بمراہ کے بیٹے پر تنقید، اہلیہ سوشل میڈیا صارفین پر بھڑک گئیں
اشاعت کی تاریخ: 28th, April 2025 GMT
بھارتی کرکٹ ٹیم کے اسٹار فاسٹ بولر جسپریت بمراہ کی اہلیہ سنجنا گنیشن نے انٹرنیٹ پر اپنے بیٹے پر کی جانے والی بے رحمانہ ٹرولنگ کے خلاف بھرپور آواز بلند کی ہے۔
آئی پی ایل کے ایک حالیہ میچ میں، جہاں ممبئی انڈینز نے لکھنؤ سپر جائنٹس کو شکست دی، وہاں سوشل میڈیا کا میدان بھی گرم رہا۔ بمراہ اور سنجنا کے ننھے بیٹے انگد کے معصوم تاثرات پر بنائے گئے مذاق نے ماں کے دل کو چیر کر رکھ دیا۔
میچ کے دوران جب کیمرے نے انگد کے چہرے پر پڑنے والے تاثرات کو قید کیا، تو کچھ صارفین نے اس معصوم بچے کا مذاق اڑانے میں ذرا بھی تامل نہ کیا۔ جواباً، سنجنا گنیشن نے انسٹاگرام پر ایک دوٹوک پیغام جاری کیا۔
انہوں نے کہا کہ محض چند لمحوں کی ویڈیو فوٹیج کی بنیاد پر ایک چھوٹے سے بچے کے بارے میں قیاس آرائیاں کرنا نہایت افسوسناک ہے۔ انہوں نے دو ٹوک الفاظ میں کہا کہ ’’ہمارا بیٹا آپ کی تفریح کا ذریعہ نہیں ہے۔‘‘
سنجنا نے اپنی پوسٹ میں مزید واضح کیا کہ وہ اور جسپریت اپنے بیٹے کو سوشل میڈیا کی تلخیوں سے دور رکھنے کی ہر ممکن کوشش کر رہے ہیں۔ انہوں نے اعتراف کیا کہ کرکٹ اسٹیڈیم جیسی جگہ، جہاں کیمرے ہر پل تاک میں رہتے ہیں، وہاں بچے کو لانا ایک چیلنج ہے، مگر ان کی موجودگی صرف شوہر کی حوصلہ افزائی کےلیے ہوتی ہے، نہ کہ کسی تفریح کا ذریعہ بننے کےلیے۔
دوسری طرف، سنجنا نے ان صارفین کو بھی آڑے ہاتھوں لیا جنہوں نے ذہنی بیماریوں سے متعلق سنگین اصطلاحات، جیسے ’ڈپریشن کا مریض‘، انگد جیسے معصوم بچے کےلیے استعمال کیں۔ انہوں نے کہا کہ اس طرح کے الفاظ استعمال کرنا یہ دکھاتا ہے کہ بطور معاشرہ ہم کس قدر گراوٹ کا شکار ہوچکے ہیں۔
سنجنا نے واضح انداز میں کہا: ’’آپ ہمارے بیٹے اور ہماری زندگی کے بارے میں کچھ نہیں جانتے، لہٰذا اپنی رائے اپنے تک رکھیں۔‘‘
یاد رہے کہ جسپریت بمراہ اور سنجنا گنیشن نے مارچ 2021 میں شادی کی تھی، اور ستمبر 2023 میں ان کے ہاں انگد کی پیدائش ہوئی۔ یہ جوڑا بھارت میں کرکٹ شائقین کے درمیان بے حد مقبول ہے۔ سنجنا کے جذباتی ردعمل کی ایک اور وجہ بھی تھی کہ انگد کی عمر ابھی صرف ڈیڑھ سال ہے، اور اتنے کمسن بچے پر اس قسم کے حملے انتہائی تکلیف دہ ہیں۔
جہاں ذاتی محاذ پر بمراہ کے خاندان کو ایسی ناپسندیدہ صورت حال کا سامنا کرنا پڑا، وہیں میدان میں وہ شاندار کارکردگی کے جھنڈے گاڑتے نظر آئے۔ اتوار کو کھیلے گئے اہم میچ میں بمراہ نے لکھنؤ کے خلاف تباہ کن بولنگ کرتے ہوئے چار وکٹیں حاصل کیں اور اپنی ٹیم کو 54 رنز سے فتح دلوائی۔ اس شاندار کارکردگی کے ساتھ وہ ممبئی انڈینز کےلیے سب سے زیادہ وکٹیں لینے والے بولر بن گئے ہیں، اور اب تک 139 میچوں میں ٹیم کی نمائندگی کرچکے ہیں۔
.ذریعہ: Express News
کلیدی لفظ: انہوں نے
پڑھیں:
این سی سی آئی اے کی عمران خان سے جیل میں تفتیش: سوشل میڈیا اکاؤنٹس سے متعلق سوال پر جذباتی ردعمل
سابق وزیراعظم اور پاکستان تحریک انصاف کے بانی عمران خان سے اڈیالہ جیل میں سوشل میڈیا اکاؤنٹس کے معاملے میں تفتیش کی گئی، جس کی قیادت ایڈیشنل ڈائریکٹر ایاز خان کی سربراہی میں 3 رکنی ٹیم نے کی۔
میڈیا رپورٹس کے مطابق عمران خان نے سوالات کے جوابات دینے سے گریز کیا اور متعدد مواقع پر مشتعل ہو گئے۔
اہم: عمران خان سے اڈیالہ میں تفتیش، جواب میں مشتعل جوابات آئے!
