ولیمسن نے بابراعظم کو “پسندیدہ کرکٹر” قرار دے دیا
اشاعت کی تاریخ: 27th, April 2025 GMT
سابق کیوی کپتان کین ولیمسن نے بابراعظم کو اپنا پسندیدہ پاکستانی کرکٹر قرار دے دیا۔
کرکٹ ویب سائٹ کودئیے گئے خصوصی انٹرویو میں انھوں نے کہا کہ میں پاکستان میں صرف چند دنوں سے ہوں، برسوں سے پاکستانی ٹیم کے خلاف کئی بار کھیلنے کا تجربہ حاصل ہوا، میں ہمیشہ بابر اعظم کو بیٹنگ کرتے دیکھنے سے لطف اندوز ہوا ہوں، وہ ایک شاندار بیٹر ہیں اور دیکھنے کے قابل بہت خوبصورت کھیل پیش کرتے ہیں، اسی لیے وہ ہمیشہ سے میرے پسندیدہ رہے ہیں۔
انہوں نے کہا کہ پاکستان کرکٹ میں ہمیشہ سے فاسٹ بولرز کی بہتات رہی ہے، اب بھی بہت سے خطرناک بولرز موجود ہیں، شاہین آفریدی خاص طور پر نئی گیند کے ساتھ شاندار رہے ہیں۔
آئی سی سی ایونٹس کے فیصلہ کن معرکوں میں نیوزی لینڈ کی کئی شکستوں پر کین ولیمسن نے کہا کہ میں نتائج کے بارے میں یقین سے کچھ نہیں کہہ سکتا، البتہ کچھ میچز میں ہم بہترین پوزیشنز میں رہے اور کامیابیاں بھی حاصل کی ہیں، پھر فائنلز تک پہنچ کر جیت نہ پانے کا تجربہ بھی ہوا۔
پاکستان میں منعقدہ چیمپئنز ٹرافی 2025 کے حوالے سے انھوں نے کہا کہ وہ ایک اچھا ٹورنامنٹ تھا اور ہم اسے جیتنا چاہتے تھے، البتہ ایسا نہ ہوسکا، خیر آپ آگے بڑھتے اور اب اگلا ہدف پی ایس ایل ہی ہے۔
آئی پی ایل کے دوران کمنٹری
بھارت میں آئی پی ایل کے دوران کمنٹری کو کین ولیمسن نے اپنے کیریئر کے اس مرحلے پر اچھا تجربہ قرار دیا، انہوں نے کہا کہ کرکٹ کھیلتے ہوئے ہی کچھ مختلف کرنے کی کوشش خوشگوار رہی۔
اس وقت میری ترجیح کھیلنا ہے لیکن دوسری طرف سے بھی کھیل سے جڑے رہنے کا تجربہ دلچسپ رہا، کمنٹری بھی اس کھیل سے قریبی تعلق رکھتی ہے جس سے میں محبت کرتا ہوں، مجموعی طور پر چند ہفتوں کے لیے یہ تجربہ کرنا بہت خوشگوار رہا۔
محمد رضوان اور بابر اعظم کے اسٹرائیک ریٹ پر تنقید کے سوال پر کین ولیمسن نے کہا کہ پی ایس ایل 10 کے کچھ میچز میں 230 کے قریب اسکور بنے بنا جبکہ بعض میں مجموعہ 130 یا 140کے قریب بھی رہا، آپ کو خود کو حالات کے مطابق ڈھالنا پڑتا ہے۔
کین ولیمسن نے فائنل تک رسائی کو کراچی کنگز کا ہدف قرار دیتے ہوئے کہا کہ لیوک رونکی سمیت کئی دوستوں سے پی ایس ایل کے بارے میں بہت کچھ سنا ہے، پہلے سے طے شدہ مصروفیات اور فٹنس کو درست کرنے کی وجہ سے یہاں آنے میں تاخیر ہوئی۔
انہوں نے کہا کہ ہم پی ایس ایل میں اچھی کارکردگی کا مظاہرہ کرتے ہوئے فائنل تک پہنچیں گے، یہی ہمارا ہدف ہے۔
Post Views: 1.ذریعہ: Daily Mumtaz
کلیدی لفظ: کین ولیمسن نے پی ایس ایل نے کہا کہ
پڑھیں:
بابراعظم کا ٹی20 کرکٹ میں اعزاز، روہت شرما کا ریکارڈ توڑ دیا
