ہم نے شاہین اور غوری چوک پر سجانے کیلیے نہیں بنائے، وزیر ریلوے
اشاعت کی تاریخ: 26th, April 2025 GMT
وفاقی وزیر ریلوے حنیف عباسی کی پریس کانفرنس کا کہنا ہے کہ ہندوستان دنیا کا سب سے بڑا دہشتگرد ہے، فالس فلیگ آپریشن کے ذریعے پہلگام ملبہ پاکستان پر ڈالا جارہا ہے، بھارت کو بتانا چاہتا ہوں کہ ہم نے شاہین اور غوری چوک پر سجانے کیلیے نہیں بنائے۔
راولپنڈی میں اپنی رہائش گاہ پر پریس کانفرنس کرتے ہوئے حنیف عباسی کا کہنا تھا کہ تاجر برادری کی غزہ کے مسلمانوں کے ساتھ اظہار یکجہتی کی کال بہت کامیاب رہی ہے، ہم فلسطینی بشمول غزہ کے مسلمانوں کے ساتھ کھڑے ہیں۔
انہوں نے کہا کہ ہندوستان دنیا کا سب سے بڑا دہشت گرد ملک ہے، ہندوستان کے ہاتھوں پر ایک لاکھ سے زائد مسلمانوں کا خون ہے، گجرات میں مسلمانوں کا قتل عام مودی نے کیا، سکھوں اور دیگر اقلیتوں کی کمیونیٹیز کا قتل عام ہندوستان کررہا ہے۔
حنیف عباسی نے کہا کہ ہندوستان نے کینیڈا میں سرکاری سرپرستی میں ایک سکھ رہنما کا قتل کیا، ہندوستان عالمی سطح پر ایک دہشت گرد ملک کے طور پر جانا جاتا ہے جبکہ پاکستان خود دہشت گردی کا شکار ملک ہے۔
انہوں نے کہا کہ پاکستان میں دہشت گردی کے واقعات کے پیچھے مودی سرکار ہے، ہندوستان کے عوام بھی مودی سے ہوشیار رہیں۔ اُن کا کہنا تھا کہ تھا پہلگام واقعے کے بعد 15 سو سے زائد کشمیری طلباء کو مختلف یونیورسٹیز سے اٹھایا گیا ہے اور اب اُن کےجعلی انکاونٹر کرکے دنیا کو گمراہ کیا جائے گا۔
وفاقی وزیر نے کہا کہ فالس فلیگ آپریشن کے ذریعے پاکستان پر ملبہ ڈالا جارہا ہے، سینکڑوں کشمیریوں کو مختلف جیلوں سے نکال کر نامعلوم مقام پر منتقل کیا گیا ہے۔
انہوں نے کہا کہ پلوامہ ڈراما کر رچا بھارت ائیر اسرائیک کی پھر اپنے پائلیٹ کو چھڑانے کیلئے منتیں کیں، کشمیر میں زبردستی مسلمانوں کی زمینوں پر قبضہ کیا جارہا ہے۔ پہلگام کا فالس فلیگ آپریشن کے پیچھے ہندوستان کے مذموم عزائم ہیں۔
وفاقی وزیر کا کہنا تھا کہ آٹھ لاکھ فوج کی موجودگی میں دہشت گرد کہاں سے آسکتے ہیں، پہلگام واقعہ کے فورا بعد ایف آئی لانچ کی گئی جو فالس فلیگ آپریشن کا سب سے بڑا ثبوت ہے۔ اس فالس فلیگ کی آڑ میں ہندوستان اپنے لوگوں کو کشمیر میں بسانا چاہتا ہے، کشمیری مسلمانوں سے پراپرٹیز چھینی جارہی ہیں، پہلگام بہانہ ہے انڈس واٹر ٹریٹی نشانہ ہے۔
