پاکستان اس وقت نازک موڑ پر کھڑا ہے، قومی اتحاد اورقابل اعتماد قیادت ناگزیر ہے. پی ٹی آئی کور کمیٹی
اشاعت کی تاریخ: 1st, May 2025 GMT
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔یکم مئی ۔2025 )تحریک انصاف کی سیاسی اور کور کمیٹی کے مشترکہ اجلاس میں کہا گیا ہے کہ پاکستان اس وقت ایک نازک موڑ پر کھڑا ہے جبکہ بھارت کی طرف سے مسلسل دھمکیوں کے پیش نظر ملک بھر میں ہائی الرٹ کردیا گیا ہے ایسے وقت میں قومی اتحاد اورقابل اعتماد قیادت ناگزیر ہے ،عمران خان کا واضح پیغام ہے امن ہماری ترجیح ہے لیکن اسے بزدلی نہیں سمجھنا چاہیے تحریک انصاف کی سیاسی اور کور کمیٹی کے مشترکہ اجلاس کے بعدجاری اعلامیہ میں بھارت کی جنگی تیاریوں اور تسلط پسند عزائم کی شدید مذمت کی گئی.
(جاری ہے)
اعلامیہ میں کہا گیا کہ مودی سرکار کے تحت چلنے والا بھارت نہ صرف پاکستان بلکہ پورے خطے کے امن کے لیے سنگین خطرہ بن چکا ہے اعلامیہ میں اس بات پر زور دیا گیا کہ موجودہ بحرانی صورتحال میں قومی اتحاد اور ایک قابل اعتماد قیادت ناگزیر ہے اعلامیے میں کہا گیا ہے کہ سب سے قابل اعتماد رہنما عمران خان اس وقت پابند سلاسل ہیں، جو جیل سے بھی پاکستان کی خودمختاری کے دفاع اور قومی یکجہتی کا پیغام دے رہے ہیں. اعلامیہ میں کہا گیا کہ عمران خان کا واضح پیغام ہے کہ امن کو کمزوری نہیں سمجھنا چاہیے جبکہ جنگ کی حمایت کی بجائے امن کو ترجیح دی جانی چاہیے تحریک انصاف نے عمران خان کی رہائی کا مطالبہ دہراتے ہوئے کہا ہے کہ ملک کی قیادت ایک خاموش اورغافل حکومت کر رہی ہے، عمران خان واحد رہنما ہیں جو پاکستان کی خود مختاری کے دفاع اور قومی اتحاد کا مطالبہ کررہے ہیں بحران کی اس گھڑی میں ان کی قیادت ناگزیر ہےانہیں خاموش رکھنا اور قید تنہائی میں رکھنا صرف ایک شخص سے نہیں بلکہ پورے ملک اور قوم سے دشمنی کے مترادف ہے. اعلامیہ میں اس عزم کا اظہار کیا گیا کہ تحریک انصاف اپنی قیادت کی رہائی اور پاکستان کی خودمختاری کے تحفظ کے لیے عوام کی مکمل حمایت کے ساتھ میدان میں ہے تاکہ قوم متحد ہو کر اپنی مقدس سرحدوں کا دفاع کر سکے.
ذریعہ: UrduPoint
کلیدی لفظ: تلاش کیجئے
پڑھیں:
وزیراعظم آزاد کشمیر کیخلاف تحریک عدم اعتماد میں مسلسل تاخیر
data-id="863a0a8" data-element_type="widget" data-widget_type="theme-post-content.default">
251102-01-25
مظفر آباد( مانیٹرنگ ڈیسک )وزیراعظم آزاد کشمیر چودھری انوارالحق کے خلاف تحریک عدم اعتماد مسلسل تاخیر کا شکار ہے اور تحریک عدم اعتماد ہفتہ کو بھی پیش نہ ہوسکی اور یہ اگلے 4روز بھی پیش ہونے کا امکان نہیں ہے‘ ذائع کا بتانا ہے کہ پیپلز پارٹی تحریک عدم اعتماد پیش کرنے سے متعلق تاحال کوئی فیصلہ نہیں کر سکی ہے، فارورڈ بلاک سے پیپلز پارٹی میں شامل ہونے والے اراکین اسمبلی بھی پریشان ہیں۔ ذرائع کا کہنا ہے کہ فارورڈ بلاک کے چند اراکین نے پیپلز پارٹی میں شمولیت کو جلد بازی کا فیصلہ قرار دیا، پیپلز پارٹی کے اراکین قیادت سے پوچھ رہے ہیں کہ حلقے میں کیسے جائیں۔ وزیراعظم آزاد کشمیر چوہدری انوارالحق نے مستعفی ہونے کیلئے شرط عائد کردی ،ذرائع کے مطابق پی پی اراکین اسمبلی اپنی قیادت سے پوچھ رہے ہیں کہ کارکنوں کو کیا جواب دیں، ووٹر سوال کریں گے کیا فیصلہ کیا۔دوسری جانب پیپلز پارٹی کے ارکان اسمبلی نے کشمیر ہاؤس میں ڈیرے ڈال دیے ہیں۔ذرائع کا بتانا ہے کہ بلاول بھٹو زرداری ہی تحریک عدم اعتماد پیش کرنے کے حوالے سے حتمی فیصلہ کریں گے تاہم آئندہ 3 سے 4 روز تک تحریک عدم اعتماد پیش کیے جانے کا امکان نہیں ہے۔خیال رہے کہ مسلم لیگ ن اور پیپلز پارٹی نے آزاد کشمیر کے وزیراعظم چوہدری انوار الحق کے خلاف تحریک عدم اعتماد پیش کرنے پر اتفاق کیا ہے تاہم مسلم لیگ ن نے فیصلہ کیا ہے کہ وہ حکومت سازی میں پیپلز پارٹی کا ساتھ نہیں دے گی، اگر پیپلز پارٹی کے پاس مطلوبہ اراکین کی تعداد پوری ہے تو پیپلز پارٹی کا حق ہے وہ حکومت بنائے، ن لیگ نے اپوزیشن میں بیٹھنے کا فیصلہ کیا ہے۔
سولجر بازار میں ریسٹورنٹ کے باہر فائرنگ سے تاجر جاں بحق