہ: پی ٹی آئی لانگ مارچ کے دوران عمران خان پر فائرنگ کیس کا فیصلہ سنا دیا گیا
اشاعت کی تاریخ: 26th, April 2025 GMT
گوجرانوالہ کی انسداد دہشتگردی عدالت نے 2022 میں پی ٹی آئی کے لانگ مارچ کے دوران بانی پی ٹی آئی عمران خان پر فائرنگ کیس کا فیصلہ سنا دیا۔
رپورٹ کے مطابق تھانہ سٹی وزیر آباد کے مقدمہ کی سماعت انسداد دہشت گردی کی عدالت میں ہوئی، مرکزی ملزم نوید کو معظم کے قتل اور دہشتگردی کی دفعات کے تحت 2 مرتبہ عمر قید اور مجموعی طور پر 15 لاکھ جرمانے کا حکم دیا گیا۔
حملے میں 4 زخمیوں کی حد تک ملزم نوید کو 3 سے 5 سال قید کی سزا دی گئی، عدالت نے شریک ملزمان طیب جہانگیر بٹ اور وقاص کو شک کا فائدہ دیکر بری کر دیا۔
عمران عباس سپرا ایڈووکیٹ نے کہا کہ پراسکیوشن نے ملزم طیب جہانگیر بٹ کیخلاف کوئی گواہ عدالت میں پیش نہیں کیا۔
عدالتی فیصلے میں کہا گیا کہ ملزم نوید کیخلاف تمام سزائیں اکٹھی چلیں گی، ملزم نوید نے 7 نومبر 2022 کو پی ٹی آئی کے لانگ مارچ پر وزیر آباد تھانہ سٹی کی حدود میں فا ئرنگ کی تھی۔
فائرنگ کی ذد میں آکر بانی پی ٹی آئی عمران خان سمیت پی ٹی آئی کے مقامی رہنما زخمی ہو ئے تھے۔
فائرنگ کے واقعہ میں شہری معظم گولی لگنے سے جاں بحق ہوا تھا، پولیس نے ملزم نوید کو موقع سے گرفتار کر لیا تھا۔
Post Views: 1.ذریعہ: Daily Mumtaz
کلیدی لفظ: پی ٹی ا ئی ملزم نوید
پڑھیں:
کل کا عدالتی فیصلہ عمران خان کے حق میں نہیں آئےگا، سابق پی ٹی آئی رہنما جاوید بدر
پی ٹی آئی کے سابق رہنما جاوید بدر نے پیشگوئی کی ہے کہ کل کا عدالتی فیصلہ عمران خان کے حق میں نہیں آئےگا، عمران خان کی رہائی صرف قوم سے مُعافی مانگنے پر ہی ہو گی، اللہ بھی تب ہی معاف کرتا ہے جب انسان معاف کرتا ہے۔
پی ٹی آئی کے سابق میڈیا کوآرڈینیٹر جاوید بدر کاکہنا تھا کہ عمران خان نے بزدار اور فرح گوگی کے ذریعے پنجاب میں بھرپور کرپشن کروائی، جس پر میں نے اور جنرل باجوہ نے عمران خان کو بزدار کو فوری ہٹانے کا مشورہ دیا لیکن انہوں نے اپنی بیوی کے لگوائے چیف منسٹر کو ہٹانے سے انکار کردیا۔
یہ بھی پڑھیں:عمران خان کی ضمانت 11 جون کو ہورہی ہے؟ بلاول بھٹو کا اہم بیان سامنے آگیا
جاوید بدر نے سابق وزیر اعلیٰ پنجاب عثمان بزدار اور فرح گوگی سمیت ان کی اہلیہ بشریٰ بی بی پی ٹی آئی کی حکومت جانے کے ذمہ دار ہیں، انہوں نے کہا الزام عائد کیا کہ خیبرپختونخوا کے وزیروں سے عمران خان خود کرپشن کرواتے ہیں، ہمیشہ دھرنے ریلیوں اور احتجاجوں کا خرچہ خیبرپختونخوا حکومت کا خزانہ اُٹھاتا ہے۔
جاوید بدر کے مطابق انہوں نے 2 دفعہ خیبرپختونخوا میں کرپشن پکڑی جسے عمران خان نے دبا دیا، پی ٹی آئی کی موجودہ قیادت میں اب عمران خان کا کوئی خیر خواہ نہیں، علی امین اور گوہر ایوب اسٹیبلشمنٹ کے آدمی ہیں، عمران خان قوم سمیت اپنے پُرانے ساتھیوں سے معافی مانگیں۔
مزید پڑھیں:ہمارے والد کو سزائے موت کی دھمکیاں مل رہی ہیں، رہائی کیلئے ٹرمپ سے اپیل کریں گے، عمران خان کے بیٹوں کا انٹرویو
جاوید بدر کا کہنا تھا کہ جیل میں قید کے ذمہ دار عمران خان کے اپنے اعمال ہیں، پرانے ساتھی رہائی میں مدد کرسکتے ہیں، انہوں نے کہا کہ اپوزیشن عوامی مسائل پر بات نہیں کررہی اور عوامی تعاون کھو بیٹھی ہے، موجودہ پی ٹی آئی قیادت نے عمران خان کو عوام سے دور کردیا ہے۔
جاوید بدر کے مطابق عمران خان عوام کے خون میں نہیں صرف سوشل میڈیا پر دوڑ رہے ہیں، پنجاب میں مریم نواز کی کارکردگی پی ٹی آئی کو ختم کردے گی۔ ’عمران خان کو میرا مشورہ ہے کہ اگر بچنا ہے تو پرانے ساتھیوں سے رابطہ بحال کریں۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بشریٰ بی بی پی ٹی آئی رہائی سابق رہنما عثمان بزدار عمران خان فرح گوگی
ہماری معاشی خود انحصاری کا دارومدار سستی بجلی اور زراعت پر ہے: وزیراعظم