بلوچستان اسمبلی میں بھارتی جارحیت کیخلاف قرارداد پیش
اشاعت کی تاریخ: 30th, April 2025 GMT
اراکین اسمبلی نے ملک کیخلاف بھارتی جارحیت کی مذمت کرتے ہوئے کہا کہ بلوچستان کے عوام پاکستان کی حفاظت کیلئے یکجا ہیں۔ اگر بھارت کوئی جارحیت کرتا ہے تو پاکستان بھرپور جواب دیگا۔ اسلام ٹائمز۔ بھارتی کی جانب سے جاری جارحیت کے خلاف بلوچستان کی صوبائی اسمبلی میں قرارداد پیش کر لیا گیا۔ پاکستان مسلم لیگ (ن) کے رکن اسمبلی زرین مگسی نے صوبائی اسمبلی میں مذکورہ قرارداد پیش کرتے ہوئے کہا کہ بھارت کی جانب سے پاکستان پر لگائے جانے والے الزامات بے بنیاد ہیں۔ یہ اسمبلی بھارتی الزامات کی مذمت کرتا ہے۔ اگر بھارت کوئی جارحیت کرتا ہے تو پاکستان بھرپور جواب دے گا۔ بھارت کی جانب سے سندھ طاس معاہدے کو ختم کرنے کی مذمت کرتے ہیں۔ انہوں نے کہا کہ وفاقی حکومت بھارت کی جانب سے جارحیت کو عالمی برادری کے سامنے پیش کرے۔ ہمارے اندورنی مسائل بہت ہیں۔ بیرونی سطح پر بلوچستان پاکستان کے ساتھ کھڑا ہے۔ اس موقع پر جماعت اسلامی کے مجید بادینی نے کہا کہ بھارت میں انتخابات قریب آتے ہے تو اس طرح کے ہتھکنڈے استعمال کئے جاتے ہیں۔ سب سے بڑے دہشت گرد بھارت اور اسرائیل ہیں۔ پہلگام واقعے کی مذمت کرتے ہیں۔ اگر انڈیا نے کوئی حرکت کی تو اسے ایسا سبق سکھائیں گے جو اس کی نسلیں یاد رکھیں گی۔ بھارت کسی بھی غلط فہمی میں نہ رہے۔
اس موقع پر صوبائی وزیر سردار عبدالرحمان کھیتران نے کہا کہ مودی سرکار کی الزام تراشی کا پہلا واقعہ نہیں ہے۔ واقعے کے دس منٹ کے بعد پاکستان کے خلاف ایف آئی آر کاٹی جاتی ہے۔ مودی کی سرکار اسلام مخالف سیاست پر چلتی ہے۔ پاکستان کی سالمیت کے حوالے سے ہم سب ایک پیج پر ہیں۔ پاکستان کی حفاظت کے لئے پہلی صف میں کھڑا ہوں۔ ملک کے 24 کروڑ عوام محب الوطن ہیں۔ پاکستان کی اقلیتی برادری بھی محب وطن ہے۔ پاکستان کی قوم باشعور ہے۔ ہم ملک کے خلاف جارحیت کے خلاف یکجا ہیں۔ بھارت کو 1965 کی جنگ نہیں بھولی ہوگی۔ ان کے پالے ہوئے بلوچستان میں دہشت گردی کر رہے ہیں۔ ثبوت ہمارے پاس ہیں۔ بھارت افغانستان کے ذریعے بلوچستان میں دہشت گردی کر رہا ہے۔ انہوں نے کہا کہ ہم سب ایک ہیں۔ لڑنا آسان نہیں ہوتا ہے۔ بلوچستان کے غیور عوام بھرپور مزاحمت کریں گے۔ پیپلز پارٹی کی رکن اسمبلی مینا مجید نے اسمبلی سے خطاب کرتے ہوئے کہا کہ عالمی سطح پر بھارتی جھوٹے پراپیگنڈے کو بے نقاب کیا ہے۔ بھارت بلوچستان میں دہشت گردی کر رہا ہے۔ جس کی مثال ٹرین پر حملہ ہے۔ بلوچستان کی عوام فوج کے ساتھ ہے۔ ہماری فوج نے کوئی چوڑیاں نہیں پہنی ہیں۔
ذریعہ: Islam Times
کلیدی لفظ: پاکستان کی کی جانب سے نے کہا کہ کی مذمت کے خلاف
پڑھیں:
قومی اسمبلی میں ایران کے خلاف اسرائیلی جارحیت کے خلاف قرارداد متفقہ طور پر منظور
قومی اسمبلی میں ایران کے خلاف اسرائیلی جارحیت کے خلاف قرارداد متفقہ طور پر منظور ہو گئی ہے۔ قرارداد سید نوید قمر نے پیش کی۔ قرار داد میں کہا گیا ہے یہ ایوان اسرائیل کی جانب سے ایران پر جارحانہ حملوں کی بھر پور مزمت کرتا ہے۔ اسرائیلی اقدام عالمی قوانین کی کھلی خلاف ورزی ہے۔ اسرائیل نے دنیا کے امن کو خطرے میں ڈالا دیا ہے۔ پاکستان اس گھڑی میں ایران کے ساتھ کھڑا ہے قرارداد پر بات کرتے ہوئے وفاقی وزیر رانا تنویر حسین نے کہا ایران پر اسرائیلی حملوں کی شدید مذمت کرتے ہیں۔ اسرائیلی جارحیت کو روکنے کے لیے مسلم ممالک اور عالمی برادری کردار ادا کرے۔ انھوں نے کہا پاکستان کی حکومت اور عوام ایران کے ساتھ کھڑے ہیں۔ اسپیکر قومی اسمبلی سردار ایاز صادق نے کہا ہم اسرائیل کو ریاست نہیں مانتے۔ وہ ہمارے لیے وہ دہشتگرد ہے۔ قرارداد پر بات کرتے ہوئے بیرسٹر گوہر، راجہ پرویز اشرف ، صاحبزادہ حامد رضا اور حفیظ الدین نے کہا کہ اسرائیلئ اقدامات عالمی قوانین کی کھلی خلاف ورزی ہیں۔ خطے کا امن خطرے میں ہے۔ غزہ کے بعد اسرائیل اب ایران کو اپنی شدت پسندانہ سوچ کا نشانہ بنا رہا ہے۔
لاس اینجلس میں مظاہرے و گرفتاریاں، گورنر و میئر ٹرمپ پر بھڑک اٹھے