سندھ اور پنجاب میں سیکڑوں ایکڑ پر لگی گندم کی فصل آگ لگنے سے جل کر راکھ ہوگئی
اشاعت کی تاریخ: 27th, April 2025 GMT
سندھ اور پنجاب کے مختلف علاقوں میں سیکڑوں ایکڑ پر لگی گندم کی فصل میں آگ لگنےسے کروڑوں روپے کی گندم جل کر راکھ ہوگئی۔
گزشتہ دو ہفتوں کے دوران گندم کی فصل میں آگ لگنےکے متعدد واقعات رپورٹ ہوئے ہیں۔
لودھراں میں دو ہفتوں میں 30 اور حافظ آباد میں ایک ہفتے میں 17 واقعات میں 300 ایکڑ پر گندم جل گئی۔
ساہیوال، ڈی جی خان،سرگودھا،گوجرانوالا، بہاول پور اور شکرگڑھ میں بھی آگ سے کئی ایکڑ گندم جل کر راکھ ہوگئی جس کے باعث کاشت کاروں کا کروڑوں کا نقصان ہوا۔
سندھ میں نوشہرو فیروز میں بھی گندم کی فصل میں آگ لگنے سے لاکھوں کا نقصان ہوا۔
آگ لگنے کی وجوہات معلوم نہیں کی جاسکی ہیں تاہم ریسکیو حکام کے مطابق گندم کو آگ لگنے کی عام وجہ گندم کی باقیات کو جلانا ہے جس سے ساتھ کھڑی فصل کو آگ لگ جاتی ہے، بعض اوقات گندم کی فصل کے ساتھ سے گزرتے افراد جلتی سگریٹ کھیتوں میں پھینک دیتے ہیں اس سے بھی آگ لگ جاتی ہے۔
ریسکیو حکام نے مزید بتایا کہ شکرگڑھ میں باراتیوں کی جانب سے کی جانے والی آتش بازی سےگندم کےکھیت میں آگ لگی۔
ذریعہ: Daily Mumtaz
پڑھیں:
گنڈا پور سستے مولاجٹ، سندھ والے غصہ پنجاب پر نکالتے ہیں: عظمیٰ بخاری
لاہور (نوائے وقت رپورٹ) وزیر اطلاعات پنجاب عظمیٰ بخاری نے کہا ہے کہ پنجاب حکومت نے عید پر صفائی کے مثالی انتظامات کے ساتھ ایک نئی تاریخ رقم کی ہے، جسے عوامی سطح پر بھرپور پذیرائی ملی۔ انہوں نے اعلان کیا کہ پنجاب کا سالانہ بجٹ 16 جون کو پنجاب اسمبلی میں پیش کیا جائے گا۔ انہوں نے کہا وزیر اعلیٰ پنجاب نے کسی بھی نئے ٹیکس کی تجویز کو مسترد کر دیا ہے اور آئندہ بجٹ ٹیکس فری ہوگا۔ ٹیکس نیٹ میں اضافے کے لیے ان افراد کو دائرے میں لایا جائے گا جو پہلے سے ٹیکس ادا نہیں کر رہے، تاکہ ریاستی وسائل میں اضافہ ہو۔ عظمیٰ بخاری نے وزیر اعلیٰ کے اقدامات کی تعریف کرتے ہوئے کہا کہ وزیر اعلیٰ کے مؤثر اقدامات سے کئی حلقوں میں جلن کی بو آ رہی ہے۔ وزیراعلیٰ پنجاب صوبے کے تمام وسائل کو بروئے کار لا کر ترقیاتی منصوبے مکمل کر رہی ہیں۔ ان کی خواہش ہے کہ ملک کے تمام صوبے یکساں ترقی کریں تاکہ ہر شہری کو فائدہ پہنچے۔ ان خیالات کا اظہار انہوں نے وزیر تعلیم رانا سکندر حیات کے ہمراہ ڈی جی پی آر لاہور میں ایک مشترکہ پریس کانفرنس سے خطاب کرتے ہوئے کیا۔ عظمیٰ بخاری نے کہا کہ گنڈا پور سستے مولا جٹ بننے کی کوشش کر رہے ہیں، اور علیمہ باجی خود کہتی ہیں کہ ہم نے اسلام آباد نہیں آنا، تو کچھ بھی کہنے سے پہلے اپنے مشیروں سے مشورہ کر لیں۔ وفاقی بجٹ میں عوام کو ریلیف دینے کی کوشش کی گئی ہے۔ آئی ایم ایف کے سخت پروگرام کے باعث وفاق نے متوازن بجٹ پیش کیا ہے، جبکہ پنجاب کا ٹیکس فری بجٹ 16 جون کو پیش کیا جائے گا۔ وزیراعلیٰ پنجاب تمام ترقیاتی منصوبے صوبے کے وسائل سے مکمل کر رہی ہیں۔ اس وقت وفاق کا کوئی بھی منصوبہ پنجاب میں جاری نہیں، تمام ترقیاتی کام صوبائی بجٹ سے انجام دیے جا رہے ہیں۔ انہوں نے سندھ حکومت پر تنقید کرتے ہوئے کہا کہ سندھ والے خود کام نہیں کرتے، لیکن غصہ پنجاب پر نکالتے ہیں۔ میئر کراچی سے اب تک کوڑا تک نہیں اٹھایا گیا۔ اس موقع پر وزیر تعلیم رانا سکندر حیات نے کہا ہے کہ پنجاب میں تعلیم کے ترقیاتی بجٹ میں 400 فیصد ریکارڈ اضافہ کرتے ہوئے 32 ارب سے بڑھا کر 110 ارب کر دیا ہے۔ دوسری جانب ہائیر ایجوکیشن کے بجٹ میں بھی 500 فیصد تک اضافہ کر رہے ہیں۔
بھارت: دریائے چناب پر دنیا کے سب سے اونچے ریل پل کا افتتاح