آئی پی ایل؛ 14سالہ سوریہ ونشی نے سنچری بنا کر نیا ریکارڈ قائم کر دیا
اشاعت کی تاریخ: 29th, April 2025 GMT
انڈین پریمیئر لیگ (آئی پی ایل) میں 14 سالہ ویبھو سوریہ ونشی ٹی ٹوئنٹی کرکٹ میں تیز ترین سنچری بنانے والے کم عمر کھلاڑی بن گئے۔
ویبھو سوریہ ونشی کی طوفانی اننگز نے راجستھان رائلز کو گجرات ٹائٹنز کے خلاف 8 وکٹوں سے شاندار فتح دلائی۔
سوریہ ونشی نے صرف 35 گیندوں پر 100 رنز مکمل کیے، جو کہ آئی پی ایل کی تاریخ کی دوسری اور کسی بھی بھارتی کھلاڑی کی سب سے تیز ترین سنچری ہے۔ اس سے قبل صرف ویسٹ انڈیز کے لیجنڈ کرس گیل نے 2013 میں 30 گیندوں پر سنچری بنا کر یہ ریکارڈ قائم کیا تھا۔
نوجوان کھلاڑی نے راشد خان کو چھکا لگا کر اپنی سنچری مکمل کی تھی۔ ان کی اننگز میں 7 چوکے اور 11 شاندار چھکے شامل تھے تاہم وہ 38 گیندوں پر 101 رنز بنا کر بولڈ ہوگئے۔
View this post on InstagramA post shared by Rajasthan Royals (@rajasthanroyals)
ویبھو نے یشسوی جیسوال کے ساتھ مل کر 166 رنز کی ناقابلِ فراموش شراکت قائم کی، جس کی بدولت راجستھان نے 210 رنز کا بڑا ہدف صرف 15.
گزشتہ سال راجستھان رائلز نے ویبھو کو تقریباً ایک کروڑ 3لاکھ 789 بھارتی روپے میں خریدا تھا۔ انہوں نے گزشتہ ماہ ہی 14 سال کی عمر مکمل کی اور اپریل کے آغاز میں ہی اپنے ڈیبیو میچ کی پہلی گیند پر چھکا مار کر خود کو نمایاں کیا۔ گجرات کے خلاف میچ میں بھی انہوں نے اسی بے خوف انداز کا مظاہرہ کیا۔
View this post on InstagramA post shared by Rajasthan Royals (@rajasthanroyals)
سوریہ ونشی نے نہ صرف سنچری کا ریکارڈ توڑا بلکہ آئی پی ایل کی تیز ترین نصف سنچری بنانے کا اعزاز بھی حاصل کیا، جو انہوں نے صرف 17 گیندوں پر مکمل کی۔ انہوں نے ایشانت شرما کے ایک اوور میں 28 اور کریم جنت کے ایک اوور میں 30 رنز جڑ کر بولرز کو شدید دباؤ میں ڈال دیا۔
یہ فتح راجستھان رائلز کے لیے بہت اہم رہی، کیونکہ یہ ان کی مسلسل پانچ شکستوں کے بعد پہلی جیت تھی، جس سے پلے آف کی امیدیں برقرار رہیں۔
گجرات ٹائٹنز کی جانب سے شبمن گل (84) اور جوس بٹلر (50)* کی شاندار اننگز کے باوجود ٹیم نیٹ رن ریٹ کی بنیاد پر پوائنٹس ٹیبل پر تیسرے نمبر پر چلی گئی۔
ذریعہ
ذریعہ: Express News
کلیدی لفظ: سوریہ ونشی گیندوں پر انہوں نے مکمل کی پی ایل
پڑھیں:
کراچی میں شہریوں کی رہنمائی کیلیے روڈ سیفٹی آفیسر یونٹ قائم کرنے کرنا کا فیصلہ
ٹریفک پولیس کی جانب سے شہریوں کے لیے ’’روڈ سیفٹی آفیسر یونٹ‘‘ کے قیام کا فیصلہ کیا گیا ہے۔
تفصیلات کے مطابق ٹریفک پولیس نے شہریوں کو بہتر سہولیات کی فراہمی، روڈ سیفٹی کے فروغ اور عوام دوست پولیسنگ کے وژن کو مزید مؤثر بنانے کے لیے "روڈ سیفٹی آفیسر یونٹ" قائم کرنے کا فیصلہ کیا ہے۔
روڈ سیفٹی آفیسرز شہر کی اہم اور مصروف شاہراہوں بشمول شاہراہ فیصل ، ماڑی پور روڈ ، کورنگی روڈ اور شاہراہ لیاقت پر تعینات کیے جائیں گے جہاں وہ ٹریفک کی روانی کو بہتر بنانے، شہریوں کو متبادل راستوں اور سفری سہولیات سے متعلق معلومات فراہم کرنے اور بروقت مدد کے فرائض انجام دیں گے۔
ترجمان کے مطابق یونٹ کے قیام سے شہریوں کو محفوظ سفری ماحول میں رہنمائی ملے گی ، یہ یونٹ شہریوں اور ٹریفک پولیس کے درمیان رابطے کو مضبوط بنانے کے ساتھ ساتھ دوران سفر پیش آنے والی مشکلات کے فوری حل اور مؤثر رہنمائی میں اہم کردار ادا کریگا۔
یونٹ کا مقصد ٹریفک قوانین ، روڈ سیفٹی اقدامات اور ذمہ دارانہ طرز ڈرائیونگ کے حوالے سے عوامی شعور اجاگر اور اس میں مزید اضافہ کرنا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