لاہور:قومی کرکٹ ٹیم کے سابق کپتان بابر اعظم نے جنوبی افریقہ کے خلاف سیریز کے دوسرے میچ میں ٹی20 کرکٹ میں سب سے زیادہ رنز بنانے کا اعزاز اپنے نام کرلیا۔
قذافی اسٹیڈیم لاہور میں پاکستان اور جنوبی افریقہ کے درمیان 3 میچوں کی سیریز کا دوسرا میچ کھیلا گیا جہاں قومی ٹیم نے بہترین بولنگ اور بیٹنگ کا مظاہرہ کر کے مہمان ٹیم کو باآسانی 9 وکٹوں سے شکست دے دی اور سیریز بھی 1-1 سے برابر کردی۔
پاکستان نے جنوبی افریقہ کی جانب سے دیا گیا 111 رنز کا ہدف 14 ویں اوور کی پہلی گیند پر 112 رنز بنا کر حاصل کرلیا، جس میں نوجوان اوپنر صائم ایوب کی دلکش اننگز بھی شامل تھی۔
صائم ایوب نے طویل عرصے بعد فارم حاصل کرتے ہوئے 38 گیندوں پر 6 چوکوں اور 5 چھکوں کی مدد سے آؤٹ ہوئے بغیر 71 رنز بنائے جبکہ بولنگ میں سلمان مرزا نے 4 اوور کے کوٹے میں صرف 14 رنز دے کر 3 وکٹیں حاصل کی اور فہیم اشرف نے سب سے زیادہ 4 کھلاڑیوں کو آؤٹ کیا۔
سلمان مرزا کو جنوبی افریقہ کے خلاف شان دار بولنگ پر میچ کا بہترین کھلاڑی قرار دیا گیا۔
بابر اعظم نے 18 گیندوں کا سامنا کرکے ایک چوکے کی مدد سے 11 رنز بنائے تاہم انہوں نے اس دوران ٹی20 کرکٹ میں سب سے زیادہ رنز بنانے کا بھارت کے سابق کپتان روہت شرما کا ریکارڈ توڑ دیا۔
بابراعظم نے ٹی20 کرکٹ میں سب سے زیادہ 4 ہزار 234 رنز بنائے ہیں، انہوں نے یہ سنگ میل 130 میچوں کی 123 اننگز میں 39.57 کی اوسط سے حاصل کیا ہے۔
قومی ٹیم کے سابق کپتان نے ٹی20 کیریئر میں 3 سنچریاں اور 36 نصف سنچریاں بنا رکھی ہیں اور ان کا اسٹرائیک ریٹ 128.77 ہے۔
بھارت کے سابق کپتان روہت شرما نے 159 میچوں میں 151 اننگز کھیل کر 32.05 کی اوسط سے 4 ہزار 231 رنز بنا کر سب سے زیادہ ٹی20 رنز بنانے کا ریکارڈ قائم کیا تھا، انہوں نے سب سے زیادہ 5 سنچریوں کا مشترکہ ریکارڈ بھی بنایا ہے۔
ٹی20 میں سب سے زیادہ رنز بنانے والے بیٹرز کی فہرست میں ویرات کوہلی تیسرے نمبر پر ہیں، جنہوں نے 117 اننگز میں 48.69 کی شان دار اوسط کے ساتھ 4 ہزار 188 رنز بنائے ہیں۔
انگلینڈ کے تجربہ کار بیٹر جوز بٹلر نے 132 اننگز میں 35.49 کی اوسط اور 148.97 کے اسٹرائیک ریٹ سے 3 ہزار 869 رنز بنا رکھے ہیں اور فہرست میں چوتھے نمبر پر ہیں۔
پانچویں نمبر پر آئرلینڈ کے پال اسٹرلنگ ہیں، جنہوں نے 150 اننگز میں 26.69 کی اوسط سے 3 ہزار 710 رنز بنائے ہیں اور نیوزی لینڈ کے مارٹن گپٹل 118 اننگز میں 31.81 کی اوسط سے 3 ہزار 531 رنز بنا کر چھٹے نمبر پر ہیں۔
پاکستان کے محمد رضوان نے 106 میچ کھیلے ہیں اور 93 اننگز میں 47.41 کی اوسط اور 125.37 کے اسٹرائیک ریٹ سے 3 ہزار 414 ٹی20 رنز بنائے ہیں اور اس فہرست میں ان کا نمبر 6 ہے۔
بابر اعظم ایک ٹی 20 میچ میں کتنے عالمی ریکارڈز توڑ سکتے ہیں؟