انہوں نے کہا کہ ہندوستان کو کہنا چاہتے ہیں تم پانی بند کروگے ہم تمہاری سانس بند کرینگے، نیشنل سیکورٹی کونسل نے پوری قوم کی ترجمانی کی ہے، قومی قیادت نے کہا ہے پانی بند کرنا جنگ کی علامت سمجھا جائے گا، ہم نے غوری، غزنوی اور شاہین چوکوں پر رکھنے کیلئے نہیں بنائے۔
انہوں نے کہا کہ ہندوستان سرحد پار کرنے کی سوچے بھی نہیں، ہمارے سپہ سالار نے کہا ہے کہ پانی بند ہوا تو سانس بند کرینگے، فضائی حدود بند ہوئی مودی کی چیکھیں نکل گئی ہیں۔
اُن کا کہنا تھا کہ ہم نے پاکستان کے تمام ریلوے اسٹیشنز پر فرنٹ ڈیسک قائم کئے ہیں، ہم نے ریلوے کو پاک فوج کے ڈسپوزل پر چھوڑا ہے، پاک افواج کو جہاں ضرورت ہو ریلوے کو استعمال کرسکتے ہیں۔
حنیف عباسی نے کہا کہ میاں نواز شریف نے ہندوستان کے پانچ دھماکوں کے مقابلے میں چھ دھماکے کئے، کوئی بھی مس ایڈوینچر ہندوستان کے گلے پڑ جائے گا، ہم ایک ذمہ دار ملک ہیں ہم نے اپنے اٹامک اثاثے سنبھال کے رکھے ہیں، انڈیا نے مہم جوئی کی پم پوری قوم یک جٹھ ہو کر لڑینگے، ہمارے سو اختلافات ہوسکتے ہیں لیکن پاکستان کی سلامتی پر کوئی اختلاف نہیں، ہم اپنی فوج کے ساتھ کھڑے ہیں۔
انہوں نے کہا کہ ہمارا اعلان ہے ہم اپنی فوج کے شانہ بہ شانہ لڑینگے، ہم نے ہمت اور حوصلے سے دہشت گردی کا مقابلہ کیا ہے، جعفر ایکسپریس واقعہ کے بعد ہم نے ایک انڈین دہشت گردو کو پکڑا تھا۔
وزیر ریلوے نے کہا کہ بلاول بھٹو کو خراج تحسین پیش کرتا ہوں انہوں نے قومی یکجہتی کا پیغام دیا ہے، کچھ ناعاقبت اندیش ابھی بھی دشمن کے بیانیہ کی حمایت کرتے ہیں، ہمارا دفتر خارجہ متحرک ہے، ہمارے وزیر خارجہ مختلف ممالک کئے ساتھ انگیج ہیں، ہم نے سفارتکاری کے ساتھ ساتھ سرحدوں کی حفاظت کا انتظام بھی کرلیا ہے۔
انہوں نے کہا کہ ہندوستانی میڈیا جوکر میڈیا ہے، ہندوستانی میڈیا مودی کے اسکرپٹ پر چل رہا ہے، میرا مشورہ ہے کہ مودی حکومت مسخرا پن چھوڑے اور پہلگام واقعہ پر اپنے عوام کو جواب دے کہ یہ کیسے ہوا، میں اپنے میڈیا، اینکرز، رپورٹرز کو خراج تحسین پیش کرتا ہوں، پاکستانی میڈیا نے ہمیشہ سنجیدگی کا مظاہرہ کیا ہے۔
.
ذریعہ
ذریعہ: Express News
کلیدی لفظ: انہوں نے کہا کہ کہ ہندوستان ہندوستان کے کہنا تھا کہ حنیف عباسی فالس فلیگ کے ساتھ کا کہنا
پڑھیں:
دعا ہے فیلڈ مارشل امن کی کوششوں میں کامیاب ہوجائیں، بلاول بھٹو زرداری
گلگت:پیپلز پارٹی کے چیئرمین بلاول بھٹو زرداری نے کہا ہے کہ دعا ہے کہ فیلڈ مارشل امن کی کوششوں میں کامیاب ہوجائیں، امن کی کوششوں کا کامیاب ہونا ضروری ہے۔
گلگت بلتستان میں انتخابی جلسے سے خطاب میں انہوں نے کہا کہ ایران میں اسکول پر میزائل مار کر بچوں کو شہید کیا گیا اس جنگ میں ایران کے ساتھ ساتھ دنیا بھر کے عوام جنگ کا بوجھ اٹھا رہے ہیں۔
ان کا کہنا تھا کہ ملک بھر میں کوئی سیاست دان نہیں جس نے میری طرح ملک بھر کے دورے کیے ہوں، میں گلگت بلتستان کی ہر تحصیل میں پہنچا ہوں، گزشتہ الیکشن میں خوشی کا ماحول تھا اس الیکشن میں سوگ کا ماحول ہے۔
ان کا کہنا تھا کہ بی آئی ایس پی ملک کا واحد پروگرام ہے جو ہر غریب کے گھر تک پہنچتا ہے، اس پروگرام کے خلاف سیاسی جماعتوں کی سازشیں ناکام ہوں گی۔
بلاول کا کہنا تھا کہ مشرف دور میں دیگر ممالک کےلیے فوجی بیسز بنے ہمارے دور میں نہیں، پاکستان کو ایٹم بم ذوالفقار علی بھٹو اور میزائل پروگرام بے نظیر نے دیا، ہم چاہتے ہیں پاکستان دفاعی و معاشی لحاظ سے مضبوط ہو، یہ کیسی معاشی پالیسی ہے کہ امیر، امیرتر ہوجائے اور غریب غریب تر ہوجائے، یہ تمام کام صرف ایک جماعت کراسکتی ہے اور وہ پیپلز پارٹی ہے۔
ان کا کہنا تھا کہ آپ نے ہر چیز کو اسلام آباد سے چلانا چاہا ہے، آپ پہلے گلگت بلتستان کو اس کا حق ملکیت دلادیں، یہ ماننا پڑے گا کہ کسی بھی پروجیکٹ میں مقامی لوگوں کو ملکیت دینی ہوگی جس طرح سندھ میں ہے جہاں تھر سے کوئلہ نکلا وہاں کے مقامی لوگوں کو بجلی دی گئی انہیں پروجیکٹس میں نوکریاں دی گئیں، انہیں شیئر کی بھی آفر کی گئی مگر انہوں ںے پیسہ لیا شیئر نہیں، تھرکول سے فائدہ سندھ کو نہیں پورے پاکستان کو ہورہا ہے مگر سب سے پہلے فائدہ مقامی لوگوں کو ہوا یہی پیپلز پارٹی چاہتی ہے۔
بلاول بھٹو زرداری کا کہنا تھا کہ میں صوبوں سے نہیں عالمی دنیا سے مقابلہ کرتا ہوں، سندھ میں جو ہاؤسنگ کا منصوبہ ہے یہ دنیا کا سب سے بڑا زلزلہ ہے، قبل ازیں یہ نیپال میں ریکارڈ تھا جہاں زلزلے کے بعد گھر بنے اور اب یہ ریکارڈ سندھ کے پاس ہے جہاں سیلاب کے بعد بیس لاکھ پکے گھر بنائے جارہے ہیں جو سیلاب آنے کے باوجود تباہ نہیں ہوں گے، یہ مکانات خواتین کے نام پر ہوں گے۔
انہوں نے مزید کہا کہ مجھے امید ہے کہ سات جون کو انتخابات میں یہاں کے عوام تیر کے نشان پر مہر لگائیں کہ تاکہ میں یہاں کے مقامیوں کو ان کا حق ملکیت دوں اور گلگت بلتستان میں اسپتالوں کا جال بچھادوں جہاں مفت علاج ہوسکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