عمران خان سے اڈیالہ جیل میں این سی سی آئی اے کی تفتیشی ٹیم نے سوشل میڈیا اکاونٹس بارے سوالات کیے، عمران خان جواب میں غصہ ہوئے اور سخت جوابات دیے!
سوال ہوا کہ کیا آپ کے اکاونٹس غیر ملکی شہری جبران الیاس چلاتا ہے؟… pic.twitter.com/DNJyv8A7tC
— Maryam Nawaz Khan (@maryamnawazkhan) September 16, 2025
میڈیا رپورٹس کے مطابق سابق وزیر اعظم نے ایاز خان پر ذاتی تعصب کا الزام عائد کرتے ہوئے کہاکہ یہی افسر میرے خلاف سائفر اور جعلی اکاؤنٹس کے مقدمات بناتا رہا ہے، اس کا ضمیر مر چکا ہے اور میں اسے دیکھنا بھی نہیں چاہتا۔
این سی سی آئی اے کی ٹیم نے اس موقع پر واضح کیا کہ تفتیش عدالتی احکامات کے تحت کی جا رہی ہے نہ کہ کسی ذاتی ایجنڈے کے تحت ایسا ہو رہا ہے۔
تفتیش کے دوران عمران خان سے سوال کیا گیا کہ آیا ان کے سوشل میڈیا اکاؤنٹس جبران الیاس، سی آئی اے، ’را‘ یا ’موساد‘ چلا رہے ہیں، جس پر وہ شدید مشتعل ہو گئے اور جواب دیا کہ جبران الیاس تم سب سے زیادہ محب وطن ہے۔
تحقیقاتی ٹیم نے یہ بھی پوچھا کہ جیل سے باہر پیغامات کیسے پہنچتے ہیں، جس پر عمران خان نے کہاکہ کوئی خاص پیغام رساں نہیں ہے، جو بھی ملاقات کرتا ہے وہی پیغام سوشل میڈیا ٹیم تک پہنچا دیتا ہے۔ میں طویل عرصے سے پابند سلاسل ہوں، میرے سیاسی ساتھیوں کو ملاقات کی اجازت بھی نہیں۔
تفتیشی ٹیم کے سوال پر کہ عمران خان سوشل میڈیا کے ذریعے فساد کیوں پھیلا رہے ہیں، انہوں نے وضاحت کی کہ وہ کوئی فساد نہیں پھیلا رہے بلکہ قبائلی اضلاع میں فوجی آپریشن پر اختلافی رائے دے رہے ہیں۔
یہ بھی پڑھیں: عمران خان مذاکرات کے لیے تیار، لیکن بات صرف ’بڑوں‘ سے ہوگی، وزیراعلیٰ کے پی علی امین گنڈاپور
عمران خان نے مزید دعویٰ کیا کہ پارٹی رہنما ان کے پیغامات کو دوبارہ شیئر کرنے کی ہمت نہیں رکھتے کیونکہ انہیں نتائج کا خوف ہے۔
میڈیا رپورٹس کے مطابق عمران خان نے کہاکہ اگر بتایا جائے کہ سوشل میڈیا اکاؤنٹس کون چلاتا ہے تو خدشہ ہے کہ اسے اغوا کر لیا جائےگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews این سی سی آئی اے سوشل میڈیا اکاؤنٹس عمران خان مشتعل وی نیوز
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام