190 ملین پاؤنڈ کیس: بشریٰ بی بی کی سزا معطلی کی درخواست آئندہ ہفتے مقرر کرنیکی ہدایت
اشاعت کی تاریخ: 30th, April 2025 GMT
— فائل فوٹو
اسلام آباد ہائیکورٹ نے 190 ملین پاؤنڈ کیس میں بشریٰ بی بی کی سزا معطلی کی درخواست آئندہ ہفتے مقرر کرنے کی ہدایت کردی۔
بیرسٹر سلمان صفدر نے بانی پی ٹی آئی کی سزا معطلی کی درخواست بھی مقرر کرنے کی استدعا کی۔
اسلام آباد ہائیکورٹ کے قائم مقام چیف جسٹس سرفراز ڈوگر اور جسٹس محمد آصف نے 190 ملین پاؤنڈ کیس میں بانی پی ٹی آئی اور بشریٰ بی بی کی سزا کے خلاف اپیلوں پر سماعت کی۔
بانی پی ٹی آئی اور بشریٰ بی بی کے وکیل بیرسٹر سلمان صفدر نے روسٹرم پر آکر کہا کہ مرکزی اپیل مقرر کرنے کا میکنزم ہوتا ہے، بانی پی ٹی آئی اور بشریٰ بی بی کی اپیلیں پہلے بھی یہاں زیرِ سماعت ہیں، شکایت ہے جو آپ کے سامنے رکھنی ہے۔
اسلام آباد ہائیکورٹ نے 190 ملین پاؤنڈ کیس میں بانیٔ پی ٹی آئی اور بشریٰ بی بی کی اپیلیں اور سزا معطلی کے معاملے کی جلد سماعت کی متفرق درخواستیں منظور کرلیں۔
سلمان صفدر نے کہا کہ تیسری دفعہ بانی پی ٹی آئی اس کیس میں جیل گئے ہیں، دوسری دفعہ پھر نیب نے بانی پی ٹی آئی کو گرفتار کیا، تیسری دفعہ سزا کے بعد وہ جیل میں ہیں، آپ کے آفس سے متعلق شکوے کی بات ہے، ہماری سزا معطلی کی درخواستیں مقرر ہو جائیں۔
انہوں نے کہا کہ بانی پی ٹی آئی کی کوئی ترجیح نہیں ہے، وہ اپیل کیوں جلد سنی گئی کیونکہ رات گئے تک ٹرائلز ہوتے رہے، آپ کے پاس سزا معطلی کی ہماری درخواستیں پڑی ہوئی ہیں۔
سلمان صفدر نے کہا کہ جو درخواستیں لگنی چاہئیں وہ لگ نہیں رہیں، جو اپیلیں نہیں لگنی چاہئیں وہ آفس لگا رہا ہے، الیکشن کمیشن کے فیصلے کے خلاف اپیلیں التوا میں ہیں، توشہ خانہ اپیلیں زیر التوا پڑی ہوئی ہیں، اب سمجھ آئی عدالت سے ہمیں ریلیف مل جاتا ہے، آفس ہے جو کیس لگا نہیں رہا۔
سلمان صفدر نے کہا کہ بشریٰ بی بی کا اس کیس میں کردار بھی کوئی نہیں، 22 سال وکالت کی، مجھے اپنی ٹریننگ پر شک ہو جاتا ہے، رجسٹرار آفس نے بڑے عجیب اعتراض لگائے، ارجنٹ فارم نہیں لگائے۔
.ذریعہ: Jang News
کلیدی لفظ: پی ٹی آئی اور بشری کی سزا معطلی کی ملین پاؤنڈ کیس بانی پی ٹی آئی بی بی کی سزا نے کہا کہ کیس میں
پڑھیں:
بشریٰ انصاری نے شوہر سے 38 سال بعد طلاق کیوں لی؟ اداکارہ نے بتادیا
لیجنڈری اداکارہ، میزبان اور کامیڈین بشریٰ انصاری ایک بار پھر اپنی نجی زندگی کے حوالے سے دیے گئے بیانات کی وجہ سے خبروں کی زینت بن گئیں۔
ابھرتی ہوئی اداکارہ اشنا شاہ کو دیئے گئے انٹرویو میں بشریٰ انصاری نے کہا کہ میں نے شادی شدہ زندگی کو بہت آئیڈیالائزڈ کیا تھا۔
اداکارہ نے بتایا کہ میں نے والدین کی خوبصورت اور محبت بھری شادی دیکھی تھی۔ اسی سوچ کے تحت میں نے بھی شادی کی لیکن یہ خواب چکنا چور ہوگیا۔
بشریٰ انصاری نے کہا کہ میرے پہلے شوہر اقبال انصاری ایک بہت اچھے انسان ہیں لیکن وہ بھی ایک روایتی پاکستانی مرد کی طرح نکلے۔
اداکارہ نے بتایا کہ میرے پہلے شوہر کو ہر وقت اس بات کی فکر رہتی تھی کہ میں گھر میں کیا کر رہی ہیں اور کیا نہیں، اور انہیں ان تمام چھوٹے چھوٹے معاملات پر پریشانی ہوتی تھی۔
بشریٰ انصاری نے کہا کہ میرے دل میں تو ہمیشہ یہی خیال رہا کہ شادیاں پریوں کی کہانی جیسی ہوتی ہے لیکن جب شادی ہوئی الٹا نکلا۔
اداکارہ نے بتایا کہ ہماری کبھی نہ بن سکی، ازدواجی زندگی خوشگوار نہ ہونے کی وجہ سے وہ علیحدگی پر مجبور ہوئیں۔
بشریٰ انصاری نے کہا کہ پاکستانی معاشرے میں مائیں اپنے بیٹوں کی ایسی تربیت کرتی ہیں کہ وہ بڑے ہوکر ماماز بوائے بن جاتے ہیں، جس کے اثرات شادی شدہ زندگی پر پڑتے ہیں۔
یاد رہے کہ بشریٰ انصاری کی پہلی شادی معروف پروڈیوسر اقبال انصاری سے ہوئی تھی اور 36 سال بعد دونوں کے درمیان 2020 میں طلاق ہوئی۔
جس کے بعد اداکارہ کی دوسری شادی کی افواہیں گردش کرنے لگیں خاص طور پر اقبال حسین کے ساتھ نام جوڑا جاتا رہا۔
اگرچہ بشریٰ انصاری نے کافی عرصے تک ان افواہوں کی تردید کی، تاہم بعد میں انہوں نے اقبال حسین کے ساتھ دوسری شادی کا اعتراف کرلیا۔
بھارتی سیریل ’تارک مہتا کا الٹا چشمہ‘ کے مشہور کردار جیٹھا لال نے کیا ڈرامے کو الوداع کہہ دیا؟