وزیراعظم شہباز شریف کا اقوام متحدہ سے اہم سفارتی رابطہ، پاکستان کی امن کوششوں کو عالمی سطح پر سراہا گیا
اشاعت کی تاریخ: 29th, April 2025 GMT
اسلام آباد (رضوان عباسی سے ) وزیراعظم شہباز شریف اور اقوامِ متحدہ کے سیکرٹری جنرل انتونیو گوتریس کے درمیان ایک اہم ٹیلیفونک رابطہ ہوا، جس میں جنوبی ایشیا کی موجودہ صورتحال، خطے میں قیامِ امن اور دیگر اہم امور پر تفصیلی تبادلہ خیال کیا گیا۔
وزیراعظم نے گفتگو کے دوران پاکستان کی امن کے لیے کی جانے والی کوششوں پر روشنی ڈالی اور اس عزم کا اعادہ کیا کہ پاکستان دہشتگردی کی ہر شکل کی شدید مذمت کرتا ہے۔ انہوں نے کہا کہ پاکستان نے عالمی امن کے لیے عظیم قربانیاں دی ہیں، جنہیں دنیا کو تسلیم کرنا چاہیے۔
پہلگام واقعے پر گفتگو کرتے ہوئے وزیراعظم نے بھارتی الزامات کو بے بنیاد قرار دیا اور مطالبہ کیا کہ واقعے کی شفاف تحقیقات ہونی چاہیے۔ انہوں نے واضح کیا کہ بھارتی پروپیگنڈا دراصل کشمیریوں کی آزادی کی جدوجہد کو دہشتگردی سے جوڑنے کی کوشش ہے، جسے عالمی برادری رد کرے۔
وزیراعظم نے مقبوضہ کشمیر میں جاری ریاستی دہشتگردی کے ناقابلِ تردید شواہد پر بھی روشنی ڈالی اور عالمی ضمیر کو بیدار کرنے کی اپیل کی۔ انہوں نے بھارت کی آبی جارحیت کو ناقابلِ قبول قرار دیتے ہوئے کہا کہ پانی 24 کروڑ پاکستانیوں کے لیے زندگی اور موت کا مسئلہ ہے۔
وزیراعظم شہباز شریف نے کہا کہ پاکستان اپنی خودمختاری اور سالمیت کے تحفظ کے لیے ہر جارحیت کا منہ توڑ جواب دے گا۔ انہوں نے اقوام متحدہ سے مطالبہ کیا کہ بھارت کو ذمہ داری کا مظاہرہ کرنے کا مشورہ دیا جائے، کیونکہ مسئلہ کشمیر جنوبی ایشیا میں بدامنی کی بنیادی جڑ ہے۔
اقوام متحدہ کے سیکرٹری جنرل انتونیو گوتریس نے پاکستان کی امن کوششوں کی تعریف کرتے ہوئے کہا کہ خطہ اس وقت کسی نئی محاذ آرائی کا متحمل نہیں ہو سکتا۔ انہوں نے کشیدگی سے گریز اور مسائل کے پرامن حل پر زور دیا۔
وزیراعظم نے اس عزم کا اعادہ کیا کہ پاکستان ایک ذمہ دار ملک کی حیثیت سے عالمی امن و سلامتی کے لیے اپنا مثبت کردار جاری رکھے گا۔ انہوں نے کہا کہ پاکستان بطور غیر مستقل رکن، اقوام متحدہ کی سلامتی کونسل میں بھی اپنی ذمہ داریاں بخوبی ادا کر رہا ہے
.
ذریعہ
ذریعہ: Daily Ausaf
کلیدی لفظ: اقوام متحدہ کہ پاکستان انہوں نے کہا کہ کے لیے کیا کہ
پڑھیں:
بلاول بھٹو زرداری کی فیلڈ مارشل کی امن کوششوں کیلئے دعا
گلگت: بلاول بھٹو زرداری نے کہا ہے کہ وہ دعا گو ہیں کہ جنگ کے خاتمے کے لیے فیلڈ مارشل کی کوششیں کامیاب ہوں کیونکہ خطے اور دنیا میں امن کا قیام وقت کی اہم ضرورت ہے۔
گلگت بلتستان میں انتخابی جلسے سے خطاب کرتے ہوئے بلاول بھٹو زرداری نے کہا کہ ایران میں ایک اسکول پر میزائل حملے کے نتیجے میں معصوم بچوں کی شہادت افسوسناک ہے۔ ان کا کہنا تھا کہ جنگ کا بوجھ صرف متاثرہ ممالک ہی نہیں بلکہ دنیا بھر کے عوام اٹھا رہے ہیں، اس لیے امن کی تمام کوششوں کا کامیاب ہونا ضروری ہے۔
پیپلز پارٹی کے چیئرمین نے کہا کہ ملک میں کوئی ایسا سیاستدان نہیں جس نے ان کی طرح ملک کے مختلف علاقوں کا دورہ کیا ہو۔ انہوں نے دعویٰ کیا کہ وہ گلگت بلتستان کی ہر تحصیل تک پہنچے ہیں اور عوام کے مسائل سے بخوبی آگاہ ہیں۔
انہوں نے بینظیر انکم سپورٹ پروگرام (بی آئی ایس پی) کا ذکر کرتے ہوئے کہا کہ یہ ملک کا واحد ایسا فلاحی پروگرام ہے جو براہِ راست غریب عوام تک پہنچتا ہے۔ ان کے مطابق اس پروگرام کے خلاف کی جانے والی تمام سیاسی سازشیں ناکام ہوں گی۔
بلاول بھٹو نے کہا کہ پاکستان کے دفاع کو مضبوط بنانے میں ذوالفقار علی بھٹو اور شہید بینظیر بھٹو کا تاریخی کردار رہا ہے۔ انہوں نے زور دیا کہ ملک کو دفاعی اور معاشی دونوں لحاظ سے مضبوط ہونا چاہیے اور ایسی معاشی پالیسی اختیار کی جانی چاہیے جس سے عام آدمی کو فائدہ پہنچے۔
انہوں نے گلگت بلتستان کے عوام کو یقین دلایا کہ پیپلز پارٹی مقامی لوگوں کو ان کے وسائل پر حق ملکیت دلانے کے لیے کام کرے گی۔ ان کا کہنا تھا کہ ترقیاتی منصوبوں میں مقامی آبادی کو حصہ دار بنایا جانا چاہیے تاکہ ترقی کے ثمرات سب سے پہلے مقامی لوگوں تک پہنچ سکیں۔
چیئرمین پیپلز پارٹی نے کہا کہ اگر عوام نے انتخابات میں ان کی جماعت پر اعتماد کیا تو گلگت بلتستان میں صحت، تعلیم اور دیگر بنیادی سہولیات کی فراہمی کو مزید بہتر بنایا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