بھارتی بلے باز 14 سالہ ویبھو سوریا ونشی کی کارکردگی سے جل اٹھے!
اشاعت کی تاریخ: 29th, April 2025 GMT
بھارتی بلے باز اور گجرات ٹائٹنز کے کپتان شبھمن گِل کو نوجوان بلے باز ویبھو سوریا ونشی کا ریکارڈ بنانا ہضم نہ ہوا۔ راجھستان رائلز کی نمائندگی کرنے والے بلے باز کی جارحانہ اننگز کو قسمت قرار دے دیا۔
براڈکاسٹر سے گفتگو کرتے ہوئے گجرات ٹائٹنز کے کپتان شبھمن گِل نے ویبھو سوریاونشی کے متعلق کہا کہ یہ اس کا اچھا دن تھا۔ اس کی ہٹنگ زبردست تھی اور اس نے اپنے اچھے دن کا بھرپور فائدہ اٹھایا۔
سابق بھارتی کرکٹر اجے جڈیجا نے شبھمن گل کی جانب سے کم عمر بلے باز کی جارحانہ بیٹنگ کو خوش قسمتی کہنا نا مناسب قرار دیا۔
اجے جڈیجا کا کہنا تھا کہ ایک 14 سالہ کھلاڑی کو خود پر اعتماد ہے لیکن ایک کھلاڑی ٹی وی پر کہہ دیتا ہے کہ یہ بس اس کا اچھا دن تھا۔
بعد ازاں اجے جڈیجا نے ویبھو سوریا ونشی کی کامیابی کو تفصیل سے بیان کرتے ہوئے بتایا کہ کیوں 14 برس کی عمر میں دنیا کے بہترین بولرز کے خلاف آئی پی ایل کی سینچری بنانا ایک بڑا کارنامہ ہے۔
واضح رہے ویبھو سوریا ونشی گجرات ٹائٹنز کے خلاف تیز ترین سینچری اسکور کر کے ٹی ٹوئنٹی کرکٹ میں تیز ترین سنچری بنانے والے کم عمر کھلاڑی کا ریکارڈ اپنے نام کیا تھا۔
.ذریعہ: Express News
کلیدی لفظ: ویبھو سوریا ونشی بلے باز
پڑھیں:
پاکستان انوائرمینٹل پروٹیکشن ایجنسی کو ختم کرنے کی تجویز پیش
اسلام آباد(خبرنگار)وزارت موسمیاتی تبدیلی کے زیلی ادارے پاکستان انوائرمینٹل پروٹیکشن ایجنسی (پاک ای پی اے) کو ختم کرنے کی تجویز پیش کردی گئی پی ای پی اے کی کارکردگی کو جواز بنا کر فیصلہ کیا گیا ہے 30 نومبر 2025 تک ایجنسی کو ختم کرتے ہوئے بنیادی ماحولیاتی ریگولیٹری ذمہ داریوں کو براہ راست وزارت موسمیاتی تبدیلی کو منتقل کردیاجائے دستیاب دستاویز میں پاک ای پی اے کی کارکردگی کی تصویر کشی کی گئی ہے جس میں اس کے موجودہ مینڈیٹ اور اثر و رسوخ کے حوالے سے غیر تسلی بخش قرار دیا گیا ہے اور ایک ہی اے کو "باکس ٹکنگ ایکسرسائز" کا لیبل لگایاگیا ہے انوائرمینٹل پروٹیکشن ایجنسی کے تین چار ٹیکنیکل افسران کو رکھ کر باقی سٹاف کو ختم کرکے سرپلس پول میں رکھا جائیگا ایک سو دس ملین کا سالانہ بجٹ رکھنے والا ادارے کا کام اسلام آباد ماحولیاتی بے قاعدگیوں پر نظر رکھنا اور آلودگی کو کنٹرول کرنا ہے واضح رہے کہ حکومت کیجانب سے "رائٹ سائزنگ" ایجنڈے کے تحت وزیر اعظم شہباز شریف کی اعلیٰ اختیاراتی ڈائون سائزنگ کمیٹی اس پر کام کر رہی ہے اس اقدام کا مقصد مالیاتی بوجھ کو کم کرنے اور کم کارکردگی کا مظاہرہ کرنے والے محکموں کو بند کرنے یا ان کوضم کرکے پبلک سیکٹر کے آپریشنز کو ہموار کرنا ہے حکومت پہلے ہی65 سے زیادہ وفاقی اداروں کو ختم کرنے یا ضم کرنے کیلئے لسٹ بنا چکی ہے اور حکومت کیجانب سے 43 وزارتوں کے ڈھانچے کا بھی جائزہ لیا جا رہاہے۔
ایک اذان کی تکمیل کیلئے 22 شہادتیں: دنیا بھر میں آج یوم شہدائے کشمیر منایا جارہا ہے